ഒരുകാലത്തു മലയാള സിനിമയിലെ താരങ്ങളിൽ ഒരാളായി ഉദിച്ചുയർന്ന നടൻ ആണ് ബാബു ആന്റണി. വില്ലനായി രംഗ പ്രവേശം ചെയ്തു, ഒട്ടേറെ സൂപ്പർ ഹിറ്റ് ചിത്രങ്ങളിൽ സൂപ്പർ താരങ്ങളുടേതടക്കം വില്ലനായി അഭിനയിച്ച ബാബു ആന്റണി പിന്നീട് നായക വേഷത്തിൽ എത്തിയും സൂപ്പർ വിജയങ്ങൾ സമ്മാനിച്ചു. മലയാളത്തിലെ ആ സമയത്തെ ആക്ഷൻ കിംഗ് ആയി അദ്ദേഹം മാറുകയും ചെയ്തു. ബാബു ആന്റണി ചിത്രങ്ങളിലെ ആക്ഷൻ, മലയാളി യുവാക്കളുടെ ഹരമായി മാറിയ ഒരു കാലമുണ്ടായിരുന്നു. എന്നാൽ താൻ വില്ലനായി വന്നപ്പോൾ ഉണ്ടായിരുന്ന ഒരു ട്രെൻഡിനെ കുറിച്ചും ആ ട്രെൻഡ് താൻ എങ്ങനെയാണു മാറ്റിയത് എന്നതിനെ കുറിച്ചും മനസ്സ് തുറക്കുകയാണ് ബാബു ആന്റണി. തന്നെ വില്ലനായി അഭിനയിക്കാൻ ഏതു ഭാഷയിൽ നിന്ന് ആര് വിളിച്ചാലും, അവർ വിളിക്കുമ്പോൾ തന്നെ താൻ അവരോട് പറഞ്ഞിരുന്നത് ബലാത്സംഗ സീനുകളിൽ അഭിനയിക്കാൻ പറ്റില്ല എന്നാണെന്നു അദ്ദേഹം പറയുന്നു. വില്ലന്മാർ സ്ത്രീകളെ ബലാത്സംഗം ചെയ്യണം എന്നത് അന്നൊരു ട്രെൻഡ് ആയിരുന്നു എന്നും താനാണ് അതിനൊരു മാറ്റം കൊണ്ട് വന്നതെന്നും ബാബു ആന്റണി പറയുന്നു.
എന്തിനാണ് വില്ലൻ നായികയെ ബലാത്സംഗം ചെയ്യുന്നത് എന്ന് ചോദിക്കുമ്പോൾ ഓഡിയന്സിനു അതൊരു ത്രില്ലാണ് എന്നായിരുന്നു പലരുടെയും മറുപടി എന്നും എന്നാൽ അത് തെറ്റാണു എന്നും ബാബു ആന്റണി പറയുന്നു. നമ്മുടെ ഓഡിയൻസ് അങ്ങനെയൊന്നുമല്ല എന്നും അദ്ദേഹം കൂട്ടിച്ചേർക്കുന്നു. ഏതായാലും ഇപ്പോൾ ഒരുപാട് വർഷങ്ങൾക്കു ശേഷം ഒരു മാസ്സ് ചിത്രത്തിലെ നായക വേഷം ചെയ്തുകൊണ്ട് അദ്ദേഹം തിരിച്ചു വരവിനു ഒരുങ്ങുകയാണ്. ഒമർ ലുലു സംവിധാനം ചെയ്യുന്ന പവർ സ്റ്റാർ എന്ന ആക്ഷൻ ചിത്രം ഉടനെ തുടങ്ങും. ഡെന്നിസ് ജോസഫ് രചിക്കുന്ന ഈ ചിത്രത്തിൽ ഹോളിവുഡിൽ നിന്നടക്കമുള്ള താരങ്ങൾ അണിനിരക്കും എന്നും ഇതൊരു പക്കാ ആക്ഷൻ ഡ്രാമ ആയിരിക്കുമെന്നും സംവിധായകനും ബാബു ആന്റണിയും അറിയിച്ചു.
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
This website uses cookies.