ദുൽഖർ ചിത്രത്തിന്റെ സെൻസറിങ് പൂർത്തിയായി; ട്രൈലെർ റിലീസ് പ്രഖ്യാപിച്ചു താരം..!

യുവ താരം ദുൽഖർ സൽമാൻ നായകനായി എത്തുന്ന ഏറ്റവും പുതിയ ചിത്രമാണ് ഹേ സിനാമിക. ബ്രിന്ദ മാസ്റ്റർ ആദ്യമായി ഒരുക്കിയ ഈ തമിഴ് ചിത്രത്തിന്റെ റീലീസ് കാത്തിരിക്കുകയാണ് ദുൽഖർ സൽമാൻ ആരാധകർ. ഇപ്പോഴിതാ ഈ ചിത്രത്തിന്റെ സെൻസറിങ് പൂർത്തിയായി എന്ന വിവരമാണ് ദുൽഖർ പങ്കു വെക്കുന്നത്. ക്ലീൻ യു സർട്ടിഫിക്കറ്റ് ആണ് ഈ ചിത്രത്തിന് ലഭിച്ചിരിക്കുന്നത്. മാത്രമല്ല, ഇതിന്റെ ട്രൈലെർ ഫെബ്രുവരി പതിനാറിന് വൈകുന്നേരം ആറ് മണിക്ക് റിലീസ് ചെയ്യുമെന്നുള്ള വിവരവും ദുൽഖർ സൽമാൻ പങ്കു വെച്ചിട്ടുണ്ട്. ഇതിനോടകം ഇതിലെ മൂന്നു ഗാനങ്ങൾ ആണ് റിലീസ് ചെയ്തത്. അതിലൊന്ന് ദുൽഖർ സൽമാൻ തന്നെയാണ് ആലപിച്ചത്. കാജൽ അഗർവാൾ, അദിതി റാവു എന്നിവർക്കൊപ്പമുള്ള രണ്ടു ഗാനങ്ങൾ ആണ് അതിനു ശേഷം റിലീസ് ആയതു. ഒരു റൊമാന്റിക് കോമഡി ചിത്രമായി ഒരുക്കിയ ഹേ സിനാമിക രചിച്ചത് മദൻ കർക്കിയാണ്.

മാർച്ച് മൂന്നിനാണ് ഈ ചിത്രം ആഗോള റിലീസ് ആയി എത്തുന്നത്. കേരളത്തിൽ ഈ ചിത്രം റിലീസ് ചെയ്യുന്നത് ദുൽഖർ സൽമാന്റെ പ്രൊഡക്ഷൻ ബാനർ ആയ വേഫേറർ ഫിലിംസ് ആണ്. നക്ഷത്ര നാഗേഷ്, മിർച്ചി വിജയ്, താപ്പ, കൗശിക്, അഭിഷേക് കുമാർ, പ്രദീപ് വിജയൻ കോതണ്ഡ രാമൻ, ഫ്രാങ്ക്, സൗന്ദര്യാ, ജെയിൻ തോംപ്സൺ, നഞ്ഞുണ്ടാൻ, രഘു, സംഗീത, ധനഞ്ജയൻ, യോഗി ബാബു എന്നിവരും അഭിനയിച്ച ഈ ചിത്രത്തിന് സംഗീതം ഒരുക്കിയത് ഗോവിന്ദ് വസന്ത, കാമറ ചലിപ്പിച്ചത് പ്രീത ജയരാമൻ, എഡിറ്റ് ചെയ്തിരിക്കുന്നത് രാധ ശ്രീധർ എന്നിവരാണ്. ജിയോ സ്റ്റുഡിയോയും ഗ്ലോബൽ വൺ സ്റ്റുഡിയോയും വയാകോം മോഷൻ പിക്ചേഴ്സും ചേർന്നാണ് ഹേ സിനാമിക നിർമ്മിച്ചിരിക്കുന്നത്.