ഒടുവില്‍ എന്നെ ശല്യപ്പെടുത്താന്‍ ഒരു കാരണം കിട്ടിയല്ലേ..’; അദിതിയോട് ദുല്‍ഖര്‍ സൽമാൻ..!

മലയാളത്തിന്റെ യുവ താരം ദുല്‍ഖർ സൽമാൻ ഇപ്പോൾ നാലു ഭാഷകളിലെ ചിത്രങ്ങളിൽ ആണ് അഭിനയിക്കുന്നത്. മലയാളം കൂടാതെ തമിഴ്, തെലുങ്കു, ഹിന്ദി ചിത്രങ്ങളും ദുല്‍ഖർ ചെയ്യുന്നുണ്ട്. ഹിന്ദിയിൽ ആർ ബാൽകി ഒരുക്കുന്ന ചുപ് എന്ന സൈക്കോളജിക്കൽ ത്രില്ലർ ആണ് ചെയ്യുന്നത് എങ്കിൽ തെലുങ്കിൽ ഒരു റൊമാന്റിക് ചിത്രമാണ് ദുല്‍ഖർ ചെയ്യുന്നത്. ഒരു പട്ടാള ഓഫീസർ ആയാണ് ദുല്‍ഖർ ആ ചിത്രത്തിൽ അഭിനയിക്കുന്നത്. തമിഴിൽ ദുല്‍ഖർ ചെയ്തു തീർത്തത് പ്രശസ്ത ഡാൻസ് മാസ്റ്റർ ആയ ബ്രിന്ദ സംവിധാനം ചെയ്ത ഹേ സിനാമിക എന്ന ചിത്രമാണ്. അടുത്ത വർഷം റിലീസ് പ്രതീക്ഷിക്കുന്ന ഈ ചിത്രത്തിൽ കാജൽ അഗർവാൾ, അദിതി റാവു എന്നിവരാണ് നായികാ വേഷം ചെയ്യന്നത്. ഇരുവരുമായും അടുത്ത സൗഹൃദവും ദുല്‍ഖർ പുലർത്തുന്നുണ്ട്. ഇപ്പോഴിതാ ദുല്‍ഖർ ഇൻസ്റ്റാഗ്രാമിൽ പങ്കു വെച്ച ഒരു ചിത്രത്തിന് അദിതി നൽകിയ കമന്റും അതിനു ദുല്‍ഖർ നൽകിയ മറുപടിയുമാണ് ശ്രദ്ധ നേടുന്നത്.

ഹിമാചലില്‍ എത്തിയ ചിത്രങ്ങളും വീഡിയോകളും ദുല്‍ഖർ പങ്കു വെച്ചിരുന്നു. ഹിമാചല്‍ പ്രദേശിലെ കാസയിലെ സ്പിറ്റി വാലിയിലൂടെ കാറോടിക്കുന്ന ദുല്‍ഖറിന്റെ വീഡിയോയും വൈറൽ ആയിരുന്നു. എന്നാൽ പുതിയതായി ദുല്‍ഖർ പങ്കു വെച്ചത് താൻ വിശ്രമിക്കുന്ന ഒരു ചിത്രമാണ്. അദിതി റാവു ഹൈദരിയുടെ കമന്റാണ് ശ്രദ്ധ നേടിയത്. എന്റേതല്ലാത്ത പൗട്ട് നിന്നില്‍ കാണുന്നുണ്ടോ നിന്നെ ശല്യപ്പെടുത്താന്‍ കാത്തിരിക്കാനാവില്ല. എന്നാണ് അദിതി കുറിച്ചത്. അതിനു ദുല്‍ഖർ നൽകിയ മറുപടി ഒടുവില്‍ ശല്യപ്പെടുത്താന്‍ കാരണം കിട്ടി എന്നാണ്. ദുൽഖറിന്റെ പുതിയ റിലീസ് ആയ കുറുപ്പ് വലിയ ഹിറ്റായി മാറിയിരുന്നു. 75 കോടിയാണ് ഈ ചിത്രം നേടിയ കളക്ഷൻ.