ദുൽഖർ സൽമാന്റെ തമിഴ് ചിത്രം ഹേ സിനാമിക ഇന്ന് മുതൽ; തിയേറ്റർ ലിസ്റ്റ് എത്തി ..!

മലയാളത്തിന്റെ യുവ താരം ദുൽഖർ സൽമാൻ നായകനായി എത്തുന്ന ഏറ്റവും പുതിയ തമിഴ് ചിത്രമാണ് ഹേ സിനാമിക. പ്രശസ്ത നൃത്ത സംവിധായിക ആയ ബ്രിന്ദ മാസ്റ്റർ ആദ്യമായി സംവിധാനം ചെയ്ത ഈ റൊമാന്റിക് കോമഡി ചിത്രം ഇന്ന് ആഗോള റിലീസ് ആയി എത്തുകയാണ്. മദൻ കർക്കി രചിച്ച ഈ ചിത്രത്തിലെ നാല് ഗാനങ്ങൾ ഇതിനോടകം റിലീസ് ചെയ്യുകയും വലിയ ശ്രദ്ധ നേടുകയും ചെയ്തിട്ടുണ്ട്. അതുപോലെ ഈ ചിത്രത്തിന്റെ ട്രെയ്‌ലറും പ്രേക്ഷക ശ്രദ്ധ നേടിയെടുത്തിരുന്നു. മദൻ കർക്കി വരികൾ രചിച്ച ഈ ചിത്രത്തിലെ ഗാനങ്ങൾക്ക് ഈണം പകർന്നിരിക്കുന്നത് ഗോവിന്ദ് വസന്ത ആണ്. ഇതിൽ ഒരു ഗാനം ആലപിച്ചിരിക്കുന്നതും നായകനായ ദുൽഖർ സൽമാൻ തന്നെയാണ്. ദുൽഖർ സൽമാന്റെ നായികമാരായി ഇതിൽ അഭിനയിക്കുന്നത് കാജൽ അഗർവാളും അദിതി റാവുവും ആണ്.

ജിയോ സ്റ്റുഡിയോയും ഗ്ലോബൽ വൺ സ്റ്റുഡിയോയും വയാകോം മോഷൻ പിക്ചേഴ്സും ചേർന്ന് നിർമ്മിച്ച ഹേ സിനാമികക്ക് വേണ്ടി കാമറ ചലിപ്പിച്ചത് പ്രീത ജയരാമനും ഈ ചിത്രം എഡിറ്റ് ചെയ്തിരിക്കുന്നത് രാധ ശ്രീധറുമാണ്. നക്ഷത്ര നാഗേഷ്, മിർച്ചി വിജയ്, താപ്പ, കൗശിക്, അഭിഷേക് കുമാർ, പ്രദീപ് വിജയൻ കോതണ്ഡ രാമൻ, ഫ്രാങ്ക്, സൗന്ദര്യാ, ജെയിൻ തോംപ്സൺ, നഞ്ഞുണ്ടാൻ, രഘു, സംഗീത, ധനഞ്ജയൻ, യോഗി ബാബു എന്നിവരും അഭിനയിച്ചിരിക്കുന്ന ഈ ചിത്രം കേരളത്തിൽ റിലീസ് ചെയ്യുന്നത് ദുൽഖർ സൽമാന്റെ സ്വന്തം പ്രൊഡക്ഷൻ ബാനർ ആയ വേഫേറർ ഫിലിംസ് ആണ്. കുറുപ്പിന്റെ വലിയ വിജയത്തിന് ശേഷം തീയേറ്ററുകളിൽ എത്തുന്ന ദുൽഖർ സൽമാൻ ചിത്രമാണ് ഹേ സിനാമിക. ചിത്രത്തിന്റെ തീയേറ്റർ ലിസ്റ്റ് ഇവിടെ ചേർക്കുന്നു.