കഴിഞ്ഞ ദിവസം റിലീസ് ചെയ്ത ടോവിനോ തോമസ് ചിത്രമായ എടക്കാട് ബറ്റാലിയൻ 06 പ്രേക്ഷകരുടെ മുക്തകണ്ഠ പ്രശംസയേറ്റു വാങ്ങി തീയേറ്ററുകളിൽ മുന്നേറുന്ന കാഴ്ചയാണ് കാണാൻ സാധിക്കുന്നത്. നവാഗതനായ സ്വപ്നേഷ് സംവിധാനം ചെയ്ത ഈ ചിത്രത്തിന് തിരക്കഥ ഒരുക്കിയിരിക്കുന്നത് പ്രശസ്ത നടനും രചയിതാവുമായ പി ബാലചന്ദ്രൻ ആണ്. മിലിട്ടറിയിൽ ക്യാപ്റ്റൻ ആയ ഷഫീക് എന്ന ടോവിനോ തോമസ് കഥാപാത്രത്തിന്റെ ജീവിതത്തിലൂടെ സഞ്ചരിക്കുന്ന ഈ ചിത്രം വളരെ സാമൂഹിക പ്രസക്തിയുള്ള വിഷയങ്ങൾ പ്രേക്ഷകരോട് പങ്കു വെക്കുന്നുണ്ട്. പ്രേക്ഷകരുടെ കണ്ണ് നനയിക്കുന്ന മുഹൂർത്തങ്ങൾ നിറഞ്ഞ ഈ ചിത്രം കണ്ടു പ്രശസ്ത നടി പൊന്നമ്മ ബാബു വിങ്ങി പൊട്ടുന്ന വീഡിയോ ഇപ്പോൾ ഏവരുടെയും ശ്രദ്ധയാകർഷിക്കുകയാണ്.
താൻ ഈ ചിത്രത്തിന്റെ ഒരു ഭാഗം ആണെങ്കിൽ കൂടി ഇപ്പോൾ ഈ ചിത്രം കണ്ടു തീർന്നപ്പോൾ തന്നെ അത് വൈകാരികമായി ഏറെ സ്വാധീനിച്ചു എന്നും പട്ടാളക്കാർ അനുഭവിക്കുന്ന ബുദ്ധിമുട്ടുകളും ടോവിനോയുടെ ഗംഭീര പ്രകടനവും തന്റെ കണ്ണ് നനയിച്ചു എന്നും പൊന്നമ്മ ബാബു അഭിപ്രായപ്പെട്ടു. ചിത്രം കാണാൻ എത്തിയ യഥാർത്ഥ പട്ടാളക്കാരും ഈ ചിത്രം മനസ്സിൽ തൊടുന്ന ഒരു സിനിമാനുഭവം ആണെന്നാണ് പറഞ്ഞത്. വളരെയധികം ചർച്ച ചെയ്യപ്പെടേണ്ട ഒരു വിഷയം കൂടി മുന്നോട്ടു വെക്കുന്ന ഈ ചിത്രം യുവാക്കൾക്ക് പ്രചോദനമേകുന്ന ഒരു ചിത്രം കൂടിയാണ് എന്നാണ് ഏവരും ഒരേ സ്വരത്തിൽ അഭിപ്രായപ്പെടുന്നത്. സംയുക്ത മേനോൻ ആണ് ഈ ചിത്രത്തിലെ നായികാ വേഷം ചെയ്തിരിക്കുന്നത്.
ശാലു റഹിം, രേഖ, ജോയ് മാത്യു, പി ബാലചന്ദ്രൻ, സുധീഷ്, അഞ്ജലി നായർ, ദിവ്യ പിള്ള, മാളവിക മേനോൻ, നിർമ്മൽ പാലാഴി, സന്തോഷ് കീഴാറ്റൂർ, സലിം കുമാർ, ശങ്കർ ഇന്ദുചൂഡൻ, ധീരജ്, സരസ ബാലുശ്ശേരി, പുരുഷൻ വിഷ്ണു എന്നിവരും അഭിനയിച്ചിരിക്കുന്ന ഈ ചിത്രം നിർമ്മിച്ചിരിക്കുന്നത് കാർണിവൽ മോഷൻ പിക്ചേഴ്സ്, റൂബി ഫിലിംസ് എന്നിവയുടെ ബാനറിൽ ഡോക്ടർ ശ്രീകാന്ത് ഭാസി, ജോസെഫ് പട്ടത്താനം, ജയന്ത് മാമ്മൻ എന്നിവർ ചേർന്നാണ്. കൈലാസ് മേനോൻ സംഗീതം ഒരുക്കിയ ഈ ചിത്രത്തിലെ ഗാനങ്ങൾ ഇപ്പോഴേ സൂപ്പർ ഹിറ്റാണ്.
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
This website uses cookies.