യുവ താരം ദുൽഖർ നായകനായി എത്തുന്ന ഏറ്റവും പുതിയ ചിത്രങ്ങളിൽ ഒന്നാണ് കിംഗ് ഓഫ് കൊത്ത. പ്രശസ്ത സംവിധായകൻ ജോഷിയുടെ മകനായ അഭിലാഷ് ജോഷി ആദ്യമായി സംവിധാനം ചെയ്യുന്ന ഈ ചിത്രം ഒരു ബിഗ് ബഡ്ജറ്റ് ആക്ഷൻ എന്റെർറ്റൈനെർ ആയാണ് ഒരുക്കാൻ പോകുന്നത്. വേഫെറർ ഫിൽംസിന്റെ ബാനറിൽ ദുൽഖർ സൽമാൻ തന്നെ നിർമ്മിക്കുന്ന ഈ ചിത്രത്തിന്റെ ഷൂട്ടിംഗ് അടുത്ത മാസം ആരംഭിക്കുമെന്നുള്ള റിപ്പോർട്ടുകളാണ് ഇപ്പോൾ ലഭിക്കുന്നത്. ദുൽഖർ സൽമാനൊപ്പം വലിയൊരു താരനിര തന്നെ ഈ ചിത്രത്തിൽ അണിനിരക്കുമെന്നും വാർത്തകൾ പറയുന്നുണ്ട്. പൊറിഞ്ചു മറിയം ജോസ് എന്ന സൂപ്പർ ഹിറ്റ് ജോഷി ചിത്രം രചിച്ച അഭിലാഷ് എൻ ചന്ദ്രൻ ആണ് ഈ ചിത്രം രചിച്ചിരിക്കുന്നത്. വേറിട്ട ഒരു ഗെറ്റപ്പിലായിരിക്കും ഇതിൽ ദുൽഖർ സൽമാനെ കാണാൻ സാധിക്കുക എന്നും വാർത്തകളുണ്ട്. ദുൽഖർ സൽമാന്റെ കഴിഞ്ഞ ജന്മദിനത്തിലാണ് ഈ ചിത്രം പ്രഖ്യാപിക്കപ്പെട്ടത്. ഇത് കൂടാതെ ദുൽഖർ മലയാളത്തിൽ ചെയ്യാൻ പോകുന്നത് സൗബിൻ ഷാഹിർ സംവിധാനം ചെയ്യുന്ന പുതിയ ചിത്രമാണ്.
പറവ എന്ന സൂപ്പർ ഹിറ്റ് ചിത്രത്തിന് ശേഷം സൗബിൻ ചെയ്യാൻ പോകുന്ന ചിത്രത്തിന്റെ പേര് ഓതിരം കടകം എന്നാണ്. ഹാസ്യത്തിന് പ്രാധാന്യമുള്ള ഒരു ചിത്രമായിരിക്കുമിതെന്നാണ് സൂചന. ഈ ചിത്രം നിർമ്മിക്കുന്നതും ദുൽഖർ സൽമാൻ തന്നെയാണ്. സൗബിന്റെ ആദ്യ ചിത്രമായ പറവയിലും ദുൽഖർ അതിഥി വേഷത്തിൽ അഭിനയിച്ചിരുന്നു. ഇനി ദുൽഖർ അഭിനയിച്ചു റിലീസ് ചെയ്യാനുള്ളത് സീത രാമം എന്ന തെലുങ്കു ചിത്രവും ചുപ് എന്ന ഹിന്ദി ചിത്രവുമാണ്. അത് കൂടാതെ ഗുലാബ്സ് ആൻഡ് ഗൺസ് എന്ന ഹിന്ദി വെബ് സീരീസിലും ദുൽഖർ അഭിനയിച്ചിട്ടുണ്ട്. നെറ്റ്ഫ്ലിക്സിലൂടെയാവും ഈ വെബ് സീരിസ് റിലീസ് ചെയ്യുന്നത്.
പ്രശസ്ത രചയിതാവ് രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി'…
100 കോടി പിന്നിട്ടിട്ടും A.R.M ൻ്റെ ബോക്സ് ഓഫീസ് കുതിപ്പ് തുടർന്നുകൊണ്ടിരിക്കുകയാണ്. കഴിഞ്ഞ ആഴ്ചകളിലായി കേരളത്തിലെ തിയറ്ററുകളിൽ നിന്ന് എല്ലാ…
കൺവിൻസിങ് സ്റ്റാർ എന്ന പേരിൽ സമൂഹ മാധ്യമങ്ങളിൽ ഇപ്പോൾ നിറഞ്ഞു നിൽക്കുകയാണ് പ്രശസ്ത മലയാള താരം സുരേഷ് കൃഷ്ണ. അതീവ…
'തല്ലുമാല'ക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന പുതിയ ചിത്രത്തിന്റെ ടൈറ്റിൽ പുറത്ത്. സ്പോർട്സ് കോമഡി വിഭാഗത്തിൽ ഒരുങ്ങുന്ന ചിത്രത്തിൽ…
നസ്ലൻ, കല്യാണി പ്രിയദർശൻ എന്നിവരെ പ്രധാന കഥാപാത്രങ്ങളാക്കി അരുൺ ഡൊമിനിക് രചിച്ചു സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് ഇപ്പോൾ പുരോഗമിക്കുകയാണ്.…
മലയാള സിനിമയിലെ മികച്ച എഴുത്തുകാരുടെ നിരയിൽ മുൻപന്തിയിൽ സ്ഥാനം പിടിച്ചയാളാണ് രഘുനാഥ് പലേരി. മലയാള സിനിമയിലെ ക്ലാസ്സിക്കുകൾ പലതും പിറന്ന…
This website uses cookies.