രാം ഗോപാൽ വർമ്മ ഒരുക്കുന്ന പുതിയ ചിത്രം ത്രില്ലർ; അപ്സര റാണിയുടെ ഗ്ലാമർ പ്രദർശനവുമായി ത്രില്ലർ ട്രയ്ലർ എത്തി

പ്രശസ്‌ത സംവിധായകൻ രാം ഗോപാൽ വർമ ഒരുക്കിയ ത്രില്ലർ എന്ന ചിത്രത്തിന്റെ ട്രയ്ലർ ആണ് ഇപ്പോൾ സോഷ്യൽ മീഡിയയുടെ ശ്രദ്ധ നേടിയെടുക്കുന്നത്. അപ്സര റാണി എന്ന നായികയെ അവതരിപ്പിച്ചു കൊണ്ട് ഒരുക്കിയിരിക്കുന്ന ഈ ചിത്രത്തിന്റെ ട്രയ്ലർ ആ നടിയുടെ അതീവ ഗ്ലാമർ പ്രദർശനം കൊണ്ടു സമ്പന്നമാണ്. പേര് പോലെ തന്നെ ത്രില്ലിങ്ങായി തന്നെയാണ് ഈ ട്രയ്ലർ ഒരുക്കിയിരിക്കുന്നത്. ചിത്രം ഹൊറർ ത്രില്ലർ ആണോ ക്രൈം ത്രില്ലർ ആണോ എന്നറിയണമെങ്കിൽ ചിത്രം കാണുക വേണമെന്നു തോന്നുന്ന രീതിയിലാണ് ട്രയ്ലർ രൂപപ്പെടുത്തിയിരിക്കുന്നത്. രാം ഗോപാൽ വർമയുടെ തന്നെ യൂട്യൂബ് ചാനലിൽ റിലീസ് ചെയ്തിരിക്കുന്ന ഈ ട്രയ്ലർ ഇതിനോടകം വലിയ ശ്രദ്ധ നേടിക്കഴിഞ്ഞു.

ആർ ജി വി വേൾഡ് തിയേറ്റർ പ്രോഡക്ട്, സൗത്ത് പ്ലസ് എന്റർടൈന്മെന്റ് എന്നിവ ചേർന്ന് നിർമ്മിച്ചിരിക്കുന്ന ഈ ചിത്രം ആർ ജി വി വേൾഡ് എന്ന ഓണ്ലൈൻ പ്ലാറ്റ്‌ഫോം വഴിയാണ് റിലീസ് ചെയ്യാൻ പോകുന്നത്. #NNN എന്ന പേരിൽ രാം ഗോപാൽ വർമ്മ ഒരുക്കുന്ന സീരീസിലെ ഒരു ഭാഗമാണ് ഈ ചിത്രവും. നേക്കഡ്, നംഗ, നഗ്നം എന്നാണ് ഈ സീരിസിന് രാം ഗോപാൽ വർമ നൽകിയിരിക്കുന്ന പേര്. ഒരു കാലത്തു തെലുങ്കിലും, ബോളിവുഡിലും ക്ലാസിക് ചിത്രങ്ങൾ സംവിധാനം ചെയ്തിട്ടുള്ള രാം ഗോപാൽ വർമ്മ ഇപ്പോൾ തെലുങ്കിൽ മാത്രമാണ് സജീവമായി ചിത്രങ്ങളൊരുക്കുന്നത്. രംഗീലാ, സത്യാ, കമ്പനി, ഭൂത്, സർക്കാർ എന്നിവയൊക്കെ രാം ഗോപാൽ വർമയുടെ സൂപ്പർ ഹിറ്റ് ചിത്രങ്ങളാണ്. ദേശീയ അവാർഡും ഫിലിം ഫെയർ അവാർഡുകളുമടക്കം ഒട്ടേറെ പുരസ്‌കാരങ്ങൾ നേടിയിട്ടുള്ള സംവിധായകനാണ് അദ്ദേഹം.