മികച്ച കഥാപാത്രങ്ങൾ ചെയ്തു മലയാള സിനിമയിൽ തന്റേതായ ഒരിടം കണ്ടെത്തിയ ആളാണ് ഷൈൻ ടോം ചാക്കോ. മലയാളം, തമിഴ് ഉൾപ്പെടെ ഒരുപിടി വലിയ ചിത്രങ്ങളാണ് അദ്ദേഹം അഭിനയിച്ചു ഇനി റിലീസ് ചെയ്യാൻ ഉള്ളത്. മെഗാ സ്റ്റാർ മമ്മൂട്ടി നായകനായ ഭീഷ്മ പർവ്വം, ദളപതി വിജയ് നായകനായ തമിഴ് ചിത്രം ബീസ്റ്റ് എന്നിവയൊക്കെ അതിൽ പെടും. ഇപ്പോഴിതാ കൗമുദി ചാനലിന് നൽകിയ അഭിമുഖത്തിൽ അദ്ദേഹം പറഞ്ഞ ചില കാര്യങ്ങൾ ഏറെ ശ്രദ്ധ നേടുകയാണ്. താൻ ഒരു കടുത്ത മോഹൻലാൽ ഫാൻ ആണെന്നും ചെറുപ്പം മുതൽ കൂടുതൽ കണ്ടിരിക്കുന്നത് ലാലേട്ടൻ ചിത്രങ്ങൾ ആണെന്നും അദ്ദേഹം പറയുന്നു. താൻ സിനിമയിലേക്ക് വരാൻ കാരണമായതും ലാലേട്ടന്റെ അത്തരം ചിത്രങ്ങൾ ഉണ്ടാക്കിയ സ്വാധീനം ആണെന്നും ഷൈൻ ടോം ചാക്കോ പറയുന്നുണ്ട്. കിലുക്കം, ചിത്രം ഭരതം, കിരീടം തുടങ്ങിയ ലാലേട്ടൻ ചിത്രങ്ങളാണ് ഏറെ പ്രീയപെട്ടത് എന്ന് ഷൈൻ നേരത്തെ തന്നെ പറഞ്ഞിട്ടുണ്ട്.
എൺപതുകളിൽ തനിക്കു ജനിച്ച തനിക്കും തന്നെപോലെ ഉള്ള ഏകദേശം എല്ലാ കുട്ടികൾക്കും അന്ന് മുതൽ തന്നെ മോഹൻലാലിനെ ആയിരുന്നു ഇഷ്ടമെന്നും, കാരണം അത്ര രസകരമായ കഥാപാത്രങ്ങളാണ് അദ്ദേഹം ചെയ്തിരുന്നത് എന്നും ഷൈൻ ടോം ചാക്കോ പറയുന്നു. മമ്മുക്കയുടെ ഫാൻ ആയതു അദ്ദേഹത്തെ പരിചയപെട്ടു കുറച്ചു കഴിയുമ്പോൾ ആണെന്നും ഷൈൻ പറഞ്ഞു. തനിയാവർത്തനം, ന്യൂ ഡൽഹി, അമരം തുടങ്ങിയ ചിത്രങ്ങളാണ് മമ്മുക്ക അഭിനയിച്ചതിൽ കൂടുതൽ ഇഷ്ട്ടപെട്ടത് എന്നും ഷൈൻ ടോം ചാക്കോ ക്യാൻ ചാനൽ മീഡിയക്ക് നൽകിയ അഭിമുഖത്തിൽ നേരത്തെ വെളിപ്പെടുത്തിയിട്ടുണ്ട്.
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്ത "മൂൺ വാക്" മെയ് 30 നു ആണ് റിലീസ്…
കൈതിയിലൂടെ സംവിധായകന് ലോകേഷ് കനകരാജ് തുടക്കം കുറിച്ച സിനിമാറ്റിക് യൂണിവേഴ്സായ എല് സി യുവിലെ അടുത്ത ചിത്രമായ ബെൻസിൽ മലയാളത്തിന്റെ…
നിരൂപക പ്രശംസകളും പ്രേക്ഷകപ്രീതിയും നേടിയ ചിത്രം മൂൺ വാക്ക് തിയേറ്ററിൽ വിജയകരമായി മുന്നേറുകയാണ്. ലിജോ ജോസ് പെല്ലിശ്ശേരിയും ലിസ്റ്റിൻ സ്റ്റീഫനും…
മലയാള സിനിമാ ലോകത്തു പ്രതിഭാധനന്മാരായ നൂറിൽപ്പരം കലാകാരന്മാരുടെ മികച്ച പ്രകടനങ്ങൾ ലിജോ ജോസ് പെല്ലിശ്ശേരി അവതരിപ്പിക്കുന്ന മൂൺ വാക്കിലൂടെ നാളെ…
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്യുന്ന "മൂൺ വാക്" മെയ് 30 നു പ്രേക്ഷകരുടെ മുന്നിലെത്തുകയാണ്.…
ലിജോ ജോസ് പെല്ലിശേരിയും ലിസ്റ്റിൻ സ്റ്റീഫനും പ്രേക്ഷകരിലേക്കെത്തിക്കുന്ന മൂൺ വാക്ക് എന്ന ചിത്രത്തിന്റെ വേവ് കോണ്ടെസ്റ്റിൽ പങ്കെടുത്ത് നാളത്തെ താരമാകാനും…
This website uses cookies.