ലാലേട്ടന് ആയൂരാരോഗ്യ സൗഖ്യങ്ങൾ നേർന്നു ദുൽഖർ സൽമാനും..!

ഇന്ത്യൻ സിനിമയുടെ വിസ്മയ താരമായ മോഹൻലാലിന് ജന്മദിന ആശംസകൾ നേർന്നു മലയാളികളുടെ സ്വന്തം കുഞ്ഞിക്കയും എത്തി. തന്റെ ഒഫീഷ്യൽ ഫേസ്ബുക് പേജിലൂടെയാണ് ലാലേട്ടന് ആശംസകൾ അറിയിച്ചു കൊണ്ട് ദുൽഖർ സൽമാൻ പോസ്റ്റ് ഇട്ടതു. രാവിലെ തന്നെ മെഗാ സ്റ്റാർ മമ്മൂട്ടിയും തന്റെ പ്രീയപ്പെട്ട ലാലുവിന് ജന്മദിന ആശംസകളുമായി എത്തിയിരുന്നു. ഏറ്റവും പ്രീയപ്പെട്ട ലാലേട്ടന് ഒരുപാട് സന്തോഷം നിറഞ്ഞ ഒരു ജന്മദിനം നേരുന്നു എന്നും ഇനിയങ്ങോട്ടുള്ള ദിവസങ്ങൾ അദ്ദേഹത്തിന് വലിയ വിജയങ്ങളും മികച്ച ആരോഗ്യവും നിറഞ്ഞതു ആയിരിക്കട്ടെ എന്നും ദുൽഖർ സൽമാൻ ആശംസിച്ചു. ഈ അടുത്തിടെ തന്റെ വാപ്പച്ചിയും ലാലേട്ടനും തമ്മിലുള്ള സൗഹൃദത്തെ കുറിച്ച് ദുൽഖർ വാചാലനായിരുന്നു.

അവരുടെ സൗഹൃദം കണ്ടാൽ ആരും കൊതിച്ചു പോകും എന്നും അത്രമാത്രം വലിയ സ്നേഹമാണ് അവർ ഷെയർ ചെയ്യുന്നത് എന്നും ദുൽഖർ പറയുന്നു. വാക്കുകൾക്കതീതമായി അവർ പരസ്പരം സ്നേഹിക്കുകയും ബഹുമാനിക്കുകയും ചെയ്യുമ്പോൾ പിന്നെ എന്തിനാണ് അവരുടെ പേരിൽ ആരാധകർ വഴക്കു കൂടുന്നത് എന്നും ദുൽഖർ സൽമാൻ ചോദിച്ചിരുന്നു. ദുൽഖറിന്റെ പുതിയ റിലീസ് ആയ ഒരു യമണ്ടൻ പ്രേമകഥയിൽ ദുൽഖർ അവതരിപ്പിച്ച നായക കഥാപാത്രത്തിന്റെ പേരും മോഹൻലാൽ എന്നായിരുന്നു എന്നത് കൗതുകകരമായ കാര്യമാണ്. മോഹൻലാൽ- ദുൽഖർ സൽമാൻ എന്നിവർ വെള്ളിത്തിരയിൽ ഒന്നിച്ചാൽ അത് മലയാള സിനിമയിലെ സകല ബോക്സ് ഓഫീസ് റെക്കോർഡുകളും തിരുത്തി കുറിക്കും എന്നുറപ്പാണ്. മോഹൻലാലിൻറെ മകൻ പ്രണവ് മോഹൻലാലുമായും വലിയ സൗഹൃദം പങ്കിടുന്ന ആളാണ് ദുൽഖർ സൽമാൻ. ചെറുപ്പം മുതലേ സുഹൃത്തുക്കളായ ഇരുവരും ഒന്നിക്കുന്ന ചിത്രത്തിനും പ്രേക്ഷകർ കാത്തിരിക്കുകയാണ്.