കംപ്ലീറ്റ് ആക്ടർ മോഹൻലാൽ നായകനാവുന്ന പുതിയ ചിത്രം ആറാട്ടിന്റെ ഫസ്റ്റ് ലുക്ക് പോസ്റ്റർ ഇന്ന് രാവിലെ പുറത്തു വിട്ടു. മോഹൻലാലിന്റെ മുഖം വ്യക്തമാക്കാതെ, അദ്ദേഹം അവതരിപ്പിക്കുന്ന കഥാപാത്രത്തിന്റെ ഒരു സ്റ്റൈലിഷ് മാസ്സ് ബാക് ഷോട്ട് ആണ് ഫസ്റ്റ് ലുക്ക് പോസ്റ്റർ ആയി പുറത്തു വിട്ടിരിക്കുന്നത്. നെയ്യാറ്റിൻകര ഗോപൻ എന്ന തിരുവനന്തപുരം സ്വദേശിയായ കഥാപാത്രത്തെ മോഹൻലാൽ അവതരിപ്പിക്കുന്ന ഈ ചിത്രം കോമെഡിക്കും ആക്ഷനും ഒരുപോലെ പ്രാധാന്യം നൽകുന്ന ഒരു ചിത്രമാണെന്നാണ് സൂചന. ബി ഉണ്ണികൃഷ്ണൻ സംവിധാനം ചെയ്യുന്ന ആറാട്ട് രചിച്ചിരിക്കുന്നത് ഉദയ കൃഷ്ണയാണ്. നെയ്യാറ്റിൻകര ഗോപന്റെ ആറാട്ടു എന്നാണ് ഈ ചിത്രത്തിന്റെ മുഴുവൻ പേര്. രാഹുൽ രാജ് ഗാനങ്ങളും പശ്ചാത്തല സംഗീതവുമൊരുക്കുന്ന ഈ ചിത്രത്തിന് ക്യാമറ ചലിപ്പിക്കുന്നത് വിജയ് ഉലകനാഥും എഡിറ്റിംഗ് നിർവഹിക്കുന്നതു ഷമീർ മുഹമ്മദുമാണ്. മോഹൻലാലിനൊപ്പം ഒരു വലിയ താരനിര തന്നെ ആറാട്ടിൽ അണിനിരക്കുന്നുണ്ട്. ഈ ചിത്രത്തിൽ മോഹൻലാൽ ഉപയോഗിക്കുന്ന 2255 നമ്പർ ഉള്ള വിന്റേജ് മോഡൽ മെഴ്സിഡസ് ബെൻസിന്റെ ചിത്രം നേരത്തെ തന്നെ സോഷ്യൽ മീഡിയയിൽ വൈറലായി മാറിയിരുന്നു.
നെടുമുടി വേണു, സായ് കുമാര്, സിദ്ദിഖ്, വിജയരാഘവന്, ജോണി ആന്റണി, ഇന്ദ്രന്സ്, നന്ദു, ഷീല, സ്വാസിക, മാളവിക, രചന നാരായണന്കുട്ടി, ബിജു പപ്പൻ എന്നിവർ അഭിനയിക്കുന്ന ഈ ചിത്രത്തിലെ നായികാ വേഷം ചെയ്യുന്നത് ശ്രദ്ധ ശ്രീനാഥ് ആണ്. ഹിപ്പോ പ്രൈം, മൂവി പേ മീഡിയാസ് എന്നിവർ ചേർന്നാണ് ഈ ബിഗ് ബഡ്ജറ്റ് ചിത്രം നിർമ്മിക്കുന്നത് എന്നാണ് റിപ്പോർട്ടുകൾ വരുന്നത്. സുപ്രീം സുന്ദർ, പീറ്റർ ഹെയ്ൻ എന്നിവർ ചേർന്ന് സംഘട്ടനം ഒരുക്കാനെത്തുമെന്നും റിപ്പോർട്ടുകളുണ്ട്. പതിനെട്ടു കോടി രൂപ ബഡ്ജറ്റിൽ ആണ് ഈ ചിത്രം ഒരുക്കുന്നതെന്ന് സംവിധായകൻ ബി ഉണ്ണികൃഷ്ണൻ വ്യക്തമാക്കിയിരുന്നു.
ധ്യാൻ ശ്രീനിവാസൻ, സണ്ണി വെയ്ൻ, അജു വർഗീസ്, നിരഞ്ജ് മണിയൻപിള്ള രാജു എന്നിവർ പ്രധാന കഥാപാത്രങ്ങളായെത്തുന്ന 'ത്രയം' ഒക്ടോബര് 25-ന്…
സൗബിൻ ഷാഹിർ, ബേസിൽ ജോസഫ്, ചെമ്പൻ വിനോദ് എന്നിവരെ പ്രധാന കഥാപാത്രങ്ങളാക്കി നവാഗതനായ ശ്രീരാജ് ശ്രീനിവാസൻ സംവിധാനം ചെയ്യുന്ന 'പ്രാവിൻ…
മലയാളത്തിന്റെ യുവസൂപ്പർതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ ചിത്രമായ ലക്കി ഭാസ്കർ ഒക്ടോബർ മുപ്പത്തിയൊന്നിന് ആഗോള റിലീസായി…
ഇന്റർനെറ്റ് മൂവി ഡാറ്റ ബേസ് എന്ന ലോകത്തെ ഏറ്റവും വലിയ മൂവി ഡാറ്റ ബേസ് ഇന്ത്യന് സിനിമയില് ഏറ്റവും മികച്ച…
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
This website uses cookies.