തമിഴകത്തിന്റെ നടിപ്പിൻ നായകൻ സൂര്യ നായകനായി എത്തുന്ന ഏറ്റവും പുതിയ ചിത്രമാണ് എതർക്കും തുനിന്ദവൻ. പാണ്ഡിരാജ് രചനയും സംവിധാനവും നിർവഹിച്ച ഈ ചിത്രം കോവിഡ് പ്രതിസന്ധി കാരണം റിലീസ് നീട്ടി വെച്ച് മുന്നോട്ടു പോവുകയായിരുന്നു. ഇപ്പോഴിതാ, ഈ ചിത്രത്തിന്റെ റിലീസ് തീയതി ഒഫീഷ്യൽ ആയിത്തന്നെ പുറത്തു വിട്ടിരിക്കുകയാണ് നിർമ്മാതാക്കൾ. മാർച്ച് പത്തിന് ആണ് ഈ ചിത്രം ആഗോള റിലീസ് ആയി എത്താൻ പോകുന്നത് എന്ന് നിർമ്മാതാക്കളായ സൺ പിക്ചേഴ്സ് അറിയിച്ചു. രണ്ട് വർഷത്തിന് ശേഷം തിയറ്ററുകളിൽ റിലീസ് ചെയ്യുന്ന സൂര്യയുടെ ആദ്യ ചിത്രമാണ് എതർക്കും തുനിന്ദവൻ എന്ന പ്രത്യേകതയും ഉണ്ട്. 2019 ലെ ആക്ഷൻ ഡ്രാമ കാപ്പാൻ ആയിരുന്നു തിയേറ്ററിൽ റിലീസ് ചെയ്ത അവസാന ചിത്രം. അന്തരിച്ചു പോയ കെ വി ആനന്ദ് ആയിരുന്നു ഈ ചിത്രം ഒരുക്കിയത്.
ഇതിനു ശേഷം വന്ന സൂര്യയുടെ ബിഗ് ബജറ്റ് ബയോപിക് ഡ്രാമയായ സൂരറൈ പൊട്ര്, അതിനു ശേഷം വന്ന സോഷ്യൽ കോർട്ട് റൂം ഡ്രാമ ആയ ജയ് ഭീം എന്നിവ ആമസോൺ പ്രൈം റിലീസ് ആയാണ് എത്തിയത്. ഇത് രണ്ടും ആഗോള തലത്തിൽ വരെ ശ്രദ്ധ നേടി ബ്ലോക്ക്ബസ്റ്റർ ഹിറ്റായി മാറിയ ചിത്രങ്ങൾ ആണ്. സൂര്യയ്ക്കൊപ്പം പ്രിയങ്ക അരുൾ മോഹൻ, സത്യരാജ്, വിനയ് റായ്, രാജകിരൺ, ശരണ്യ പൊൻവണ്ണൻ, സൂരി, സിബി ഭുവനേ ചന്ദ്രൻ, ദേവദർശിനി, എം എസ് ഭാസ്കർ, ജയപ്രകാശ്, ഇലവരശ്, എന്നിവരും അഭിനയിക്കുന്ന എതർക്കും തുനിന്ദവൻ ഒരു പക്കാ മാസ്സ് എന്റെർറ്റൈനെർ ആയാണ് ഒരുക്കിയിരിക്കുന്നത്. ഇതിനോടകം പുറത്തു വന്ന ഇതിലെ ഗാനങ്ങൾ സൂപ്പർ ഹിറ്റാണ്. ഡി ഇമ്മാൻ ആണ് ഈ ചിത്രത്തിന് വേണ്ടി സംഗീതമൊരുക്കിയത്. റൂബൻ എഡിറ്റ് ചെയ്ത ഈ ചിത്രത്തിന് കാമറ ചലിപ്പിച്ചത് ആർ രത്നവേലു ആണ്.
ക്യൂബ്സ് എന്റർടെയ്ന്മെന്റ്സ് നിര്മ്മാണത്തില് ഉണ്ണി മുകുന്ദനെ നായകനാക്കി ഹനീഫ് അദനി സംവിധാനം ചെയ്യുന്ന പുതിയ ചിത്രമായ മാർക്കോ പ്രേക്ഷകരുടെ മുന്നിലെത്താനുള്ള…
ഓണക്കാലചിത്രങ്ങളിൽ ഏറ്റവും കൂടുതൽ കളക്ഷൻ സ്വന്തമാക്കിയതിന് ശേഷം വരാൻ പോകുന്ന പൂജ അവധികളിലും മികച്ച കളക്ഷൻ ലക്ഷ്യമിട്ട് A.R.M. 100…
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
This website uses cookies.