തീയേറ്ററുകളിൽ ചിരിയുത്സവം; കുടുംബ പ്രേക്ഷകരെ പൊട്ടിചിരിപ്പിച്ചു ഗുണ്ട ജയന്റെ ആറാട്ട്.!

ഈ കഴിഞ്ഞ വെള്ളിയാഴ്ച കേരളത്തിലെ തീയേറ്ററുകളിൽ എത്തിയ ചിത്രമാണ് സൈജു കുറുപ്പ് നായകനായ ഉപചാരപൂർവം ഗുണ്ട ജയൻ. ഒരു പക്കാ ഫാമിലി കോമഡി എന്റെർറ്റൈനെർ ആയ ഈ ചിത്രത്തിന് ഗംഭീര പ്രേക്ഷക പ്രതികരണമാണ് ലഭിക്കുന്നത്. കുട്ടികളേയും കുടുംബ പ്രേക്ഷകരേയും വലിയ രീതിയിൽ ആകർഷിക്കുന്ന ഈ കോമഡി ചിത്രം വലിയ ചിരിയാണ് തീയേറ്ററുകളിൽ ഉണ്ടാക്കുന്നത്. ഈ അടുത്തകാലത്ത് ഇത്രയും ചിരി സമ്മാനിക്കുന്ന ഒരു ഫാമിലി എന്റെർറ്റൈനെർ ഉണ്ടായിട്ടില്ല എന്നാണ് കുടുംബ പ്രേക്ഷകർ അഭിപ്രായപ്പെടുന്നത്. ഒരു കല്യാണ വീട്ടിൽ കല്യാണ തലേന്നും കല്യാണ ദിവസവും നടക്കുന്ന സംഭവങ്ങളുടെ പശ്‌ചാത്തലത്തിൽ ഒരുക്കിയ ഈ ചിത്രത്തിൽ ആദ്യാവസാനം ഒട്ടേറെ രസകരമായ നിമിഷങ്ങൾ നിറഞ്ഞു നിൽക്കുന്നു. അഭിനേതാക്കളുടെ കിടിലൻ പ്രകടനം കൂടിയായപ്പോൾ ഉപചാരപൂർവം ഗുണ്ട ജയൻ പ്രേക്ഷകരുടെ മനസ്സ് കീഴടക്കിക്കഴിഞ്ഞു.

വേഫെയര്‍ ഫിലിംസിന്റെ ബാനറില്‍ യുവ താരം ദുല്‍ഖര്‍ സല്‍മാനും മൈ ഡ്രീംസ് എന്റര്‍ടൈന്‍മെന്റിന്റെ ബാനറില്‍ സെബാബ് ആനിക്കാടും ചേർന്നാണ് ഉപചാരപൂർവം ഗുണ്ട ജയൻ നിർമ്മിച്ചത്. അരുൺ വൈഗ സംവിധാനം ചെയ്ത ഈ ചിത്രത്തിന് തിരക്കഥ രചിച്ചിരിക്കുന്നത് രാജേഷ് വർമ്മയാണ്. സിജു വിൽസൺ, ശബരീഷ് വർമ്മ, ജോണി ആന്റണി, സാബുമോന്‍, സുധീര്‍ കരമന, ജാഫര്‍ ഇടുക്കി, ബിജു സോപാനം, വിജിലേഷ്, ബൈജു എഴുപുന്ന, തട്ടിം മുട്ടിം ഫെയിം സാഗര്‍ സൂര്യ, വൃന്ദ മേനോന്‍, നയന എന്നിവരും ഈ ചിത്രത്തിന്റെ താരനിരയിൽ ഉണ്ട്. ഇതിലെ ഗാനങ്ങൾക്ക് ഈണം പകർന്നത് ബിജിപാൽ, ശബരീഷ് വർമ്മ, രാജേഷ് വർമ്മ, ജയദാസൻ എന്നിവർ ആണ്. എൽദോ ഐസക് കാമറ ചലിപ്പിച്ച്, കിരൺ ദാസ് എഡിറ്റ് ചെയ്ത ഈ ചിത്രത്തിലെ ഗാനങ്ങൾ എല്ലാം തന്നെ സൂപ്പർ ഹിറ്റാണ്.

https://www.facebook.com/actorsijuwilson/videos/352023493454176