മലയാളത്തിലെ പ്രശസ്ത സംവിധായകനും നിർമ്മാതാവുമായ ഫാസിൽ ഏറെ നാളുകളായി സിനിമയിൽ നിന്ന് വിട്ടു നിൽക്കുകയായിരുന്നു. ഇടയ്ക്കു മോഹൻലാൽ നായകനായ പൃഥ്വിരാജ് ചിത്രം ലൂസിഫർ, പ്രിയദർശൻ ചിത്രം മരക്കാർ എന്നിവയിൽ അഭിനയിച്ചിരുന്നെങ്കിലും ഏറെ നാളുകളായി അദ്ദേഹം സജീവമായിരുന്നില്ല. എന്നാൽ ഇപ്പോൾ തന്റെ മകനും മലയാളത്തിലെ യുവ താരങ്ങളിലൊരാളുമായ ഫഹദ് ഫാസിലിനെ നായകനാക്കി ഒരു ചിത്രം നിർമ്മിച്ച് കൊണ്ടാണ് അദ്ദേഹം തിരിച്ചു വന്നിരിക്കുന്നത്. നവാഗതനായ സജിമോൻ സംവിധാനം ചെയ്ത ഈ ചിത്രം രചിച്ചത് മഹേഷ് നാരായണൻ ആണ്. മികച്ച അഭിപ്രായം നേടി വലിയ വിജയത്തിലേക്കാണ് മലയൻ കുഞ്ഞെന്ന ഈ ചിത്രം കുതിക്കുന്നത്. ഇപ്പോൾ ഇതിന്റെ പ്രമോഷന്റെ ഭാഗമായി ബിഹൈന്ഡ് വുഡ്സ് ഐസിന് നല്കിയ അഭിമുഖത്തില് ഫാസിൽ പറഞ്ഞ ഒരഭിപ്രായം ശ്രദ്ധ നേടുകയാണ്. കമല് ഹാസന് നായകനായെത്തിയ വിക്രം എന്ന സിനിമയില് അഭിനയിച്ച ഫഹദ് ഫാസിൽ കയ്യടി നേടിയിരുന്നു. അതുമായി ബന്ധപെട്ടു സംസാരിക്കവെ ഫാസിൽ പറയുന്നത്, കമല് സ്വന്തം ചിത്രത്തില് യുവ നടന്മാരെ പ്രധാന്യത്തോടെ അവതരിപ്പിക്കുന്നുണ്ടെങ്കില് അത് അദ്ദേഹത്തിന്റെ ബുദ്ധിയാണെന്നും ഫഹദിനും വിജയ് സേതുപതിക്കും പ്രധാനപ്പെട്ട റോള് തന്റെ ചിത്രത്തിൽ അദ്ദേഹം നൽകിയത് നല്ല തീരുമാനമെന്നുമാണ്.
ഭീഷ്മ പർവമെന്ന ചിത്രത്തിൽ മമ്മൂട്ടിയും ആ ബുദ്ധി കാണിച്ചുവെന്നും, ആ സിനിമയിൽ അദ്ദേഹം തനിക്കൊപ്പം ശ്രീനാഥ് ഭാസിയെയും സൗബിനെയും ഷൈന് ടോം ചാക്കോയേയും പ്രധാന വേഷങ്ങളിൽ കൊണ്ട് വന്നെന്നും ഫാസിൽ പറഞ്ഞു. ആ ബുദ്ധി മോഹൻലാൽ ഇതുവരെ കാണിച്ചിട്ടില്ലെന്നും, ഉടനെ തന്നെ അദ്ദേഹവും അതുപോലെ തന്നെ ചെയ്യുമെന്നാണ് തന്റെ പ്രതീക്ഷയെന്നും ഫാസിൽ കൂട്ടിച്ചേർത്തു. ഇതിനെ അനുകൂലിച്ചും പ്രതികൂലിച്ചും ഒട്ടേറെ പേരാണ് ഇപ്പോൾ സോഷ്യൽ മീഡിയയിൽ രംഗത്ത് വരുന്നത്. ലൂസിഫർ, ബ്രോ ഡാഡി, 12 ത് മാൻ തുടങ്ങിയ ചിത്രങ്ങളിൽ ടോവിനോ തോമസ്, പൃഥ്വിരാജ്, ഉണ്ണി മുകുന്ദൻ എന്നീ യുവ താരങ്ങൾക്കും പ്രാധാന്യം നൽകിയാണ് മോഹൻലാൽ അഭിനയിച്ചതെന്നും, കമൽ ഹാസനും മമ്മൂട്ടിയും ഇത് ചെയ്യുന്നതിന് മുൻപ് തന്നെ വർഷങ്ങൾക്കു മുൻപ് ഫഹദ് ഫാസിലും ആസിഫ് അലിയും പ്രാധാന്യത്തോടെ അഭിനയിച്ച റെഡ് വൈൻ എന്ന ചിത്രത്തിൽ മോഹൻലാൽ പ്രത്യക്ഷപ്പെട്ടതും ഫാസിലിനെ പ്രതികൂലിക്കുന്നവർ ചൂണ്ടി കാണിക്കുന്നു. കായംകുളം കൊച്ചുണ്ണി എന്ന നിവിൻ ചിത്രത്തിൽ അഭിനയിക്കാൻ മലയാളം, തമിഴിലെ ഉൾപ്പെടെ പല സൂപ്പർ താരങ്ങളും മടിച്ചപ്പോൾ, യാതൊരു ഈഗോയും കൂടാതെ മുന്നോട്ടു വന്നത് മോഹൻലാൽ മാത്രമാണെന്ന സംവിധായകൻ റോഷൻ ആൻഡ്രൂസിന്റെ വാക്കുകളും അവർ എടുത്തു പറയുന്നു.
പ്രശസ്ത രചയിതാവ് രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി'…
സൂപ്പർസ്റ്റാർ രജനികാന്തിനെ നായകനാക്കി ടി ജെ ജ്ഞാനവേൽ രചിച്ചു സംവിധാനം ചെയ്ത വേട്ടയ്യൻ്റെ സെൻസറിംഗ് പൂർത്തിയായി. യു എ സർട്ടിഫിക്കറ്റ്…
പൃഥ്വിരാജ് സുകുമാരനെ നായകനാക്കി അമൽ നീരദ് സംവിധാനം ചെയ്ത മാസ്സ് ആക്ഷൻ ത്രില്ലർ ചിത്രം അൻവർ റീ റിലീസിനെത്തുന്നു. പൃഥ്വിരാജ്…
ആസിഫ് അലി നായകനായ കിഷ്കിന്ധാ കാണ്ഡം ആഗോള ഗ്രോസ് ആയി 70 കോടിയിലേക്ക് അടുക്കുന്നു. കേരളത്തിൽ നിന്ന് മാത്രം 30…
ലോകേഷ് കനകരാജ് സംവിധാനം ചെയ്യുന്ന കൂലിയുടെ ചിത്രീകരണത്തിനിടെ കടുത്ത ദേഹാസ്വാസ്ഥ്യം അനുഭവപ്പെട്ട സൂപ്പർസ്റ്റാർ രജനികാന്തിനെ അടിയന്തിരമായി ആശുപത്രിയിൽ പ്രവേശിപ്പിച്ചു. കടുത്ത…
കിസ്മത്ത്, തൊട്ടപ്പന് എന്നീ ചിത്രങ്ങള്ക്ക് ശേഷം ഷാനവാസ് കെ ബാവക്കുട്ടി സംവിധാനം ചെയ്യുന്ന 'ഒരു കട്ടില് ഒരു മുറി' യുടെ…
This website uses cookies.