ജീവിതത്തിൽ ഇതുവരെ സിഗരറ്റ് വലികാത്ത ദുർഗയ്ക്ക് ഒരുപാട് ആശങ്കകൾ ഉണ്ടായിരുന്നു; വൈറൽ ഫോട്ടോഷൂട്ടിനെപറ്റി ഫോട്ടോഗ്രാഫർ

പൃഥ്വിരാജ് ചിത്രമായ വിമാനത്തിലൂടെ മലയാള സിനിമയിലേക്ക് രംഗപ്രവേശം നടത്തിയ താരമാണ് ദുർഗ കൃഷ്ണ. പ്രേതം 2, ലവ് ആക്ഷൻ ഡ്രാമ എന്നീ ചിത്രങ്ങളിലും താരം ശ്രദ്ധേയമായ വേഷങ്ങൾ കൈകാര്യം ചെയ്തിരുന്നു. ദുർഗ കൃഷ്ണയുടെ പുതിയ ഫോട്ടോഷൂട്ടാണ് ഇപ്പോൾ സമൂഹ മാധ്യമങ്ങളിൽ തരംഗം സൃഷ്ട്ടിക്കുന്നത്. കൈയിൽ എരിയുന്ന സിഗരറ്റുമായി അതീവ ഗ്ലാമറസായി നിൽക്കുന്ന താരത്തിന്റെ മേക്ക്ഓവർ സിനിമ ലോകത്തെ ഞെട്ടിച്ചിരിക്കുകയാണ്. നാടൻ ലുക്കുകളിൽ കൂടുതലായി പ്രത്യക്ഷപ്പെടാറുള്ള ദുർഗ മോഡേൻ വേഷം അണിഞ്ഞപ്പോൾ ചുരുങ്ങിയ സമയം കൊണ്ട് വൈറൽ ആവുകയും സുഹൃത്തുക്കളും സിനിമ പ്രേമികൾ അഭിനന്ദിച്ചു രംഗത്ത് വന്നിരുന്നു.

ദി ബോസ് ബിച്ച് എന്നാണ് ഫോട്ടോഷൂട്ടിന് പേരിട്ടിരിക്കുന്നത്. ഫോട്ടോഷൂട്ട് ഒരുക്കിയത് സെലിബ്രിറ്റി ഫോട്ടോഗ്രാഫർ ജിക്സനാണ്. ജിക്സന്റെ ഇൻസ്റ്റാഗ്രാം പോസ്റ്റും ഏറെ ശ്രദ്ധേയമായിരുന്നു. ദുർഗ ഒരു ടിപ്പിക്കൽ മലയാളി പെണ്കുട്ടി ആണെന്നും സാരിയും സൽവാറും ഇഷ്ടപ്പെടുന്ന വ്യക്തി ആണെന് ജിക്സൻ പോസ്റ്റിൽ സൂചിപ്പിക്കുകയുണ്ടായി. ഈയൊരു ഫോട്ടോഷൂട്ട് നിഗൂഢമായ അത്ഭുതം ആണെന്നും നടിയെ മനസിലാക്കി ബോധ്യപ്പെടുത്തുവാൻ ഒരുപാട് പരിശ്രമിക്കേണ്ടി വന്നു എന്നും വ്യക്തമാക്കി. ജീവിതത്തിൽ ഇതുവരെ സിഗരറ്റ് വലികാത്ത ദുർഗയ്ക്ക് ഒരുപാട് ആശങ്കകൾ ഉണ്ടായിരുന്നു എന്നും ഒരു അഭിനേതാവ് എന്ന നിലയിൽ ഇതെല്ലാം തരണം ചെയ്തു മുന്നോട്ട് പോകും എന്നതിന്റെ ഫലമാണ് ഈ ഫോട്ടോഷൂട്ട് എന്ന് ജിക്സൻ കുറിക്കുകയുണ്ടായി.

ഫോട്ടോ കടപ്പാട്: Jikson Photography