ഉലക നായകൻ കമൽ ഹാസൻ കേന്ദ്ര കഥാപാത്രമായി അഭിനയിച്ച ഏറ്റവും പുതിയ ചിത്രമാണ് വിക്രം. മാനഗരം, കൈതി, മാസ്റ്റർ എന്നീ വമ്പൻ ഹിറ്റുകൾ സംവിധാനം ചെയ്ത ലോകേഷ് കനകരാജ് ഒരുക്കിയ ഈ ചിത്രം രചിച്ചത് അദ്ദേഹവും രത്നകുമാറും ചേർന്നാണ്. കമൽ ഹാസൻ തന്നെ നിർമ്മിക്കുകയും ചെയ്ത ഈ മാസ്സ് ആക്ഷൻ ത്രില്ലർ ചിത്രം ഇപ്പോൾ തെന്നിന്ത്യൻ സിനിമയിൽ തന്നെ ഏറ്റവും കൂടുതൽ പേർ കാത്തിരിക്കുന്ന ചിത്രമാണ്. റിലീസിന് മുൻപേ തന്നെ വിവിധ അവകാശങ്ങൾ വിറ്റ വഴിയിൽ ഇരുനൂറു കോടിയോളം സമ്പാദിച്ച ഈ ചിത്രം ജൂൺ മൂന്നിനാണ് ആഗോള റിലീസായി എത്തുക. കമൽ ഹാസനെ കൂടാതെ മലയാളി താരം ഫഹദ് ഫാസിൽ, മക്കൾ സെൽവൻ വിജയ് സേതുപതി, കാളിദാസ് ജയറാം, ചെമ്പൻ വിനോദ്, നരെയ്ൻ, അർജുൻ ദാസ് എന്നിവയും അഭിനയിച്ചിരിക്കുന്ന ഈ ചിത്രത്തിന്റെ ഹൈപ്പ് വാനോളമെത്താനുള്ള മറ്റൊരു കാരണം, ഇതിൽ നടിപ്പിൻ നായകൻ സൂര്യ അതിഥി വേഷത്തിലെത്തുന്നുവെന്നത് കൂടിയാണ്. വിക്രം മൂന്നാം ഭാഗത്തിൽ പ്രധാന വേഷത്തിൽ സൂര്യ ഉണ്ടാകുമെന്നും അതിലേക്കുള്ള ഒരു തുടക്കമാണ് ഈ അതിഥി വേഷമെന്നും കൂടി കമൽ ഹാസൻ വെളിപ്പെടുത്തിയതോടെ ആരാധകരുടെ ആവേശം വാനോളമെത്തിക്കഴിഞ്ഞു.
ഇപ്പോഴിതാ ഈ ചിത്രത്തിന്റെ സൂര്യയുടെ കാരക്ടർ പോസ്റ്റർ പുറത്ത് വിട്ടിരിക്കുകയാണ് സംവിധായകൻ ലോകേഷ് കനകരാജ്. എന്നാൽ പോസ്റ്ററിനൊപ്പം കഥാപാത്രത്തിന്റെ പേര് വെക്കാതെ ഒരു ചോദ്യ ചിഹ്നം മാത്രമാണുള്ളതെന്നത് ശ്രദ്ധേയമാണ്. അതോടൊപ്പം തന്നെ പോസ്റ്റർ പങ്കുവെച്ച് കൊണ്ട് ഈ കഥാപാത്രം ചെയ്തതിനു സൂര്യക്ക് നന്ദിയും പറയുന്നുണ്ട് ലോകേഷ്. ഏതായാലും സൂര്യയുടെ മുഖം വെള്ളിത്തിരയിൽ തെളിയുന്ന നിമിഷം തീയേറ്ററുകൾ പൂരപ്പറമ്പാകുമെന്നു തന്നെയാണ് ആരാധകരുടെ ആവേശം സൂചിപ്പിക്കുന്നത്. ഇതിന്റെ ട്രൈലെർ, ടീസർ, ഇതിലെ ഗാനങ്ങളെന്നിവ ഇപ്പോഴേ സൂപ്പർ ഹിറ്റാണ്.
രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി' എന്ന ചിത്രം…
ജനസേന പാർട്ടി അധ്യക്ഷനും ആന്ധ്രാപ്രദേശ് ഉപമുഖ്യമന്ത്രിയുമായ ശ്രീ പവൻ കല്യാൺ തിരുപ്പതിയിൽ പൊതുയോഗത്തിൽ ജനങ്ങളെ അഭിസംബോധനം ചെയ്യുന്ന ലൈവ് വീഡിയോ…
മലയാളികളുടെ പ്രീയപ്പെട്ട നടിമാരിലൊരാളായ പൂർണ്ണിമ ഇന്ദ്രജിത് ഒരു വലിയ ഇടവേളക്ക് ശേഷം അഭിനയിച്ച ചിത്രമാണ് ഷാനവാസ് കെ ബാവക്കുട്ടി ഒരുക്കിയ…
മമ്മൂട്ടിയെ നായകനാക്കി രഞ്ജിത്ത് തിരക്കഥ, സംവിധാനം നിര്വ്വഹിച്ച് 2009 ല് റിലീസ് ചെയ്ത പാലേരി മാണിക്യം: ഒരു പാതിരാ കൊലപാതകത്തിന്റെ…
മെഗാസ്റ്റാർ മമ്മൂട്ടിയെ നായകനാക്കി 2018 ൽ അബ്രഹാമിന്റെ സന്തതികൾ എന്ന ചിത്രമൊരുക്കി അരങ്ങേറ്റം കുറിച്ച സംവിധായകനാണ് ഷാജി പാടൂർ. സൂപ്പർ…
മോഹൻലാലിനെ നായകനാക്കി സൂപ്പർ ഹിറ്റ് സംവിധായകൻ തരുൺ മൂർത്തി ഒരുക്കുന്ന ചിത്രം പുരോഗമിക്കുകയാണ്. L360 എന്ന് താത്കാലികമായി പേര് നൽകിയിരിക്കുന്ന…
This website uses cookies.