ഇരുധി സുട്രൂ, സൂരറായ് പോട്രൂ എന്നീ രണ്ടു തമിഴ് ചിത്രങ്ങളിലൂടെ തന്നെ തെന്നിന്ത്യൻ സിനിമയിലെ ഏറ്റവും മികച്ച സംവിധായികമാരിൽ ഒരാൾ എന്ന് പേര് നേടിയ പ്രതിഭയാണ് സുധ കൊങ്ങര. സൂര്യ നായകനായ സൂരറായ് പോട്രൂ എന്ന ചിത്രം കഴിഞ്ഞ വർഷം റിലീസ് ചെയ്ത ഏറ്റവും മികച്ച ഇന്ത്യൻ സിനിമകളിൽ ഒന്നായി മാറുകയും ചെയ്തു. അതിനു ശേഷം പാവ കഥൈകാൾ എന്ന ആന്തോളജി ചിത്രത്തിലെ തങ്കം എന്ന ചിത്രത്തിലൂടെയും സുധ കൊങ്ങര പ്രേക്ഷകരെ ഞെട്ടിച്ചു. ഒരേ സമയം പ്രേക്ഷകരെ അത്ഭുതപ്പെടുത്തുകയും രസിപ്പിക്കുകയും അവരുടെ മനസ്സിലിടം പിടിക്കുന്നതുമായ ചിത്രങ്ങളാണ് സുധ എന്ന സംവിധായിക ഒരുക്കുന്നത് എന്നതാണ് ഈ പ്രതിഭയെ വേറിട്ട് നിർത്തുന്നത്. ഇപ്പോഴിതാ മലയാളത്തിലെ മഹാനടനായ മോഹൻലാലിന്റെ കടുത്ത ആരാധികയാണ് താനെന്നു വെളിപ്പെടുത്തുകയാണ് സുധ കൊങ്ങര. ഇപ്പോഴത്തെ നടന്മാരിൽ ദുൽഖർ സൽമാൻ ആണ് തന്റെ പ്രീയപ്പെട്ട നടൻ എന്നും സുധ പറയുന്നു. മമ്മൂട്ടിയേയും തനിക്കു ഇഷ്ടമാണെന്നും എന്നാൽ മോഹൻലാലിന്റെ അഭിനയമാണ് കൂടുതൽ ഇഷ്ടമെന്നും സുധ പറഞ്ഞു.
മോഹൻലാൽ എന്ന നടന്റെയൊപ്പം ജോലി ചെയ്യണമെന്ന് തനിക്കു വളരെ ആഗ്രഹമുണ്ടെന്നും അത് വലിയൊരു സ്വപ്നമാണെന്നും അവർ പറയുന്നു. ദുൽഖറിന്റെ ചിത്രങ്ങൾ തനിക്കു ഇഷ്ടമാണെന്നും കഥാപാത്രത്തിന് വേണ്ടി എന്തും ചെയ്യാൻ തയ്യാറാകുന്ന ദുൽഖറിന്റെ മിടുക്കാണ് തന്നെ ആകർഷിച്ചതെന്നും സുധ നേരത്തെ തന്നെ പറഞ്ഞിട്ടുണ്ട്. ദ്രോഹി, ഗുരു എന്നീ ചിത്രങ്ങളും ഒരുക്കിയ സുധ കൊങ്ങര, പുത്തം പുതു കാലൈ എന്ന ആന്തോളജി ചിത്രത്തിലും ഒരു ഭാഗം ഒരുക്കിയിട്ടുണ്ട്. രേവതി ഒരുക്കി ശോഭന അഭിനയിച്ചു ദേശീയ പുരസ്കാരം നേടിയ മിത്ര്, മൈ ഫ്രണ്ട് എന്ന ചിത്രത്തിന്റെ തിരക്കഥ രചിച്ചതും സുധയാണ്.
പ്രശസ്ത രചയിതാവ് രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി'…
100 കോടി പിന്നിട്ടിട്ടും A.R.M ൻ്റെ ബോക്സ് ഓഫീസ് കുതിപ്പ് തുടർന്നുകൊണ്ടിരിക്കുകയാണ്. കഴിഞ്ഞ ആഴ്ചകളിലായി കേരളത്തിലെ തിയറ്ററുകളിൽ നിന്ന് എല്ലാ…
കൺവിൻസിങ് സ്റ്റാർ എന്ന പേരിൽ സമൂഹ മാധ്യമങ്ങളിൽ ഇപ്പോൾ നിറഞ്ഞു നിൽക്കുകയാണ് പ്രശസ്ത മലയാള താരം സുരേഷ് കൃഷ്ണ. അതീവ…
'തല്ലുമാല'ക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന പുതിയ ചിത്രത്തിന്റെ ടൈറ്റിൽ പുറത്ത്. സ്പോർട്സ് കോമഡി വിഭാഗത്തിൽ ഒരുങ്ങുന്ന ചിത്രത്തിൽ…
നസ്ലൻ, കല്യാണി പ്രിയദർശൻ എന്നിവരെ പ്രധാന കഥാപാത്രങ്ങളാക്കി അരുൺ ഡൊമിനിക് രചിച്ചു സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് ഇപ്പോൾ പുരോഗമിക്കുകയാണ്.…
മലയാള സിനിമയിലെ മികച്ച എഴുത്തുകാരുടെ നിരയിൽ മുൻപന്തിയിൽ സ്ഥാനം പിടിച്ചയാളാണ് രഘുനാഥ് പലേരി. മലയാള സിനിമയിലെ ക്ലാസ്സിക്കുകൾ പലതും പിറന്ന…
This website uses cookies.