ഇന്ന് മലയാള സിനിമ പ്രേമികൾ ഏറ്റവും കൂടുതൽ പ്രതീക്ഷയോടെ കാത്തിരിക്കുന്നത് ദിലീഷ് പോത്തൻ എന്ന സംവിധായകൻ ഒരുക്കുന്ന ചിത്രങ്ങൾ കാണാൻ ആണ്. ഒരു നടൻ എന്ന നിലയിലും പ്രശസ്തൻ ആണെങ്കിലും സംവിധായകനെന്ന നിലയിൽ ദിലീഷ് പോത്തൻ നൽകിയ രണ്ടു ചിത്രങ്ങൾ പ്രേക്ഷകരുടെയും നിരൂപകരുടെയും പ്രശംസ ഒരുപാട് നേടുകയും അതോടൊപ്പം ബോക്സ് ഓഫീസിൽ വലിയ വിജയം നേടുകയും ചെയ്തവയാണ്. ഫഹദ് ഫാസിൽ ആയിരുന്നു ആ രണ്ടു ചിത്രങ്ങളിലെയും നായകൻ എന്നതും ശ്രദ്ധേയമാണ്. ഫഹദ് ഫാസിൽ തന്റെ കരിയറിലെ ഏറ്റവും മോശം സമയത്തു കൂടി കടന്നു പോകുമ്പോഴായിരുന്നു ദിലീഷ് പോത്തന്റെ ആദ്യ ചിത്രമായ മഹേഷിന്റെ പ്രതികാരം റിലീസ് ചെയ്തത്. ആ ചിത്രം വമ്പൻ വിജയം നേടുകയും അതോടൊപ്പം ദേശീയ പുരസ്കാരം വരെ കരസ്ഥമാക്കുകയും ചെയ്തു.
പിന്നീട് തൊണ്ടിമുതലും ദൃക്സാക്ഷിയും എന്ന തന്റെ രണ്ടാമത്തെ ചിത്രവും ദിലീഷ് പോത്തൻ ചെയ്തത് ഫഹദിനെ നായകനാക്കി ആയിരുന്നു. അപ്പോൾ സോഷ്യൽ മീഡിയയിൽ നടന്ന ഒരു ചർച്ചയുടെ ടോപ്പിക്ക് തന്നെ ദിലീഷ് പോത്തൻ കാരണമാണോ ഫഹദ് ഫാസിൽ നില നിൽക്കുന്നത് എന്നത് ആയിരുന്നു. എന്നാൽ അങ്ങനെയല്ല കാര്യങ്ങൾ എന്നും, നേരെ തിരിച്ചു ഫഹദ് ഫാസിൽ ഉള്ളത് കൊണ്ട് നില നിന്ന് പോകുന്ന സംവിധായകനാണ് താൻ എന്നും ദിലീഷ് പോത്തൻ പറയുന്നു. 2017ലെ മികച്ച ചിത്രത്തിന് ഉള്ള ‘മൂവി സ്ട്രീറ്റ് ഫിലിം എക്സലൻസ് അവാര്ഡ്’ ‘തൊണ്ടിമുതലും ദൃക്സാക്ഷിയും’ എന്ന തന്റെ ചിത്രത്തിന് വേണ്ടി സ്വീകരിക്കവേ ഒരു ചോദ്യത്തിന് മറുപടി ആയാണ് ദിലീഷ് പോത്തൻ ഈ കാര്യം പറഞ്ഞത്. ഓണ്ലൈന് സിനിമ കൂട്ടായ്മകളില് ഏറെ ശ്രദ്ധ നേടിയിട്ടുള്ള മൂവി സ്ട്രീറ്റ് ഗ്രൂപ് ആദ്യമായി നടത്തിയ ഈ അവാർഡ് ദാന ചടങ്ങിൽ ഒട്ടേറെ താരങ്ങൾ എത്തിച്ചേർന്നിരുന്നു. പോളിങ് വഴി ആണ് വിജയികളെ നിർണ്ണയിച്ചത്. ഞായറാഴ്ച്ച വൈറ്റില ഗോള്ഡ് സൂക് സ്റ്റാര് ചോയ്സ് കൺവെൻഷൻ സെന്ററില് വെച്ചാണ് ഈ ചടങ്ങു നടന്നത്.
ഉണ്ണി മുകുന്ദനെ നായകനാക്കി ഹനീഫ് അദനി ഒരുക്കുന്ന ആക്ഷൻ ചിത്രം മാർക്കോയുടെ ഏറ്റവും പുതിയ പോസ്റ്റർ സോഷ്യൽ മീഡിയയിൽ വൈറലാവുന്നു.…
മലയാളത്തിന്റെ യുവതാരം ദുൽഖർ സൽമാൻ നായകനായി ഒരു മലയാള ചിത്രം പ്രേക്ഷകരുടെ മുന്നിലെത്തിയത് കഴിഞ്ഞ വർഷം ഓണത്തിനാണ്. അഭിലാഷ് ജോഷിയുടെ…
സൈജു കുറുപ്പ്, വിൻസി അലോഷ്യസ് എന്നിവരെ പ്രധാന കഥാപാത്രങ്ങളാക്കി ഒരുക്കുന്ന 'ഓകെ ഡിയർ' എന്ന ചിത്രത്തിന്റെ മോഷൻ പോസ്റ്റർ പുറത്ത്.…
മലയാളത്തിന്റെ മഹാനടൻ മോഹൻലാലും, മലയാള സിനിമയിൽ വ്യത്യസ്ത ശൈലിയിലൂടെ കഥ പറഞ്ഞ് കൊണ്ട് ലോക ശ്രദ്ധയാകർഷിച്ച സംവിധായകൻ ലിജോ ജോസ്…
മലയാളത്തിന്റെ മെഗാസ്റ്റാർ മമ്മൂട്ടി വീണ്ടും വില്ലനായി എത്തുന്നു എന്ന് വാർത്തകൾ. ഈ വർഷം പുറത്ത് വന്ന ഭ്രമയുഗം എന്ന പീരീഡ്…
മലയാള സിനിമയുടെ 'അമ്മ മുഖം എന്നറിയപ്പെടുന്ന കവിയൂർ പൊന്നമ്മ കാലയവനികക്കുള്ളിൽ മറഞ്ഞു. മലയാളി പ്രേക്ഷകരുടെ മനസ്സിൽ ''അമ്മ" എന്ന് കേൾക്കുമ്പോൾ…
This website uses cookies.