മലയാളത്തിന്റെ പ്രിയ യുവ താരമായ ദുൽഖർ സൽമാനിപ്പോൾ കുറുപ്പ് എന്ന ചിത്രത്തിന്റെ തിരക്കിലാണ്. ദുൽഖർ അഭിനേതാവായി അരങ്ങേറ്റം കുറിച്ച സെക്കന്റ് ഷോ, കൂതറ എന്നീ ചിത്രങ്ങൾക്ക് ശേഷം ശ്രീനാഥ് രാജേന്ദ്രൻ സംവിധാനം ചെയ്യുന്ന ഈ ബിഗ് ബജറ്റ് ചിത്രം നിർമ്മിക്കുന്നതും ദുൽഖർ തന്നെയാണ്. ദുൽഖറിനൊപ്പം ഇന്ദ്രജിത്, ഷൈൻ ടോം ചാക്കോ, സണ്ണി വെയ്ൻ, ടോവിനോ തോമസ് എന്നിവരുമഭിനയിക്കുന്ന ഈ ചിത്രം ഈ വർഷം ഈദ് റിലീസ് ആയി തീയേറ്ററുകളിലെത്തും. ഇപ്പോഴിതാ ദുൽഖർ സൽമാൻ കന്നഡ സൂപ്പർ താരം റോക്കിങ് സ്റ്റാർ യാഷിനൊപ്പമുള്ള തന്റെ ചിത്രം സോഷ്യൽ മീഡിയയിൽ പോസ്റ്റ് ചെയ്യുകയും അത് വലിയ രീതിയിൽ ശ്രദ്ധ നേടുകയും ചെയ്യുകയാണ്. കുറുപ്പ് റോക്കി ഭായിയെ കണ്ടപ്പോൾ എന്ന് പറഞ്ഞാണ് ദുൽഖർ സൽമാൻ ഈ ചിത്രം ഷെയർ ചെയ്തിരിക്കുന്നത്. കെ ജി എഫ് എന്ന ചിത്രത്തിലെ റോക്കി എന്ന കഥാപാത്രത്തിലൂടെ മലയാളി പ്രേക്ഷകരുടേയും ഇഷ്ട താരമായി യാഷ് മാറിയിരുന്നു.
യാഷിനെ കാണാൻ സാധിച്ചതിൽ വളരെ സന്തോഷമുണ്ടെന്നും അദ്ദേഹത്തിന്റെ പെരുമാറ്റം തന്റെ മനസ്സിനെ സ്പർശിച്ചുവെന്നും ദുൽഖർ പറയുന്നു. കുറുപ്പിന്റെ അടുത്ത ഷെഡ്യൂളിൽ വീണ്ടും യാഷിനെ കാണാൻ സാധിക്കുമെന്ന് കരുതുന്നു എന്നും കെ ജി എഫ് രണ്ടാം ഭാഗത്തിനായി താനും കാത്തിരിക്കുകയാണെന്നും ദുൽഖർ പറഞ്ഞു. കെ ജി എഫ് രണ്ടാം ഭാഗം ഈ വർഷം റിലീസ് ചെയ്യും. ദുൽഖർ സൽമാൻ അഭിനയിച്ച പുതിയ ചിത്രമായ വരനെ ആവശ്യമുണ്ട് ഈ വെള്ളിയാഴ്ച റിലീസ് ചെയ്യാൻ പോവുകയാണ്. സുരേഷ് ഗോപി, ശോഭന, കല്യാണി പ്രിയദർശൻ, ഉർവശി തുടങ്ങി ഒരു വലിയ താര നിര തന്നെയണിനിരക്കുന്ന ഈ ചിത്രം രചിച്ചു സംവിധാനം ചെയ്തത് സത്യൻ അന്തിക്കാടിന്റെ മകൻ അനൂപ് സത്യനും നിർമ്മിച്ചത് ദുൽഖർ സൽമാനുമാണ്.
പ്രേമലു എന്ന ചിത്രത്തിന്റെ മഹാവിജയത്തോടെ മലയാള സിനിമാപ്രേമികളുടെ പ്രിയങ്കരനായി മാറിയിരിക്കുകയാണ് നസ്ലൻ ഗഫൂർ എന്ന യുവതാരം. തണ്ണീർ മത്തൻ ദിനങ്ങൾ…
പ്രേക്ഷകർ ഏറെ ആകാംഷയോടെ കാത്തിരുന്ന ഒരു കട്ടിൽ ഒരു മുറിയിലെ "നെഞ്ചിലെ" എന്ന ഗാനം യുട്യൂബിൽ റിലീസ് ചെയ്തു. രഘുനാഥ്…
ക്യൂബ്സ് എന്റർടെയ്ന്മെന്റ്സ് നിര്മ്മാണത്തില് ഉണ്ണി മുകുന്ദനെ നായകനാക്കി ഹനീഫ് അദനി സംവിധാനം ചെയ്യുന്ന പുതിയ ചിത്രമായ മാർക്കോ പ്രേക്ഷകരുടെ മുന്നിലെത്താനുള്ള…
ഓണക്കാലചിത്രങ്ങളിൽ ഏറ്റവും കൂടുതൽ കളക്ഷൻ സ്വന്തമാക്കിയതിന് ശേഷം വരാൻ പോകുന്ന പൂജ അവധികളിലും മികച്ച കളക്ഷൻ ലക്ഷ്യമിട്ട് A.R.M. 100…
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
This website uses cookies.