ദളപതി വിജയ് നായകനായി എത്തുന്ന ഏറ്റവും പുതിയ ചിത്രമാണ് ദളപതി 67. മാസ്റ്റർ എന്ന ബ്ലോക്ക്ബസ്റ്റർ ചിത്രത്തിന് ശേഷം ദളപതി വിജയ്- ലോകേഷ് കനകരാജ് ടീം ഒന്നിക്കുന്ന ഈ ചിത്രത്തിന്റെ ഷൂട്ടിംഗ് ഇപ്പോൾ കാശ്മീരിൽ പുരോഗമിക്കുകയാണ്. സെവൻ സ്ക്രീൻ സ്റ്റുഡിയോസ് നിർമ്മിക്കുന്ന ഈ ചിത്രത്തിന്റെ അപ്ഡേറ്റുകൾ ജനുവരി 26 മുതൽ പുറത്ത് വരുമെന്നാണ് സൂചന. ഇപ്പോഴിതാ ഈ ചിത്രത്തിന്റെ വി എഫ് എക്സ് ചെയ്യാൻ പോകുന്ന ടീമിനെ കുറിച്ചുള്ള വിവരങ്ങളാണ് പുറത്ത് വരുന്നത്. പ്രശസ്ത തെന്നിന്ത്യന് ട്രേഡ് അനലിസ്റ്റുകളിൽ ഒരാളായ എ ബി ജോർജ് ആണ് ഇത് സംബന്ധിച്ച വിവരങ്ങൾ പുറത്ത് വിട്ടിരിക്കുന്നത്. പ്രശസ്ത വി എഫ് എക്സ് ടീമായ എം പി സിയാണ് ഈ ചിത്രത്തിന് വേണ്ടി വി എഫ് എക്സ് ഒരുക്കുന്നത്. ഇന്ത്യയിലേയും ഹോളിവുഡിലേയും ഒരുപിടി വമ്പൻ ചിത്രങ്ങൾക്ക് വി എഫ് എക്സ് ഒരുക്കിയ ടീമാണ് എം പി സി ടീം. രാജമൗലിയുടെ ആർആർആർ, സൂപ്പർ ഹിറ്റ് ബോളിവുഡ് ചിത്രമായ ഭേടിയാ എന്നിവക്കൊക്കെ വി എഫ് എക്സ് ചെയ്തത് എം പി സി ടീം ആണ്.
ഇത് കൂടാതെ ഹോളിവുഡ് ചിത്രങ്ങളായ മുഫാസ ദി ലയൺ കിംഗ്, അക്വാമാൻ ആൻഡ് ദി ലോസ്റ്റ് കിങ്ഡം, ആൻറ് മാൻ- വാസ്പ്പ്, ടോപ് ഗൺ മാവെറിക്ക് എന്നീ ചിത്രങ്ങൾക്ക് വേണ്ടിയൊക്കെ ജോലി ചെയ്തിട്ടുളവരാണ് എം പി സി ടീം. ദളപതി 67 ന്റെ താരനിരയെ കുറിച്ചറിയാനും കാത്തിരിക്കുകയാണ് പ്രേക്ഷകർ. സഞ്ജയ് ദത്ത്, ഗൗതം വാസുദേവ് മേനോൻ, മിഷ്കിൻ, അർജുൻ, തൃഷ എന്നിവർ ഈ ചിത്രത്തിന്റെ ഭാഗമാണെന്ന് ഏറെക്കുറെ ഉറപ്പായി കഴിഞ്ഞു, നിവിൻ പോളി, രക്ഷിത് ഷെട്ടി, മാത്യു തോമസ് എന്നിവരും ഇതിൽ ഉണ്ടാവുമെന്ന് വാർത്തകൾ വന്നിരുന്നു. അനിരുദ്ധ് സംഗീതമൊരുക്കുന്ന ഈ ചിത്രം ലോകേഷ് സിനിമാറ്റിക് യൂണിവേഴ്സിന്റെ കൂടെ ഭാഗമാകുമോ എന്നതും പ്രേക്ഷകർ ആകാംഷയോടെ കാത്തിരിക്കുന്ന വാർത്തയാണ്.
ലിസ്റ്റിൻ സ്റ്റീഫൻ-അരുൺ വർമ - ബോബി സഞ്ജയ് കോമ്പോ ഒരുക്കുന്ന ചിത്രം "ബേബി ഗേൾ " ന്റെ ഷൂട്ടിംഗ് തിരുവനന്തപുരത്ത്…
ബ്ലോക്ബസ്റ്റർ ചിത്രം തല്ലുമാലയ്ക്ക് ശേഷം നസ്ലിൻ, ഗണപതി, ലുക്ക്മാൻ, സന്ദീപ് പ്രദീപ എന്നിവരെ പ്രധാന കഥാപാത്രങ്ങളാക്കി ഖാലിദ് റഹ്മാൻ സംവിധാനം…
ബേസിൽ ജോസഫ് പ്രധാന വേഷത്തിലെത്തുന്ന 'മരണമാസ്സ്' സിനിമയുടെ ട്രെയ്ലർ പുറത്തിറങ്ങി. വിഷു റിലീസായി എത്തുന്ന "മരണ മാസ്സ്" ബേസിൽ ജോസഫിന്റെ…
ആസിഫ് അലിയെ നായകനാക്കി താമർ സംവിധാനം ചെയ്ത് അജിത് വിനായക നിർമ്മിക്കുന്ന ചിത്രം" സർക്കീട്ടിന്റെ "റിലീസ് ഡേറ്റ് പ്രഖ്യാപിച്ചു. മെയ്…
ചിത്രത്തിലെ ചില രംഗങ്ങൾ സംബന്ധിച്ച രാഷ്ട്രീയ വിവാദങ്ങളും റീ സെൻസറിംഗും വ്യാജ പ്രിന്റ് പ്രചാരണവും എല്ലാം ഒരു വശത്തു നടക്കുമ്പോഴും…
എസ് യു അരുൺകുമാർ സംവിധാനം ചെയ്ത ചിയാൻ ചിത്രം വീര ധീര ശൂരൻ കേരളത്തിൽ പ്രേക്ഷകരുടെയും നിരൂപകരുടെയും മുക്തകണ്ഠമായ പ്രശംസ…
This website uses cookies.