നവാഗതനായ ഡിമൽ ഡെന്നിസ് സംവിധാനം ചെയ്തു, യുവ താരം ഷെയിൻ നിഗം നായകനായി അഭിനയിച്ച വലിയ പെരുന്നാൾ എന്ന ചിത്രം ഇന്ന് മുതൽ കേരളത്തിലെ തീയേറ്ററുകളിൽ എത്തുകയാണ്. മാജിക് മൗണ്ടൻ സിനിമാസിന്റെ ബാനറിൽ മോനിഷ രാജീവ് നിർമിച്ചിരിക്കുന്ന ചിത്രം പ്രശസ്ത സംവിധായകനും നിർമ്മാതാവും ആയ അൻവർ റഷീദ് ആണ് അവതരിപ്പിക്കുന്നത്. ഫെസ്റ്റിവൽ ഓഫ് സാക്രിഫൈസസ് എന്ന ടാഗ് ലൈനോടെ വരുന്ന ഈ ചിത്രത്തിന്റെ ട്രെയ്ലറും ഇതിലെ ഗാനങ്ങളും സൂപ്പർ ഹിറ്റാണ്. ഹിമിക ബോസ് നായികാ വേഷം ചെയ്യുന്ന ഈ ചിത്രത്തിൽ വമ്പൻ താര നിര തന്നെ അണിനിരക്കുന്നുണ്ട്. ജോജു ജോർജ് വളരെ നിർണ്ണായകമായ ഒരു വേഷം ചെയ്യുന്ന ഈ ചിത്രത്തിൽ സൗബിൻ ഷാഹിർ, വിനായകൻ എന്നിവർ അതിഥി വേഷത്തിലും എത്തുന്നു.
പാട്ടും ഡാൻസും ആക്ഷനും ആവേശവുമൊക്കെയായി ഒരു കമ്പ്ലീറ്റ് എന്റെർറ്റൈനെർ ആക്കിയാണ് ഈ ചിത്രം ഒരുക്കിയിരിക്കുന്നത് എന്ന സൂചനയാണ് ട്രൈലെർ നൽകുന്നത്. സംവിധായകനായ ഡിമൽ ഡെന്നിസും തസ്രീക് അബ്ദുൽ സലാമും ചേർന്നാണ് ഈ ചിത്രത്തിന്റെ തിരക്കഥ രചിച്ചിരിക്കുന്നത്. ഫോർട്ട് കൊച്ചി- മട്ടാഞ്ചേരിയിൽ ജീവിക്കുന്ന ആളുകളുടേയും അവരുടെ ഇടയിലെ സങ്കീർണമായ ബന്ധങ്ങളുടെയും അവരുടെ ദൈനം ദിന ജീവിതത്തിലെ അപ്രതീക്ഷിതമായ ചില സംഭവ വികാസങ്ങളുടേയും കഥയാണ് ഈ ചിത്രം അവതരിപ്പിക്കുന്നത് എന്നാണ് റിപ്പോർട്ടുകൾ പറയുന്നത്. റെക്സ് വിജയൻ സംഗീതം ഒരുക്കിയിരിക്കുന്ന ഈ ചിത്രത്തിന്റെ എഡിറ്റർ വിവേക് ഹര്ഷനും ദൃശ്യങ്ങൾ ഒരുക്കിയത് സുരേഷ് രാജനും ആണ്. അലെൻസിയർ, ധർമജൻ ബോൾഗാട്ടി, നിഷാന്ത് സാഗർ, സുധീർ കരമന, ബോളിവുഡിലെ അഭിനേതാക്കളായ അതുൽ കുൽക്കർണി, റാസാ മുറാദ് എന്നിവരും ഈ ചിത്രത്തിൽ ഉണ്ട്.
ബ്ലോക്ബസ്റ്റർ ഹിറ്റായ കല്യാണി പ്രിയദർശൻ - ഡൊമിനിക് അരുൺ ചിത്രം "ലോക" യുടെ രണ്ടാം ഭാഗത്തിൽ ടോവിനോ തോമസ് നായകനായി…
ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…
ദേശീയ, സംസ്ഥാന പുരസ്കാരജേതാവായ സെന്ന ഹെഗ്ഡെയുടെ ഏറ്റവും പുതിയ ചിത്രത്തിന്റെ ട്രെയിലർ പുറത്തിറങ്ങി. ‘അവിഹിതം’ എന്ന പേരിൽ പുറത്തിറങ്ങുന്ന ചിത്രത്തിന്റെ…
ദേശീയ പുരസ്കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…
This website uses cookies.