മലയാളത്തിന്റെ യുവ താരമായ ദുൽഖർ സൽമാൻ ഇപ്പോൾ തന്റെ ഏറ്റവും പുതിയ ചിത്രമായ സീതാ രാമം നേടുന്ന വിജയത്തിന്റെ സന്തോഷത്തിലാണ്. ദുൽഖറിന്റെ രണ്ടാമത്തെ തെലുങ്ക് ചിത്രമായ സീതാ രാമം ഇപ്പോൾ ആഗോള കളക്ഷൻ എഴുപത് കോടിയോളം നേടിയെന്നാണ് റിപ്പോർട്ടുകൾ സൂചിപ്പിക്കുന്നത്. തെലുങ്ക് കൂടാതെ മലയാളം, തമിഴ് ഭാഷകളിലും റിലീസ് ചെയ്ത ഈ റൊമാന്റിക് ചിത്രം, മലയാളത്തിലെ കുറുപ്പ് കഴിഞ്ഞാൽ ദുൽഖർ സൽമാന്റെ ഏറ്റവും വലിയ ബോക്സ് ഓഫിസ് ഹിറ്റാണ്. എൺപത് കോടിയോളമാണ് കുറുപ്പ് നേടിയ ആഗോള ഗ്രോസ്. അത്കൊണ്ട് തന്നെ സീതാ രാമം കുറുപ്പിനെ മറികടക്കുമോ എന്നും, ദുൽഖറിന് നൂറു കോടി ഗ്രോസ് നേടുന്ന ഒരു ചിത്രം സമ്മാനിക്കുമോ എന്നുമാണ് സോഷ്യൽ മീഡിയ ചർച്ചകൾ. എന്നാൽ തനിക്കു കോടി ക്ളബുകളിൽ താല്പര്യമില്ലെന്നാണ് ദുൽഖർ സൽമാൻ പറയുന്നത്. നൂറ് കോടിക്കും അമ്പത് കോടിക്കും പിന്നാലെ പായാൻ താല്പര്യമില്ലെന്നും അത് സിനിമയെന്ന കലയെ ബാധിക്കുമെന്നും ദുൽഖർ പറയുന്നു.
ഫിലിം ഷിൽമിക് നൽകിയ അഭിമുഖത്തിലാണ് ദുൽഖർ ഇത് വ്യക്തമാക്കിയത്. വലിയ കളക്ഷൻ നമ്പറുകളിലേക്കു എത്തിപ്പെടാൻ നോക്കുന്നത് മോശം സിനിമകൾ ഉണ്ടാവാൻ കാരണമാകുമെന്നും, ഒരു സിനിമ അന്പതോ നൂറോ കോടി നേടിയാൽ മാത്രമേ സൂപ്പർ ഹിറ്റാവു എന്നൊരു ധാരണ ഇവിടെയുണ്ടെന്നും ദുൽഖർ വിശദീകരിക്കുന്നു. തന്റെ സിനിമ എത്ര പണം ചെലവഴിച്ചാണ് ഉണ്ടാക്കുന്നതെന്നും അതിനു എന്ത് ലാഭം കിട്ടിയെന്നും തനിക്കറിയാമെന്നും, വമ്പൻ ബ്ലോക്ക്ബസ്റ്ററുകളുടെ പിന്നാലെ താൻ പോകാറില്ല എന്നും ദുൽഖർ പറഞ്ഞു. കളക്ഷൻ എന്താകും എന്ന് നോക്കാതെ ജോലി ചെയ്യുമ്പോഴാണ് നല്ല ചിത്രങ്ങൾ ഉണ്ടാകുന്നതെന്നും, വലിയ കളക്ഷൻ നേടിയ പല ചിത്രങ്ങൾക്കും ചിലപ്പോൾ നല്ല കഥ പോലും കാണില്ലായെന്നും ദുൽഖർ കൂട്ടിച്ചേർക്കുന്നു.
മലയാള സിനിമാലോകത്ത് മികച്ച രണ്ടു ചിത്രങ്ങൾ ഒരുക്കിക്കൊണ്ട് തൻ്റെ സ്ഥാനം അടയാളപ്പെടുത്തിയ സംവിധായകനാണ് ഷാനവാസ് .കെ .ബാവക്കുട്ടി. ആദ്യത്തെ സംവിധാന…
മലയാളത്തിലെ പ്രശസ്ത സംവിധായകനായ അൻവർ റഷീദിന്റെ പുതിയ പ്രൊജെക്ടുകളെ കുറിച്ചുള്ള വാർത്തകളാണ് ഇപ്പോൾ സോഷ്യൽ മീഡിയയിൽ പ്രചരിക്കുന്നത്. രാജമാണിക്യം, ചോട്ടാ…
മലയാളത്തിന്റെ മെഗാസ്റ്റാർ മമ്മൂട്ടിയുടെ ഏറ്റവും പുതിയ ലുക്ക് ആണ് ഇപ്പോൾ സോഷ്യൽ മീഡിയയിൽ സംസാര വിഷയം. മുടി പിന്നിലേക്ക് ചീകിയൊതുക്കി,…
കേരളത്തിൽ നിന്ന് മാത്രം 50 കോടി രൂപ ഗ്രോസ് കളക്ഷൻ നേടുന്ന ചിത്രങ്ങളിൽ ഒന്നായി ടോവിനോ തോമസിന്റെ അജയന്റെ രണ്ടാം…
മെഗാബ്ലോക്ക്ബസ്റ്റർ വിജയം നേടി മുന്നേറുന്ന ടോവിനോ തോമസ് ചിത്രം അജയന്റെ രണ്ടാം മോഷണത്തിന് കയ്യടിയുമായി പ്രശസ്ത സംവിധായകൻ ജൂഡ് ആന്റണി…
മാജിക് ഫ്രെയിംസിന്റെ ചരിത്രത്തിലെ ഏറ്റവും വലിയ ബോക്സ് ഓഫീസ് തേരോട്ടമാണ് 3D A.R.M ലൂടെ മലയാള സിനിമ സാക്ഷ്യം വഹിക്കുന്നത്…
This website uses cookies.