മോഹൻലാലിൻറെ പിറന്നാൾ ആശംസകൾക്ക് നന്ദി പറഞ്ഞ് ഹൃതിക് റോഷൻ..

മലയാളത്തിന്റെ സൂപ്പർതാരം മോഹൻലാൽ ഇന്നലെ ട്വീറ്റ് ചെയ്ത പിറന്നാൾ ആശംസയാണ് സമൂഹമാധ്യമങ്ങളിൽ ചർച്ച ആയിക്കൊണ്ടിരിക്കുന്നത്. ബോളിവുഡ് സൂപ്പർതാരം ഹൃതിക് റോഷന് പിറന്നാൾ ആശംസകൾ നേർന്ന് മോഹൻലാൽ ഇന്നലെ ട്വീറ്റ് ചെയ്തിരുന്നു

തൊട്ടുപിന്നാലെ ഹൃതിക് റോഷൻ ട്വീറ്റിന് മറുപടിയായി ഇങ്ങനെ പറഞ്ഞു. ‘എന്നെ ഒരുപാട് സ്പർശിച്ചു, പിറന്നാൾ ആശംസകൾ നേരാൻ താങ്കൾ എടുത്ത പരിശ്രമത്തിന് ഒരുപാട് നന്ദി സാർ.’

അപ്രതീക്ഷിതമായ ഈ പിറന്നാള്‍ ആശംസയ്ക്ക് പിന്നില്‍ മറ്റ് എന്തെങ്കിലും കാരണമുണ്ടോ എന്ന ആകാംക്ഷയിലാണ് സിനിമാ ആരാധകർ‍. മോഹൻലാൽ ഭീമനാകുന്ന മഹാഭാരതത്തില്‍ ഹൃതിക് റോഷനുണ്ട് എന്ന് മുൻപ് റിപ്പോർട്ട് വന്നിരുന്നു. ഇത് സത്യമാകണേ എന്ന ആഗ്രഹത്തിലാണ് സിനിമാലോകം.