പ്രശസ്ത സംവിധായകൻ ലാൽ ജോസ് സംവിധാനം ചെയ്യാൻ പോകുന്ന പുതിയ ചിത്രത്തിൽ ഫഹദ് ഫാസിൽ നായകനാവുന്നു. അടുത്തിടെ നടന്ന ഒരു മാധ്യമ അഭിമുഖത്തിൽ ലാൽ ജോസ് തന്നെയാണ് ഈ വിവരം പുറത്ത് വിട്ടത്. വമ്പൻ ബഡ്ജറ്റിൽ ഒരുക്കുന്ന ഒരു പ്രതികാര കഥയാണ് ചിത്രം പറയുക. ആക്ഷന് പ്രാധാന്യം നൽകിയിരിക്കുന്ന ഈ ചിത്രത്തിൽ രണ്ടു പേരാണ് പ്രധാന കഥാപാത്രങ്ങളെ അവതരിപ്പിക്കുക എന്നും, കഥ കേട്ട് അതിലൊരു കഥാപാത്രത്തെ അവതരിപ്പിക്കാൻ ഫഹദ് സമ്മതിച്ചിട്ടുണ്ടെന്നും ലാൽ ജോസ് വെളിപ്പെടുത്തി.
രണ്ടാമത്തെ ആളിന് വേണ്ടിയുള്ള തിരച്ചിൽ നടക്കുകയാണെന്നും ലാൽ ജോസ് പറയുന്നു. അത് ഒരു പുതുമുഖം ആവുമോ അതോ ഒരു വലിയ താരം ആവുമോ എന്നറിയാനുള്ള ആകാംക്ഷയിലാണ് പ്രേക്ഷകർ. കെ എൻ പ്രശാന്ത് രചിച്ച പൊനം എന്ന് പേരുള്ള ഒരു നോവലിനെ ആസ്പദമാക്കിയാണ് ഈ ചിത്രം ഒരുക്കുന്നത്. കാടിന്റെ പശ്ചാത്തലത്തിൽ കഥ പറയുന്ന ഈ ചിത്രം കേരള- കർണാടക അതിർത്തിയിലാണ് ഒരുക്കുക എന്നും സൂചനയുണ്ട്. മലയാളത്തിനൊപ്പം കന്നഡയിലേയും ഒരു വമ്പൻ നിർമ്മാണ കമ്പനി കൂടി ചേർന്നാണ് ഈ ബിഗ് ബഡ്ജറ്റ് റിവഞ്ച് ആക്ഷൻ ത്രില്ലർ നിർമ്മിക്കുക എന്നാണ് വാർത്തകൾ വരുന്നത്.
ടോവിനോ ആയിരിക്കും ഈ ചിത്രത്തിലെ നായകൻ എന്ന് നേരത്തെ വാർത്തകൾ വന്നിരുന്നു എങ്കിലും അദ്ദേഹം പിന്മാറി എന്ന വാർത്തയും പ്രചരിച്ചിരുന്നു. തിരക്കഥ രചന അവസാനഘട്ടത്തിലുള്ള ചിത്രം അടുത്ത വർഷം ആരംഭിക്കുമെന്നാണ് വാർത്തകൾ വരുന്നത്. ഡയമണ്ട് നെക്ളേസ്, ഇമ്മാനുവൽ എന്നീ ലാൽ ജോസ് ചിത്രങ്ങളിലാണ് ഇതിനു മുൻപ് ഫഹദ് ഫാസിൽ വേഷമിട്ടിട്ടുള്ളത്.
തണ്ണീർ മത്തൻ ദിനങ്ങൾ, സൂപ്പർ ശരണ്യ എന്നീ സൂപ്പർ ഹിറ്റുകൾക്കും പ്രേമലു എന്ന ബ്ലോക്ക്ബസ്റ്ററിനും ശേഷം ഗിരീഷ് എ ഡി-…
ശ്രീ ഗരുഡകൽപ്പയുടെ ഒറ്റപ്പാലത്തു ചിത്രീകരിച്ച ഷെഡ്യൂളിൽ ആണ് ഇൻസ്റ്റാഗ്രാം റീലിസിലൂടെ മലയാളിളുടെ പ്രിയങ്കരനായി മാറിയ ഹാഷിർ ഒരു പ്രധാന കഥാപാത്രത്തെ…
ദുൽഖർ സൽമാൻ നായകനായ പാൻ ഇന്ത്യൻ തെലുങ്ക് ചിത്രം 'ലക്കി ഭാസ്കർ' ഒക്ടോബർ 31 ന് ആഗോള റിലീസായെത്തുകയാണ്. ഒക്ടോബർ…
പ്രശസ്ത തെന്നിന്ത്യൻ നടിയും ഇതിഹാസ തമിഴ് സംവിധായകൻ മണി രത്നത്തിന്റെ ഭാര്യയുമായ സുഹാസിനി മലയാളി പ്രേക്ഷകരുടെ പ്രീയപ്പെട്ട നായികതാരങ്ങളിൽ ഒരാളായിരുന്നു.…
തണ്ണീർ മത്തൻ ദിനങ്ങൾ, സൂപ്പർ ശരണ്യ, പ്രേമലു എന്നീ സൂപ്പർ ഹിറ്റുകൾ ഒരുക്കിയ സംവിധായകൻ ഗിരീഷ് എ ഡിക്കൊപ്പം യുവ…
സിംഹ, ലെജൻഡ്, അഖണ്ഡ എന്നീ ഹാട്രിക് ബ്ലോക്ക്ബസ്റ്റർ ചിത്രങ്ങൾക്ക് ശേഷം നന്ദമൂരി ബാലകൃഷ്ണയും സംവിധായകൻ ബോയപതി ശ്രീനുവും ഒന്നിക്കുന്ന പുതിയ…
This website uses cookies.