[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

ഹാട്രിക് വിജയവുമായി ഗിരീഷ് എ ഡി; ബ്ലോക്ക്ബസ്റ്റർ വിജയത്തിലേക്ക് പ്രേമലു

മലയാള സിനിമാ പ്രേമികൾക്ക് വിശ്വസിക്കാവുന്ന ഒരു പേരായി മാറിയിരിക്കുകയാണ് ഇപ്പോൾ ഗിരീഷ് എ ഡി. പണം കൊടുത്ത് കയറിയാൽ ആദ്യാവസാനം രസകരമായ സിനിമാനുഭവം ഉറപ്പ് നൽകുന്ന വളരെ ചുരുക്കം സംവിധായകരുടെ പട്ടികയിലേക്കാണ് കേവലം മൂന്ന് ചിത്രങ്ങൾ കൊണ്ട് ഗിരീഷ് എ ഡി എന്ന യുവസംവിധായകൻ ഇടിച്ചു കയറിയിരിക്കുന്നത്. ഗിരീഷ് സംവിധാനം ചെയ്ത ഏറ്റവും പുതിയ ചിത്രമായ പ്രേമലുവും ബ്ലോക്ക്ബസ്റ്റർ ഹിറ്റിലേക്കാണ് കുതിക്കുന്നത്. തണ്ണീർമത്തൻ ദിനങ്ങൾ, സൂപ്പർ ശരണ്യ എന്നീ സൂപ്പർ വിജയങ്ങൾക്ക് ശേഷം ഗിരീഷ് ഒരുക്കിയ ചിത്രമാണ് പ്രേമലു. തന്റെ ആദ്യ രണ്ട് ചിത്രങ്ങളെ പോലെ തന്നെ കൗമാരക്കാരുടെ ജീവിതത്തിലെ സൗഹൃദം, പ്രണയം എന്നിവ തന്നെയാണ് ഈ ചിത്രത്തിലും ഗിരീഷ് അവതരിപ്പിക്കുന്ന വിഷയം. എന്നാൽ അതിനെ ഏറ്റവും രസകരമായി, മനോഹരമായി അവതരിപ്പിക്കാൻ സാധിക്കുന്നതാണ് ഈ സംവിധായകനെ വേറിട്ട് നിർത്തുന്നത്. ആദ്യാവസാനം പ്രേക്ഷകരെ ചിരിപ്പിച്ചു രസിപ്പിച്ചു കൊണ്ടാണ് ഗിരീഷ് എ ഡി കഥ പറയുന്നത്.

ഹാസ്യത്തിലൂടെ പ്രേക്ഷകരെ ചിത്രത്തിലെ കഥാപാത്രങ്ങളോട് വൈകാരികമായി ബന്ധിപ്പിക്കുന്ന ഈ സംവിധായകൻ, ചിത്രം അവസാനിപ്പിക്കുമ്പോഴേക്കും ആ കഥാപാത്രങ്ങളെ പ്രേക്ഷകരുടെ പ്രീയപ്പെട്ടവരാക്കുന്നുണ്ട്. അത്ര മനോഹരമായാണ് അദ്ദേഹം കഥ പറയുന്നത്. മികച്ച രചയിതാവ് കൂടിയായ ഗിരീഷിന് പ്രേക്ഷകർ എന്താണ് ആഗ്രഹിക്കുന്നതെന്ന് കൃത്യമായി അറിയാൻ സാധിക്കുന്നു എന്നതാണ് അദ്ദേഹത്തിന്റെ തീരുമാനങ്ങളെ വിജയമാക്കുന്നത്. സൂപ്പർ താരങ്ങളാരുമില്ലാതെ, പുതുമുഖങ്ങളേയും, പുതുനിര താരങ്ങളേയും ഉപയോഗിച്ചാണ് ഗിരീഷ് ഈ രസകരമായ സിനിമാനുഭവങ്ങൾ സൃഷ്ടിക്കുന്നതും സൂപ്പർ വിജയങ്ങൾ നല്കുന്നതുമെന്നതും എടുത്തു പറഞ്ഞു തന്നെ അഭിനന്ദിക്കേണ്ട വസ്തുതയാണ്. പ്രേക്ഷകന് പൂർണ്ണമായും വില നൽകുന്ന ഈ സംവിധായകൻ, സിനിമയുടെ ഏറ്റവും പ്രധാന ഉദ്ദേശമായ വിനോദം നൂറു ശതമാനവും തന്റെ ചിത്രങ്ങളിലൂടെ നൽകുന്നുണ്ട് എന്നത് തന്നെയാണ് അദ്ദേഹത്തെ ജനപ്രിയ സംവിധായകനാക്കുന്നത്. പ്രേമലുവും വമ്പൻ വിജയത്തിലേക്ക് കുതിക്കുമ്പോൾ ഒരു സൂപ്പർ സംവിധായകനെന്ന തന്റെ സ്ഥാനം മലയാള സിനിമയിൽ അരക്കിട്ടുപ്പിക്കുകയാണ് ഗിരീഷ് എ ഡി.

webdesk

Recent Posts

“വരവ് “അറിയിച്ച് ഷാജി കൈലാസും ജോജു ജോർജും.

ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…

3 days ago

പുതു വർഷത്തിൽ പുത്തൻ ചുവട് വെയ്പ്പുമായി ലിസ്റ്റിൻ സ്റ്റീഫന്റെ സൗത്ത് സ്റ്റുഡിയോസ്

പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…

3 days ago

എപിക് സ്‌ക്രീനുകളിൽ റിലീസ് ചെയ്യാൻ “ലോക”

ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…

3 weeks ago

പ്രഭാസ്- പ്രശാന്ത് വർമ്മ ചിത്രത്തിൽ നായികയായി ഭാഗ്യശ്രീ ബോർസെ?

പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…

3 weeks ago

തെലുങ്കിൽ വിസ്മയിപ്പിച്ചു വെങ്കിടേഷ് വി പി; ‘കിങ്‌ഡം’ വില്ലന് ഗംഭീര പ്രശംസ

വിജയ് ദേവരകൊണ്ട നായകനായ "കിങ്‌ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…

3 weeks ago

കാർത്തി ചിത്രമൊരുക്കാൻ തരുൺ മൂർത്തി?

മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…

3 weeks ago

This website uses cookies.