Kayamkulam Kochunni Movie Stills
ഇന്നലെ കേരളത്തിൽ റിലീസ് ചെയ്ത കായംകുളം കൊച്ചുണ്ണി എന്ന ബ്രഹ്മാണ്ഡ ചിത്രം ഗംഭീര പ്രേക്ഷക പ്രതികരണം നേടി ബോക്സ് ഓഫീസിൽ മുന്നേറുകയാണ്. ആദ്യ ദിനം ഏറ്റവും കൂടുതൽ ഷോസ് കേരളത്തിൽ കളിച്ച സിനിമ എന്ന റെക്കോർഡ് സ്വന്തമാക്കിയ ഈ ചിത്രം 94 മിഡ്നെറ് എക്സ്ട്രാ ഷോകൾ ഉൾപ്പെടെ 1600 നു മുകളിൽ ഷോകൾ ആണ് ഇന്നലെ കേരളത്തിൽ നടത്തിയത്. ഇപ്പോൾ ലഭിക്കുന്ന റിപ്പോർട്ടുകൾ പ്രകാരം ഒരു മലയാള ചിത്രം നേടുന്ന ആദ്യ ദിന കളക്ഷൻ റെക്കോർഡ് കായംകുളം കൊച്ചുണ്ണി സ്വന്തമാക്കി കഴിഞ്ഞു. ഒഫീഷ്യൽ കളക്ഷൻ പുറത്തു വിട്ടിട്ടില്ല എങ്കിലും ട്രേഡ് അനലിസ്റ്റുകൾ കണക്കു കൂട്ടുന്നത് ഏകദേശം അഞ്ചര കോടിയോളം രൂപ ഈ ചിത്രം ആദ്യ ദിനം കേരളത്തിൽ നിന്ന് നേടിയിട്ടുണ്ട് എന്നാണ്.
ആറു കോടി രൂപയ്ക്കു മുകളിൽ ആയിരുന്നു ബാഹുബലി 2 നേടിയ ആദ്യ ദിന കളക്ഷൻ. മോഹൻലാൽ- നിവിൻ പോളി കൂട്ടുകെട്ടാണ് ഇത്ര വലിയ ഒരു ഓപ്പണിങ് കായംകുളം കൊച്ചുണ്ണിക്ക് നേടിക്കൊടുത്തത്. കായംകുളം കൊച്ചുണ്ണി ആയി നിവിനും ഇത്തിക്കര പക്കി ആയി മോഹൻലാലും ഗംഭീര പ്രകടനം കാഴ്ചവെച്ചപ്പോൾ തങ്ങൾ എന്ന കളരിയാശാൻ ആയെത്തിയ ബാബു ആന്റണിയും കേശവൻ ആയെത്തിയ സണ്ണി വെയ്നും മികച്ച പ്രകടനം കാഴ്ച വെച്ചു. റോഷൻ ആൻഡ്രൂസ് സംവിധാനം ചെയ്ത ഈ ചിത്രം രചിച്ചത് ബോബി- സഞ്ജയ് ടീമും നിർമ്മിച്ചത് ഗോകുലം ഗോപാലനും ആണ്. ഗോപി സുന്ദർ സംഗീതം പകർന്നിരിക്കുന്ന കായംകുളം കൊച്ചുണ്ണിയിലെ നായികാ വേഷം ചെയ്തത് പ്രിയ ആനന്ദ് ആണ് . കുടുംബ പ്രേക്ഷകർ അടക്കം എല്ലാത്തരം പ്രേക്ഷകരും ഇരുകയ്യും നീട്ടി സ്വീകരിച്ചതോടെ ഒരു മെഗാ ബ്ലോക്ക്ബസ്റ്റർ വിജയത്തിലേക്കാണ് ഈ ചിത്രം കുതിച്ചു കൊണ്ടിരിക്കുന്നത്.
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്ത "മൂൺ വാക്" മെയ് 30 നു ആണ് റിലീസ്…
കൈതിയിലൂടെ സംവിധായകന് ലോകേഷ് കനകരാജ് തുടക്കം കുറിച്ച സിനിമാറ്റിക് യൂണിവേഴ്സായ എല് സി യുവിലെ അടുത്ത ചിത്രമായ ബെൻസിൽ മലയാളത്തിന്റെ…
നിരൂപക പ്രശംസകളും പ്രേക്ഷകപ്രീതിയും നേടിയ ചിത്രം മൂൺ വാക്ക് തിയേറ്ററിൽ വിജയകരമായി മുന്നേറുകയാണ്. ലിജോ ജോസ് പെല്ലിശ്ശേരിയും ലിസ്റ്റിൻ സ്റ്റീഫനും…
മലയാള സിനിമാ ലോകത്തു പ്രതിഭാധനന്മാരായ നൂറിൽപ്പരം കലാകാരന്മാരുടെ മികച്ച പ്രകടനങ്ങൾ ലിജോ ജോസ് പെല്ലിശ്ശേരി അവതരിപ്പിക്കുന്ന മൂൺ വാക്കിലൂടെ നാളെ…
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്യുന്ന "മൂൺ വാക്" മെയ് 30 നു പ്രേക്ഷകരുടെ മുന്നിലെത്തുകയാണ്.…
ലിജോ ജോസ് പെല്ലിശേരിയും ലിസ്റ്റിൻ സ്റ്റീഫനും പ്രേക്ഷകരിലേക്കെത്തിക്കുന്ന മൂൺ വാക്ക് എന്ന ചിത്രത്തിന്റെ വേവ് കോണ്ടെസ്റ്റിൽ പങ്കെടുത്ത് നാളത്തെ താരമാകാനും…
This website uses cookies.