മലയാളസിനിമയിൽ ഇപ്പോൾ താരപുത്രന്മാരുടെ കാലമാണ്. മമ്മൂട്ടിയുടെ മകൻ ദുൽഖർ സൽമാൻ അഭിനയ രംഗത്തേക്ക് കടന്നുവന്നിട്ട് നാളുകളേറെയായി. ജയറാമിന്റെ മകൻ കാളിദാസും രണ്ട് ചിത്രങ്ങളിൽ അഭിനയിച്ചുകഴിഞ്ഞു. മോഹൻലാലിൻറെ മകനായ പ്രണവിന്റെ അരങ്ങേറ്റ ചിത്രമായ ‘ആദി’ റിലീസിനൊരുങ്ങുകയാണ്. സുരേഷ് ഗോപിയുടെ മകന് ഗോകുല് ‘മുദ്ദുഗൗ’ എന്ന ചിത്രത്തിലൂടെ കഴിഞ്ഞവര്ഷമാണ് സിനിമാലോകത്തേക്ക് ചുവടുവെച്ചത്.
എന്നാൽ മറ്റ് താരപുത്രന്മാരിൽ നിന്ന് വ്യത്യസ്തമായി അഭിനയത്തോടൊപ്പം സംവിധാന രംഗത്തേക്ക് കടക്കാനും ഗോകുലിന് ലക്ഷ്യമുണ്ട്. ഇതിനായി പല കഥകളും ഗോകുലിന്റെ മനസിലുണ്ട് താനും. പ്രണവിനെ നായകനാക്കി ഒരു ചിത്രം ചെയ്യണമെന്നതാണ് ഗോകുലിന്റെ ഏറ്റവും വലിയ ആഗ്രഹം. എന്നാൽ ആദ്യത്തെ ചിത്രത്തിൽ നായകൻ പ്രിഥ്വിരാജായിരിക്കുമെന്നും ഗോകുൽ പറയുന്നു.
അതേസമയം ഗോകുൽ സുരേഷിന്റേതായി ഇര, പപ്പു എന്നീ ചിത്രങ്ങളാണ് അണിയറയിൽ ഒരുങ്ങുന്നത്. പി. ജയറാം കൈലാസാണ് പപ്പു സംവിധാനം ചെയ്യുന്നത്. ‘ഒരേ മുഖ’ത്തിനുശേഷം ബാക്ക്വാട്ടര് ഫിലിംസിന്റെ ബാനറില് ജയലാല് മേനോന് നിര്മിക്കുന്ന ചിത്രത്തില് പുതുമുഖം ഇഷ്ണി, മെറീന മൈക്കിള് എന്നിവരാണ് നായികമാർ. ഒരു ഫുൾടൈം കോമഡി എന്റർടെയ്നറായിരിക്കും പപ്പു എന്നാണ് സൂചന. സിനിമയിൽ ഗംഭീരമേക്ക് ഓവറുമായാണ് ഗോകുൽ എത്തുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്റർ അണിയറപ്രവർത്തകർ പുറത്തുവിട്ടിരുന്നു.
ഉണ്ണി മുകുന്ദനൊപ്പമുള്ള ഇരയാണ് മറ്റൊരു ചിത്രം. സൈജു എസ് സംവിധാനം ചെയ്യുന്ന ഈ ചിത്രം ചിത്രത്തിന്റെ തിരക്കഥ തയ്യാറാക്കുന്നത് നവീന് ജോണാണ്.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.