മലയാളത്തിലെന്ന പോലെ തമിഴിലും ഏറെ പ്രശസ്തനായ യുവ താരമാണ് ദുൽഖർ സൽമാൻ. മണി രത്നം സംവിധാനം ചെയ്ത ഓകെ കണ്മണി എന്ന ചിത്രത്തിലൂടെ തമിഴിൽ അരങ്ങേറ്റം കുറിച്ച ദുൽഖറിന്റെ തൊട്ടു മുൻപത്തെ തമിഴ് റിലീസായ കണ്ണും കണ്ണും കൊള്ളയ് അടിത്താലും ബോക്സ് ഓഫീസിൽ വിജയം നേടിയ ചിത്രമാണ്. ഇപ്പോൾ ദുൽഖർ ചെയ്തു കൊണ്ടിരിക്കുന്നതും ബ്രിന്ദ മാസ്റ്റർ സംവിധാനം ചെയ്യുന്ന ഹേ സിനാമിക എന്ന തമിഴ് ചിത്രമാണ്. ലോക്ക് ഡൌൺ ആയതിനാൽ ആ ചിത്രത്തിന്റെ ഷൂട്ടിംഗ് ഇപ്പോൾ നിർത്തി വെച്ചിരിക്കുകയാണ്. എന്നാൽ തമിഴിൽ കൂടുതൽ ചിത്രങ്ങൾ ചെയ്യാൻ തന്നെയാണ് ദുൽഖർ തീരുമാനിച്ചിരിക്കുന്നതെന്നും അതിന്റെ ഭാഗമായി കമൽ ഹാസന്റെ അവൾ അപ്പടി താൻ എന്ന ക്ലാസിക് ചിത്രം നാല്പത്തിരണ്ടു വർഷങ്ങൾക്കു ശേഷം ഒരിക്കൽ കൂടി തമിഴിൽ ഒരുങ്ങുമ്പോൾ അതിൽ ദുൽഖർ ആണ് നായകനെന്നുള്ള റിപ്പോർട്ടുകളാണ് വരുന്നത്. ഹരി വെങ്കടേശ്വരൻ സംവിധാനം ചെയ്യാൻ പോകുന്ന ഈ റീമേക്കിൽ കമൽ ഹാസന്റെ മകൾ ശ്രുതി ഹാസനാണ് നായികാ വേഷം ചെയ്യുന്നതെന്നും തമിഴ് മാധ്യമങ്ങൾ റിപ്പോർട്ട് ചെയ്യുന്നു.
കമൽ ഹാസനും രജനികാന്തും ഒരുമിച്ചഭിനയിച്ച ചിത്രങ്ങളിലൊന്ന് കൂടിയാണ് അവൾ അപ്പടി താൻ. ഇതിൽ കമൽ ഹാസന്റെ വേഷം ദുൽഖർ സൽമാനും രജനികാന്തിന്റെ വേഷം സിമ്പുവും ചെയ്യുമെന്നാണ് സ്ഥിതീകരിക്കാത്ത വാർത്തകൾ വരുന്നത്. സി രുദ്രയ്യ ആണ് ഈ ചിത്രം നാല്പത്തിരണ്ടു വർഷം മുൻപ് സംവിധാനം ചെയ്തത്. അതിൽ ശ്രീപ്രിയ ചെയ്ത നായികാ വേഷമാണ് റീമേക്കിൽ ശ്രുതി ഹാസൻ ചെയ്യുക. നായികാ പ്രാധാന്യമുള്ള ഒരു ചിത്രം കൂടിയാണ് അവൾ അപ്പടി താൻ. ബദ്രി വെങ്കടേഷ് നിർമ്മിക്കാൻ തയ്യാറെടുക്കുന്ന ഈ ചിത്രത്തിന്റെ അണിയറ പ്രവർത്തകർ ഇപ്പോൾ പഴയ ചിത്രത്തിന്റെ നിർമ്മാതാക്കളിൽ നിന്നും ഇതിന്റെ റീമേക് അവകാശം വാങ്ങിക്കാനുള്ള ശ്രമത്തിലാണ്.
ഇന്റർനെറ്റ് മൂവി ഡാറ്റ ബേസ് എന്ന ലോകത്തെ ഏറ്റവും വലിയ മൂവി ഡാറ്റ ബേസ് ഇന്ത്യന് സിനിമയില് ഏറ്റവും മികച്ച…
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
പ്രശസ്ത സംവിധായകനും രചയിതാവുമായ മിഥുൻ മാനുവൽ തോമസ് സംവിധായകനായി അരങ്ങേറിയ ആട് ഒരു ഭീകര ജീവിയാണ് എന്ന ചിത്രത്തിന്റെ മൂന്നാം…
This website uses cookies.