[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

ചേട്ടന്റെ പാതയിൽ അനിയനും : ശക്തമായ തിരിച്ചു വരവിനൊരുങ്ങി ഫർഹാൻ ഫാസിൽ

അഭിനയ ലോകത്തേക്കുള്ള ശ്കതമായ തിരിച്ചു വരവിനൊരുങ്ങുകയാണ് പ്രശസ്ത സംവിധായകൻ ഫാസിലിന്റെ മകനും ഫഹദ് ഫാസിലിന്റെ അനുജനുമായ ഫർഹാൻ ഫാസിൽ. ഫർഹാൻ ഫാസിൽ മലയാള സിനിമയിൽ അരങ്ങേറിയത് ഏതാനും വർഷങ്ങൾക്കു മുൻപേ ഇറങ്ങിയ ഞാൻ സ്റ്റീവ് ലോപ്പസ് എന്ന ചിത്രത്തിലൂടെയാണ്. അഹാന കൃഷ്ണകുമാർ നായികയായും അരങ്ങേറ്റം കുറിച്ച ആ ചിത്രം സംവിധാനം ചെയ്തത് പ്രശസ്ത ഛായാഗ്രാഹകൻ ആയ രാജീവ് രവിയായിരുന്നു. രാജീവ് രവിയുടെ രണ്ടാമത്തെ സംവിധാന സംരംഭമായിരുന്നു ഞാൻ സ്റ്റീവ് ലോപ്പസ്. ഫർഹാൻ ഫാസിലിന്റെ സഹോദരൻ ഫഹദ് ഫാസിലിനെ നായകനാക്കി എടുത്ത അന്നയും റസൂലും എന്ന ചിത്രമായിരുന്നു രാജീവ് രവിയുടെ സംവിധായകനെന്ന നിലയിലെ അരങ്ങേറ്റ ചിത്രം. അന്നയും റസൂലും ഏറെ നിരൂപക പ്രശംസ പിടിച്ചു പറ്റിയ ചിത്രമായിരുന്നു.

ഞാൻ സ്റ്റീവ് ലോപ്പസ് എന്ന ചിത്രവും നിരൂപകരുടെ ഒരുപാട് പ്രശംസയേറ്റു വാങ്ങിയെങ്കിലും ബോക്സ് ഓഫീസിൽ ചിത്രം നിർഭാഗ്യവശാൽ വലിയ ചലനം സൃഷ്ടിച്ചില്ല. ഫർഹാൻ ഫാസിൽ തന്റെ അഭിനയ മികവിലൂടെ പ്രശംസയേറ്റു വാങ്ങിയെങ്കിലും ചിത്രം വേണ്ടരീതിയിൽ ശ്രദ്ധിക്കപെടാത്ത പോയത് കാരണം അല്ലെങ്കിൽ അർഹിച്ച ശ്രദ്ധ ചിത്രത്തിന് ലഭിക്കാതെ പോയത് കാരണം ഫർഹാൻ എന്ന നടനെയും മലയാള സിനിമ കുറച്ചു നാളത്തേക്കെങ്കിലും മറന്നു പോയിരുന്നു.

എന്നാൽ ഇപ്പോൾ ഒരു വലിയ തിരിച്ചു വരവിനു തയ്യാറെടുക്കുകയാണ്‌ ഫർഹാൻ ഫാസിൽ. വരുന്ന ജൂലൈ 21 നു കേരളത്തിലെ പ്രദർശന ശാലകളിൽ എത്തുന്ന ബഷീറിന്റെ പ്രേമ ലേഖനം എന്ന ചിത്രത്തിലൂടെ വീണ്ടും ഫർഹാൻ ഫാസിൽ നായകനായി എത്തുകയാണ് മലയാള സിനിമയിൽ. അനീഷ് അൻവർ സംവിധാനം ചെയ്ത ഈ ചിത്രം 1980 കളിൽ നടക്കുന്ന മനോഹരമായ ഒരു പ്രണയ കഥയാണ് പറയുന്നത്. ചിത്രത്തിന്റെ ട്രെയ്‌ലറും അത് പോലെ ഗാനങ്ങളും ഇതിനോടകം തന്നെ പ്രേക്ഷക ശ്രദ്ധ നേടി കഴിഞ്ഞിട്ടുണ്ട്.

നവാഗതരായ ഷിനോദ്, ഷംസീർ, ബിപിൻ എന്നീ മൂന്നുപേർ ചേർന്നാണ് ഈ ചിത്രത്തിന്റെ തിരക്കഥ രചിച്ചിരിക്കുന്നത്. സക്കറിയയുടെ ഗർഭിണികൾ, കുമ്പസാരം എന്നീ ചിത്രങ്ങൾക്ക് ശേഷമാണു അനീഷ് അൻവർ ഈ ചിത്രമൊരുക്കിയിരിക്കുന്നതു. സംസ്ഥാന പുരസ്‌കാരം വരെ നേടിയ ചിത്രമാണ് അനീഷ് അൻവർ ഒരുക്കിയ സക്കറിയയുടെ ഗർഭിണികൾ.

ഒരു രീതിയിൽ ചേട്ടനായ ഫഹദ് ഫാസിലിന്റെ പാതയിലാണ് ഫർഹാന്റെയും സഞ്ചാരം എന്ന് പറയാം. കാരണം , ഫാസിൽ സംവിധാനം ചെയ്ത കയ്യെത്തും ദൂരത്തു എന്ന ചിത്രത്തിലൂടെ നായകനായി അരങ്ങേറിയ ഫഹദ്, ആ ചിത്രത്തിന്റെ പരാജയത്തിന് ശേഷം മലയാള സിനിമയിൽ നിന്ന് മാറി നിൽക്കുകയായിരുന്നു.

കുറച്ചു വർഷങ്ങൾ കഴിഞ്ഞു ചെറിയ വേഷങ്ങളിൽ ചില ചിത്രങ്ങളിൽ മുഖം കാണിച്ച ഫഹദ് 2011 ഇൽ സമീർ താഹിർ സംവിധാനം ചെയ്ത ചാപ്പ കുരിശ് എന്ന ചിത്രത്തിലൂടെയാണ് നായകനായി തിരിച്ചു വരവ് നടത്തിയത്. അതിനു ശേഷം ഫഹദിന് തിരിഞ്ഞു നോക്കേണ്ടി വന്നിട്ടില്ല. ഇന്ന് മലയാള സിനിമയിലെ പുതു തലമുറയിലെ ഏറ്റവും മികച്ച നടൻ എന്ന സ്ഥാനം പ്രേക്ഷകർ ഫഹദിന് നൽകി കഴിഞ്ഞു. മോഹൻലാൽ കഴിഞ്ഞാൽ ഇന്ന് മലയാള സിനിമയിൽ ഏറ്റവും സ്വാഭാവികമായി അഭിനയിക്കുന്ന നടൻ എന്ന വിശേഷണവും ഫഹദിന് പ്രേക്ഷകർ നൽകി കഴിഞ്ഞു. ഫഹദിനെ പോലെ തന്നെ ഈ തിരിച്ചു വരവിൽ ഫർഹാൻ ഫാസിലിനും തന്റേതായ ഒരു സ്ഥാനം മലയാള സിനിമയിൽ ഉണ്ടാക്കാൻ കഴിയട്ടെ എന്ന് നമ്മുക്ക് പ്രതീക്ഷിക്കാം.

webdesk

Recent Posts

വിദ്യാർത്ഥികൾ വിദേശത്തേക്ക് പോകും മുമ്പ് “യുണൈറ്റഡ് കിങ്ഡം ഓഫ് കേരള” (UKOK) ഒന്ന് കാണുക : ബഹുമാനപ്പെട്ട എം.പി N.Kപ്രേമചന്ദ്രൻ

ഇപ്പോൾ കേരളം നേരിടുന്ന സാമൂഹിക പ്രശ്നങ്ങളിൽ ഒന്നാണ് വിദേശരാജ്യങ്ങളിലേക്ക് നമ്മുടെ യുവതലമുറയുടെ പാലായനം. സാമ്പത്തിക സുസ്ഥിരത നേടാൻ യുവതലമുറ തെരഞ്ഞെടുക്കുന്ന…

3 days ago

കേരളത്തിന്റെ കഥ പറയുന്ന യുണൈറ്റഡ് കിങ്ഡം ഓഫ് കേരള; റിവ്യൂ വായിക്കാം

ഇന്ന് കേരകത്തിൽ പ്രദർശനം ആരംഭിച്ച പ്രധാന മലയാള ചിത്രങ്ങളിൽ ഒന്നാണ് പ്രശസ്ത സംവിധായകനായ അരുൺ വൈഗ സംവിധാനം ചെയ്ത യുണൈറ്റഡ്…

7 days ago

യുവപ്രേക്ഷകരെ ആവേശം കൊള്ളിക്കാൻ യുണൈറ്റഡ് കിങ്‌ഡം ഓഫ് കേരളം ഇന്ന് മുതൽ

പ്രശസ്ത സംവിധായകൻ അരുൺ വൈഗ ഒരുക്കിയ യുണൈറ്റഡ് കിങ്ഡം ഓഫ് കേരള ഇന്ന് മുതൽ കേരളത്തിൽ പ്രദർശനം ആരംഭിക്കും. കേരളത്തിൽ…

1 week ago

UK.OK (യുണൈറ്റഡ് കിങ്ഡം ഓഫ് കേരള) നാളെ മുതൽ തീയേറ്ററുകളിൽ ,ഓൺലൈൻ ബുക്കിംഗ് ആരംഭിച്ചു

രഞ്ജിത്ത് സജീവ്, ഇന്ദ്രൻസ്, സംഗീത,ജോണി ആന്റണി,മഞ്ജു പിള്ള, സാരംഗി ശ്യാം എന്നിവരെ പ്രധാന കഥാപാത്രങ്ങളാക്കി ചെമ്പരത്തി പൂവ്, ഉപചാരപൂർവ്വം ഗുണ്ട…

1 week ago

മാത്യു തോമസ് നായകനാകുന്ന ‘നൈറ്റ് റൈഡേഴ്സ്’; നെല്ലിക്കാംപൊയിൽ എന്ന ഗ്രാമത്തിലെ കഥ; ഫസ്റ്റ് ലുക്ക് പോസ്റ്റർ പുറത്തിറങ്ങി.

എ ആൻഡ് എച്ച് എസ് പ്രൊഡക്ഷൻസിന്റെ ബാനറിൽ അബ്ബാസ് തിരുനാവായ, സജിൻ അലി, ദിപൻ പട്ടേൽ എന്നിവർ ചേർന്ന് നിർമ്മിക്കുന്ന…

2 weeks ago

“ഡിഡി നെക്സ്റ്റ് ലെവൽ”തമിഴ്, തെലുങ്ക്, മലയാളം, കന്നഡ ഭാഷകളിൽ, ജൂൺ 13 മുതൽ ZEE5 ഇൽ സ്ട്രീം ചെയ്യുന്നു “

എസ്. പ്രേം ആനന്ദ് രചനയും സംവിധാനവും നിർവ്വഹിച്ച് 2025-ൽ പുറത്തിറങ്ങിയ ആക്ഷൻ ഹൊറർ കോമഡി ചിത്രമാണ് ഡെവിൾസ് ഡബിൾ നെക്സ്റ്റ്…

2 weeks ago

This website uses cookies.