ഇന്ന് മലയാള സിനിമാ പ്രേമികൾ ഏറ്റവും കൂടുതൽ കാത്തിരിക്കുന്ന ചിത്രമേതെന്ന ചോദ്യത്തിന് ഒരൊറ്റ ഉത്തരമേയുള്ളൂ. അത് കംപ്ലീറ്റ് ആക്ടർ മോഹൻലാൽ നായകനായെത്തുന്ന എംപുരാൻ ആണ്. മലയാളത്തിൽ നിന്ന് നൂറു കോടി ക്ലബ്ബിലെത്തിയ രണ്ടാമത്തെ മാത്രം ചിത്രമായ ലൂസിഫറിന്റെ രണ്ടാം ഭാഗമാണ് എംപുരാൻ. യുവ സൂപ്പർ താരം പൃഥ്വിരാജ് സുകുമാരൻ സംവിധാനം ചെയ്യാൻ പോകുന്ന ഈ ചിത്രം രചിക്കുന്നത് മുരളി ഗോപിയും നിർമ്മിക്കുന്നത് ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂരുമാണ്. ഇപ്പോഴിതാ ഇതിന്റെ ഫൈനൽ തിരക്കഥ പൂർത്തിയായെന്നും ചിത്രം ആരംഭിക്കാൻ തയ്യാറായെന്നും പ്രഖ്യാപിച്ചിരിക്കുകയാണ് മുരളി ഗോപി. അതിന് ഇൻസ്റ്റഗ്രാമിൽ മറുപടിയുമായി വന്നിരിക്കുകയാണ് പൃഥ്വിരാജ് സുകുമാരൻ. എല്ലാം തകിടം മറിയുമ്പോൾ, അന്ധകാരം വ്യാപിക്കുമ്പോൾ, എല്ലാം നേരെയാക്കാൻ അവൻ വരും, ചെകുത്താന്റെ നിയമവുമായി എന്നാണ് പൃഥ്വിരാജ് കുറിച്ചിരിക്കുന്നത്.
മോഹൻലാൽ നായകനായി എത്തുന്ന ഈ ചിത്രത്തിൽ പൃഥ്വിരാജ് സുകുമാരനും ഒരു നിർണ്ണായക വേഷം ചെയ്യുന്നുണ്ട്. അടുത്ത വർഷം ആദ്യമാണ് ഈ ചിത്രത്തിന്റെ ഷൂട്ടിംഗ് ആരംഭിക്കുക. അടുത്ത വർഷം തന്നെ ഈ ചിത്രം റിലീസിനുമെത്തും. എംപുരാൻ കൂടാതെ ഒരു മൂന്നാം ഭാഗം കൂടി ലൂസിഫറിന് ഉണ്ടാകുമെന്നും പൃഥ്വിരാജ്- മുരളി ഗോപി ടീം പ്രഖ്യാപിച്ചിട്ടുണ്ട്. ആദ്യ ഭാഗത്തേക്കാൾ വലിയ താരനിരയും ബഡ്ജറ്റുമാണ് ഈ രണ്ടാം ഭാഗത്തിന് ഉണ്ടാവുക എന്നാണ് വാർത്തകൾ വരുന്നത്. അടുത്ത ജനുവരിക്കു മുൻപ് നടനെന്ന നിലയിലുള്ള തന്റെ മൂന്നോ നാലോ ചിത്രങ്ങൾ തീർക്കാനുള്ള ഒരുക്കത്തിലാണ് പൃഥ്വിരാജ്. അതിനു ശേഷമാണ് അദ്ദേഹം എംപുരാൻ ആരംഭിക്കുക. പൃഥ്വിരാജ് സംവിധാനം ചെയ്ത ആദ്യ ചിത്രമായിരുന്നു ലൂസിഫർ. അദ്ദേഹം രണ്ടാമത് സംവിധാനം ചെയ്ത ബ്രോ ഡാഡി എന്ന ചിത്രത്തിലും മോഹൻലാൽ തന്നെയായിരുന്നു നായകൻ.
രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി' എന്ന ചിത്രം…
ജനസേന പാർട്ടി അധ്യക്ഷനും ആന്ധ്രാപ്രദേശ് ഉപമുഖ്യമന്ത്രിയുമായ ശ്രീ പവൻ കല്യാൺ തിരുപ്പതിയിൽ പൊതുയോഗത്തിൽ ജനങ്ങളെ അഭിസംബോധനം ചെയ്യുന്ന ലൈവ് വീഡിയോ…
മലയാളികളുടെ പ്രീയപ്പെട്ട നടിമാരിലൊരാളായ പൂർണ്ണിമ ഇന്ദ്രജിത് ഒരു വലിയ ഇടവേളക്ക് ശേഷം അഭിനയിച്ച ചിത്രമാണ് ഷാനവാസ് കെ ബാവക്കുട്ടി ഒരുക്കിയ…
മമ്മൂട്ടിയെ നായകനാക്കി രഞ്ജിത്ത് തിരക്കഥ, സംവിധാനം നിര്വ്വഹിച്ച് 2009 ല് റിലീസ് ചെയ്ത പാലേരി മാണിക്യം: ഒരു പാതിരാ കൊലപാതകത്തിന്റെ…
മെഗാസ്റ്റാർ മമ്മൂട്ടിയെ നായകനാക്കി 2018 ൽ അബ്രഹാമിന്റെ സന്തതികൾ എന്ന ചിത്രമൊരുക്കി അരങ്ങേറ്റം കുറിച്ച സംവിധായകനാണ് ഷാജി പാടൂർ. സൂപ്പർ…
മോഹൻലാലിനെ നായകനാക്കി സൂപ്പർ ഹിറ്റ് സംവിധായകൻ തരുൺ മൂർത്തി ഒരുക്കുന്ന ചിത്രം പുരോഗമിക്കുകയാണ്. L360 എന്ന് താത്കാലികമായി പേര് നൽകിയിരിക്കുന്ന…
This website uses cookies.