കഴിഞ്ഞ ദിവസമാണ് കേരളത്തിലെ പത്താം ക്ലാസ് പരീക്ഷ ഫലം പുറത്തു വിട്ടത്. റെക്കോർഡ് വിജയവുമായി കേരളത്തിലെ വിദ്യാർത്ഥികൾ തിളങ്ങിയപ്പോൾ അതോടൊപ്പം കഴിഞ്ഞ വർഷം മലയാള സിനിമയിൽ അരങ്ങേറ്റം കുറിച്ച ഒരു മിന്നും താരവും തിളക്കമാർന്ന വിജയം കൈവരിച്ചു. ഞാൻ പ്രകാശൻ എന്ന സൂപ്പർ ഹിറ്റ് ചിത്രത്തിലെ ഫഹദ് ഫാസിലിന്റെ നായികമാരിൽ ഒരാളായി എത്തിയ ദേവിക സഞ്ജയ് ആണ് പത്താം ക്ലാസ്സിൽ എ പ്ലസ് വിജയം കരസ്ഥമാക്കിയത്. 500 ഇൽ 486 മാർക്ക് ആണ് ദേവിക നേടിയെടുത്തത്. എല്ലാ വിഷയങ്ങൾക്കും എ പ്ലസ് കരസ്ഥമാക്കിയ ദേവിക പഠിച്ചത് കോഴിക്കോട് കേന്ദ്രീയ വിദ്യാലയത്തിൽ ആണ്. ഞാൻ പ്രകാശൻ എന്ന സത്യൻ അന്തിക്കാട്- ഫഹദ് ഫാസിൽ ചിത്രത്തിലെ ടീന മോൾ എന്ന കഥാപാത്രം ആയുള്ള പ്രകടനം ദേവികക്ക് ഏറെ അഭിനന്ദനങ്ങൾ നേടി കൊടുത്തിരുന്നു.
സോഷ്യൽ മീഡിയയിലും അതോടെ താരമായ ദേവിക ഇപ്പോൾ പത്താം ക്ലാസ് വിജയത്തിന്റെ സന്തോഷത്തിൽ ആണ്. ഷൂട്ടിങ്ങിനു ഇടയിൽ ക്ലാസ് നഷ്ടമായെങ്കിലും അതിനെയെല്ലാം മറികടന്നാണ് കഠിന പരിശ്രമത്തിലൂടെ ദേവിക ഉന്നത വിജയം കരസ്ഥമാക്കിയത്. പോലീസ് ഉദ്യോഗസ്ഥൻ ആയ പി കെ സഞ്ജയ് ശ്രീലത എന്നിവരുടെ മകളാണ് ദേവിക. ശ്രീനിവാസൻ തിരക്കഥ രചിച്ച ഞാൻ പ്രകാശൻ എന്ന ചിത്രം ഫഹദ് ഫാസിലിന്റെ കരിയറിലെ തന്നെ ഏറ്റവും വലിയ ഹിറ്റ് ആയി മാറിയിരുന്നു. കഴിഞ്ഞ ഡിസംബറിൽ റിലീസ് ചെയ്ത ചിത്രം അമ്പതു കോടി കളക്ഷൻ നേടുന്ന ഫഹദിന്റെ ആദ്യ ചിത്രവുമായി മാറി.
പ്രശസ്ത സംവിധായകനായ വിനയന്റെ മകനും നടനുമായ വിഷ്ണു വിനയ് ആദ്യമായി സംവിധാനം ചെയ്ത ആനന്ദ് ശ്രീബാല എന്ന ചിത്രമാണ് ഇന്ന്…
മലയാളത്തിന്റെ മഹാനടൻ മോഹൻലാൽ ആദ്യമായി സംവിധാനം ചെയ്ത ചിത്രം "ബറോസ്- നിധി കാക്കും ഭൂതം" റിലീസ് തീയതി പുറത്ത്. കുട്ടികൾക്കായുള്ള…
പ്രശസ്ത സംവിധായകൻ മഹേഷ് നാരായണൻ ഒരുക്കുന്ന ബിഗ് ബജറ്റ് മൾട്ടി സ്റ്റാർ ചിത്രത്തിന്റെ ഷൂട്ടിംഗ് നവംബർ പതിനാറിന് ശ്രീലങ്കയിൽ ആരംഭിക്കും.…
ജനപ്രിയ നായകൻ ദിലീപ് ലോക്കൽ സൂപ്പർ ഹീറോ ആയി എത്തുന്ന പറക്കും പപ്പൻ എന്ന ചിത്രം പ്രഖ്യാപിച്ചിട്ട് ഇപ്പോൾ 2…
യുവതാരം അർജുൻ അശോകനെ നായകനാക്കി വിഷ്ണു വിനയ് ഒരുക്കിയ ആനന്ദ് ശ്രീബാല ഇന്ന് പ്രേക്ഷകരുടെ മുന്നിലെത്തും. ചിത്രത്തിന്റെ കേരളാ തീയേറ്റർ…
പ്രേക്ഷകരെ ആവേശം കൊള്ളിക്കുന്ന സിനിമകൾ നിർമ്മിച്ച് മലയാള സിനിമ നിർമ്മാണ മേഖലയിൽ ആധിപത്യം സ്ഥാപിച്ച നിർമ്മാണ കമ്പനിയാണ് കാവ്യ ഫിലിം…
This website uses cookies.