വൃദ്ധന്റെ വേഷത്തിൽ ഹരിശ്രീ അശോകൻ ;ഇളയ രാജയുടെ പുതിയ പോസ്റ്റർ ശ്രെദ്ധ നേടുന്നു

മേൽവിലാസം , അപ്പോത്തിക്കിരി എന്നീ നിരൂപ പ്രശംസ നേടിയ ചിത്രങ്ങൾ ഒരുക്കിയ മാധവ് രാമദാസൻ സംവിധാനം ചെയ്ത ചിത്രമാണ് ഇളയ രാജ. ഈ മാസം 22 റിലീസ് ചെയ്യാൻ ഇരിക്കുന്ന ചിത്രത്തിന്റെ പുതിയ ക്യാരക്ടർ പോസ്റ്റർ ഇപ്പോൾ പ്രേക്ഷകരെ അമ്പരിപ്പിച്ചിരിക്കുകയാണ് ..വൃദ്ധന്റെ വേഷത്തിൽ തിരിച്ചറിയാൻ പോലുമാകാതെ ഗംഭീര ഗെറ്റപ്പിലാണ് ഹരിശ്രീ അശോകൻ ചിത്രത്തിൽ എത്തുന്നത്. ഇളയരാജയുടെ ഫസ്റ്റ്ലുക്ക് പോസ്റ്ററുകളും ഗാനങ്ങളും ഇതിനോടകം ശ്രദ്ധേയമായി..

സൂപ്പർ താരങ്ങളോ യുവ താരങ്ങളോ ഇല്ലാത്ത ഈ ചിത്രത്തിന് റിലീസിന് മുൻപേ തന്നെ മികച്ച സാറ്റലൈറ്റ് റൈറ്റ്സ് എന്ന അപൂർവ നേട്ടവും ഈ ചിത്രം സ്വന്തമാക്കിയിരിക്കുന്നു .ഈ ചിത്രത്തിന്റെ സാറ്റലൈറ്റ് അവകാശം വാങ്ങിയിരിക്കുന്നത് പ്രമുഖ ചാനൽ ആയ മഴവിൽ മനോരമ ആണ്.

പ്രശസ്ത ബാനർ ആയ ഇ ഫോർ എന്റർടൈൻമെന്റ് ആണ് ഈ ചിത്രം കേരളത്തിൽ വിതരണം ചെയ്യുന്നത്. ഈ ചിത്രം കണ്ട ഇ ഫോർ എന്റർടൈൻമെന്റ് ഉടമസ്ഥരിൽ ഒരാളായ സി വി സാരഥി ഗിന്നസ് പക്രുവിന്റെ പ്രകടനത്തെ വാനോളം പുകഴ്ത്തുകയും ചെയ്‌തിരുന്നു . സജിത്ത് കൃഷ്ണ, ജയരാജ് ടി കൃഷ്ണൻ, ബിനീഷ് ബാബു എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രത്തിന് തിരക്കഥ രചിച്ചിരിക്കുന്നത് സുദീപ് ടി ജോർജ് ആണ്. ഗിന്നസ് പക്രുവിനൊപ്പം ഗോകുൽ സുരേഷ് , ദീപക് എന്നിവരും ഈ ചിത്രത്തിന്റെ താര നിരയുടെ ഭാഗം ആണ്. രതീഷ് വേഗ സംഗീതം ഒരുക്കിയ ഈ ചിത്രത്തിന് വേണ്ടി ദൃശ്യങ്ങൾ നൽകിയത് പാപ്പിനു ആണ്.