കോളേജിലെ അവസാനത്തെ ആ ദിവസം; ഒരുപാട് കൗതുകങ്ങളൊളിപ്പിച്ചു ഹൃദയം ട്രൈലെർ..!

മലയാള സിനിമ പ്രേക്ഷകർ ഏറ്റവും കൂടുതൽ കാത്തിരുന്ന ഹൃദയം എന്ന ചിത്രം റിലീസിന് ഒരുങ്ങുകയാണ്. പ്രണവ് മോഹൻലാലിനെ നായകനാക്കി വിനീത് ശ്രീനിവാസൻ രചിച്ചു സംവിധാനം ചെയ്ത ഈ ചിത്രം വെള്ളിയാഴ്ചയാണ് റിലീസ് തീരുമാനിച്ചിരിക്കുന്നത്. ഇപ്പോഴിതാ ചിത്രത്തിന്റെ ട്രൈലെർ പുറത്തു വന്നു കഴിഞ്ഞു. വമ്പൻ പ്രതികരണമാണ് ഈ ട്രൈലെർ ഇപ്പോൾ സോഷ്യൽ മീഡിയയിൽ നിന്നും നേടുന്നത്. അതിഗംഭീരം എന്ന അഭിപ്രായമാണ് ട്രെയിലറിന് പ്രേക്ഷകർ നൽകുന്നത്. ചിത്രത്തിലുള്ള പ്രതീക്ഷകൾ വളരെയധികം വർധിപ്പിക്കുന്ന ഈ ട്രെയ്ലറിന്റെ പശ്ചാത്തല സംഗീതമായി ഉപയോഗിച്ചിരിക്കുന്നത് മലയാളികളുടെ പ്രീയപ്പെട്ട ഗാനങ്ങളിൽ ഒന്നായ നഗുമോയുടെ പുതിയ വേർഷൻ ആണ്. ചിത്രം എന്ന മോഹൻലാൽ ചിത്രത്തിലൂടെ സൂപ്പർ ഹിറ്റായ ആ കീർത്തനം ഹൃദയത്തിലും ഉപയോഗിച്ചിട്ടുണ്ട് വിനീത് ശ്രീനിവാസൻ. ഒരുപാട് കൗതുകങ്ങൾ ഒളിപ്പിച്ച ട്രൈലെർ ആണ് ഹൃദയത്തിന്റേതു എന്ന് പറയാം.

ഇതൊരു കംപ്ലീറ്റ് പ്രണയ ചിത്രമോ, ക്യാമ്പസ് ചിത്രമോ അല്ലെന്നും കുറച്ചു കൂടി എന്തൊക്കെയോ ഹൃദയത്തിൽ ഉണ്ടെന്നുമുള്ള സൂചനയാണ് ട്രൈലെർ നൽകുന്നത്. പ്രണവ് മോഹൻലാലിനൊപ്പം കല്യാണി പ്രിയദർശൻ, ദർശന രാജേന്ദ്രൻ, അജു വര്ഗീസ്, വിജയ രാഘവൻ തുടങ്ങി ഒട്ടേറെ പ്രശസ്ത താരങ്ങളും ഒരുപാട് പുതുമുഖങ്ങളും അഭിനയിച്ചിരിക്കുന്ന ഈ ചിത്രം നിർമ്മിച്ചത് മെരിലാൻഡ് സിനിമാസിന്റെ ബാനറിൽ വിശാഖ് സുബ്രമണ്യം ആണ്. ഹിഷാം അബ്ദുൽ വഹാബ് ആണ് ഈ ചിത്രത്തിന്റെ സംഗീത സംവിധായകൻ. പതിനഞ്ചു ഗാനങ്ങൾ ഉള്ള ഈ ചിത്രത്തിലെ എല്ലാ ഗാനങ്ങളും ഇവിടെ ഇപ്പോഴേ സൂപ്പർ ഹിറ്റുകളായി കഴിഞ്ഞു. ഏതായാലും ഹൃദയം തീയേറ്ററുകളിൽ എത്താനുള്ള കാത്തിരിപ്പിലാണ് ഇപ്പോൾ മലയാള സിനിമ പ്രേമികൾ. വിശ്വജിത് കാമറ ചലിപ്പിച്ച ഹൃദയം എഡിറ്റ് ചെയ്തത് രഞ്ജൻ എബ്രഹാം ആണ്.