ലോകമെമ്പാടുമുള്ള മലയാളി പ്രേക്ഷകർ ആകാംഷയോടെയും ആവേശത്തോടെയും കാത്തിരുന്ന ഒടിയൻ എന്ന ബ്രഹ്മാണ്ഡ മോഹൻലാൽ ചിത്രം ഇന്ന് ലോകം മുഴുവൻ റിലീസ് ചെയ്തു കഴിഞ്ഞു. മലയാള സിനിമയിലെ എക്കാലത്തെയും വലിയ റിലീസ് ആയെത്തിയ ഈ ചിത്രം ഇന്ന് വെളുപ്പിന് നാലു മണി മുതൽ കേരളത്തിൽ പ്രദർശനം ആരംഭിച്ചു കഴിഞ്ഞു. വി എ ശ്രീകുമാർ മേനോൻ സംവിധാനം ചെയ്ത ഈ ചിത്രത്തിന്റെ ആദ്യ പകുതിക്കു ഇപ്പോൾ ത്രസിപ്പിക്കുന്ന റിപ്പോർട്ട് ആണ് ലഭിക്കുന്നത്. മെഗാ സ്റ്റാർ മമ്മൂട്ടിയുടെ ശബ്ദത്തിലൂടെ ആരംഭിക്കുന്ന ഈ ചിത്രം മോഹൻലാലിന്റെ ഒടിയൻ മാണിക്യന്റെ ഇൻട്രൊഡക്ഷനോടെ പ്രേക്ഷകരെ ആവേശം കൊള്ളിച്ചു തുടങ്ങുന്നു. നോൺ-ലീനിയർ ആയി ഭൂത കാലവും വർത്തമാന കാലവും ഇടകലർത്തിയാണ് ഈ ചിത്രം കഥ പറയുന്നത്. പഴയ യുവാവായ ഒടിയൻ മാണിക്യൻ ആയും പുതിയ കാലത്തെ മധ്യവയസ്കനായ ഒടിയൻ മാണിക്യൻ ആയും മോഹൻലാൽ പകർന്നാടുന്നത് അത്ഭുതത്തോടെയാണ് പ്രേക്ഷകർ കാണുന്നത്.
വളരെ ആഴമുള്ള ഒരു കഥയാണ് ഒടിയൻ പറയുന്നത് എന്ന സൂചന ആദ്യ പകുതിയിൽ തന്നെ ഒടിയൻ തരുന്നുണ്ട്. വൈകാരികമായി തീവ്രത പുലർത്തുന്ന ഒരു ചിത്രമായാണ് ഒടിയൻ ഒരുക്കിയിട്ടുള്ളതെന്ന സൂചനയും ആദ്യ പകുതി തരുന്നുണ്ട്. സാങ്കേതികമായി ഏറെ മികച്ചു നിൽക്കുന്ന ഈ ചിത്രത്തിന്റെ ആദ്യ പകുതി കഴിഞ്ഞതോടെ തന്നെ, ചരിത്രം രചിക്കാൻ സാധ്യതയുണ്ട് എന്ന തരത്തിലുള്ള പ്രതികരണങ്ങൾ ആണ് ലഭിക്കുന്നത്. ഹരികൃഷ്ണൻ തിരക്കഥ ഒരുക്കിയ ചിത്രം നിർമ്മിച്ചത് ആന്റണി പെരുമ്പാവൂർ ആണ്. പ്രകാശ് രാജ്, മഞ്ജു വാര്യർ എന്നിവരുടെ എൻട്രിക്കും ഗംഭീര പ്രേക്ഷക പ്രതികരണം ആണ് ലഭിക്കുന്നത്. ആദ്യ പകുതിയിലെ മോഹൻലാലിന്റെ പെർഫോമൻസ് തന്നെ പ്രേക്ഷകരുടെ പ്രതീക്ഷകൾക്കും അപ്പുറമാണ്.
പവി കെയർ ടേക്കറിലൂടെ മലയാളത്തിന്റെ സ്വന്തം ജനപ്രിയനായകൻ വമ്പൻ തിരിച്ചു വരവ് നടത്തിയിരിക്കുകയാണ്. മികച്ച അഭിപ്രായങ്ങളുമായി പവി കെയർ ടേക്കർ…
'അനുരാഗ കരിക്കിൻ വെള്ളം', 'ഉണ്ട', 'ലവ്', 'തല്ലുമാല' എന്നീ ഹിറ്റ് ചിത്രങ്ങൾക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന ചിത്രത്തിന്റെ…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവരെ കേന്ദ്ര കഥാപാത്രങ്ങളാക്കി മജു തിരക്കഥ എഴുതി സംവിധാനം ചെയ്യുന്ന 'പെരുമാനി'…
ജനപ്രിയ നായകൻ ദിലീപ് നായകനായ പവി കെയർ ടേക്കർ അഞ്ചു ദിവസം പിന്നടുമ്പോൾ മികച്ച അഭിപ്രയത്തോടൊപ്പം ബോക്സ് ഓഫീസിലും മിന്നുന്ന…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന 'പെരുമാനി'യുടെ ട്രെയിലർ പുറത്തിറങ്ങി. കത്തിക്കാനും കലഹങ്ങളുണ്ടാക്കാനും…
https://youtu.be/BByOSYKXwY0 വിനീത് കുമാറിന്റെ സംവിധാനത്തിൽ ദിലീപ് കേന്ദ്ര കഥാപാത്രമാകുന്ന ചിത്രം “പവി കെയർ ടേക്കർ” ന്റെ മഹാ വിജയമാണ് ഇപ്പോൾ…
This website uses cookies.