ജയറാം-സലിം കുമാര്‍ ചിത്രത്തിനു പ്രതീക്ഷകള്‍ ഏറുന്നു

കുടുംബ പ്രേക്ഷകർ ആയിരുന്നു എന്നും ജയറാം എന്ന ജനപ്രിയ താരത്തിന്റെ ശ്കതി. ഒരിക്കൽ കൂടി ജയറാം ആ പഴയ കുടുംബ നായകനായി എത്തുകയാണ് സലിം കുമാർ സംവിധാനം ചെയ്യുന്ന ദൈവമേ കൈതൊഴാം കെ കുമാറാകണം എന്ന ചിത്രത്തിലൂടെ. ജനങ്ങൾ ഏറെ ഇഷ്ടപ്പെട്ടിരുന്ന ആ പഴയ ലുക്കിലാണ് സലിം കുമാർ ചിത്രത്തിൽ ജയറാം പ്രത്യക്ഷപ്പെടുന്നത്.

ഒരു കമ്പ്ലീറ്റ് ഫാമിലി ഫൺ മൂവി ആയൊരുക്കുന്ന ഈ ചിത്രത്തിൽ ഒരു വമ്പൻ താര നിര തന്നെ അണി നിരക്കുന്നുണ്ട്. ചിത്രം എഴുതി സംവിധാനം ചെയ്യുന്ന സലിം കുമാറും ചിത്രത്തിൽ അഭിനയിക്കുന്നുണ്ട്.

ആൽവിൻ ആന്റണി , സക്കറിയ തോമസ്, ശ്രീജിത്ത് രാമചന്ദ്രൻ എന്നിവർ ചേർന്ന് നിർമ്മിക്കുന്ന ഈ ചിത്രത്തിൽ വിനായകൻ, ശ്രീനിവാസൻ, നെടുമുടി വേണു, മാമുക്കോയ, സുരാജ് വെഞ്ഞാറമ്മൂട് എന്നിവരും അഭിനയിക്കുണ്ട്. നാദിർഷ സംഗീതം പകർന്നിരിക്കുന്നു ഈ ചിത്രത്തിന് വേണ്ടി കാമറ ചലിപ്പിച്ചിരിക്കുന്നതു സിനു സിദ്ധാർഥ് ആണ്.

സലിം കുമാർ ഒരുക്കുന്ന ആദ്യ വിനോദ ചിത്രമാണ് ഇത്. ഇതിനു മുൻപേ കംപാർട്മെന്റ്, കറുത്ത ജൂതൻ എന്നീ രണ്ടു ഓഫ്‌ബീറ്റ്‌ ചിത്രങ്ങൾ ആണ് സലിം കുമാർ സംവിധാനം ചെയ്തിട്ടുള്ളത്. ഈരാറ്റുപേട്ടയിൽ ഒക്ടോബർ പതിനൊന്നിന് ആരംഭിച്ച ഈ ചിത്രത്തിന്റെ ഷൂട്ടിംഗ് ഇപ്പോൾ പുരോഗമിച്ചു കൊണ്ടിരിക്കുകയാണ്.