തിരിച്ചു വരവ് ഉറപ്പാക്കി ജയറാം; പൊട്ടിച്ചിരിപ്പിച്ച ഗംഭീര ആദ്യപകുതിയുമായി പഞ്ചവർണ്ണതത്ത..

മലയാളികളുടെ പ്രിയ ഹാസ്യതാരം രമേഷ് പിഷാരടി സംവിധാനം ചെയ്ത പഞ്ചവർണ്ണതത്ത റിലീസിനെത്തി. ചിത്രത്തിൽ ജയറാമും കുഞ്ചാക്കോ ബോബനും നായക വേഷം അവതരിപ്പിക്കുന്നു. അടിമുടി ഗെറ്റപ്പിൽ മാറ്റം വരുത്തിയ ജയറാമിനെ ഇന്നോളം കാണാത്ത രീതിയിലാണ് ചിത്രത്തിലൂടെ കാണാനാകുന്നത്. ചിത്രത്തിൽ കലേഷ് എന്ന കഥാപാത്രമായി കുഞ്ചാക്കോ ബോബൻ എത്തുന്നു.

ചിത്രത്തിൽ പക്ഷികളേയും മൃഗങ്ങളെയുമെല്ലാം സംരക്ഷിക്കുകയും അവയെ പരുപാടികൾക്ക് നൽകിയും ഉപജീവനം നടത്തുന്ന വ്യക്തിയാണ് ജയറാമിന്റെ കഥാപാത്രം. കലേഷ് എന്ന രാഷ്ട്രീയ നേതാവ് അദ്ദേഹത്തിന്റെ ജീവിതത്തിൽ ഒരു പ്രധാന വ്യക്തിയായി വരികയാണ്.

ചിത്രം ആദ്യ പകുതിയിൽ നല്ല രീതിയിൽ ചിരിപ്പിച്ചു തന്നെയാണ് മുന്നേറുന്നത്. പിഷാരടി എന്ന സംവിധായകന്റെ കോമഡികൾ എല്ലാം തന്നെ നല്ല രീതിയിൽ എൽക്കുന്നുമുണ്ട് വ്യത്യസ്തമായ റോളിൽ എത്തിയ ജയറാം കൗതുകമുണർത്തുന്ന പ്രകടനമാണ് ഇതുവരെ കാഴ്ചവച്ചുകൊണ്ടിരിക്കുന്നത്. ജയാറാമിന്റെ സഹായി വേലു എന്ന കഥാപാത്രമായി ധർമ്മജനും ചിത്രത്തിൽ പൊട്ടച്ചിരിപ്പിക്കുന്നുണ്ട്. കോമഡി പ്രതീക്ഷിച്ചു വരുന്ന പ്രേക്ഷകരെ നിരാശരാക്കാത്ത ആദ്യ പകുതിയാണ് ചിത്രത്തിന്റേത്.