കോവിഡിന്റെ ഒമിക്രോൺ വകഭേദം പടരുന്നതിനാൽ ജനുവരി ആദ്യവാരത്തിലും രണ്ടാം വാരത്തിലും റിലീസ് ചെയ്യേണ്ടിയിരുന്ന ഒട്ടേറെ വമ്പൻ ചിത്രങ്ങൾ ആണ് റിലീസ് മാറ്റിയത്. തീയേറ്ററുകളിൽ കപ്പാസിറ്റി കുറച്ചതും, സെക്കന്റ് ഷോകൾ വേണ്ടെന്നു വെച്ചതും മുതൽ, ചില സ്ഥലങ്ങളിൽ തീയേറ്ററുകൾ അടച്ചിട്ടത് വരെ അതിനു കാരണമായി മാറി. എപ്പോൾ വേണമെങ്കിലും ഭാഗികമായ ഒരു ലോക്ക് ഡൌൺ എങ്കിലും വന്നേക്കാം എന്ന അവസ്ഥ നിലനിൽക്കുന്നതും ഈ തീരുമാനങ്ങൾക്കു പിന്നിലുള്ള കാരണമാണ്. എസ് എസ് രാജമൗലി ചിത്രം ആർ ആർ ആർ, പ്രഭാസ് ചിത്രം രാധേ ശ്യാം, തല അജിത് ചിത്രം വലിമൈ, അക്ഷയ് കുമാർ ചിത്രം പൃഥ്വിരാജ് തുടങ്ങിയ ചിത്രങ്ങളാണ് മാറ്റിയതിൽ വലിയ ചിത്രങ്ങൾ. എന്നാൽ അപ്പോഴൊന്നും മലയാള ചിത്രങ്ങൾ റിലീസ് മാറ്റിയിരുന്നില്ല. സൂപ്പർ ശരണ്യ, രണ്ടു എന്നീ ചിത്രങ്ങൾ ജനുവരി ഏഴിന് കേരളത്തിൽ റിലീസ് ചെയ്യുകയും ചെയ്തു.
എന്നാൽ ഇപ്പോഴിതാ, ജനുവരി പതിനാലിന് റിലീസ് ചെയ്യാനിരുന്ന ദുൽഖർ സൽമാൻ ചിത്രം സല്യൂട്ട് റിലീസ് മാറ്റി എന്ന് ഒഫീഷ്യൽ ആയി തന്നെ അറിയിച്ചിരിക്കുകയാണ്. ദുൽഖർ തന്നെ നിർമ്മിച്ചിരിക്കുന്ന ഈ ചിത്രം സംവിധാനം ചെയ്തത് റോഷൻ ആൻഡ്രൂസും രചിച്ചത് ബോബി- സഞ്ജയ് ടീമും ആണ്. ബോളിവുഡ് താരം ഡയാന പെന്റി നായികാ വേഷം ചെയ്യുന്ന ഈ ചിത്രം പുതിയ വർഷത്തിലെ മലയാളത്തിലെ ആദ്യത്തെ വലിയ റിലീസ് ആയിരുന്നു. ദുൽഖർ അഭിനയിക്കുന്ന ആദ്യത്തെ പോലീസ് വേഷം എന്ന പ്രത്യേകതയും ഈ ചിത്രത്തിലെ നായക കഥാപാത്രത്തിന് ഉണ്ടായിരുന്നു. സല്യൂട്ട് കൂടാതെ ഇനി ജനുവരിയിൽ റിലീസ് ചെയ്യാനിരിക്കുന്ന നിവിൻ പോളി ചിത്രം തുറമുഖം, പ്രണവ് മോഹൻലാൽ ചിത്രം ഹൃദയം, ടോവിനോ തോമസ് ചിത്രം നാരദൻ എന്നിവയും റിലീസ് മാറ്റുമോ എന്ന ആശങ്കയിലാണ് മലയാള സിനിമ പ്രേമികൾ.
ബ്ലോക്ബസ്റ്റർ ഹിറ്റായ കല്യാണി പ്രിയദർശൻ - ഡൊമിനിക് അരുൺ ചിത്രം "ലോക" യുടെ രണ്ടാം ഭാഗത്തിൽ ടോവിനോ തോമസ് നായകനായി…
ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…
ദേശീയ, സംസ്ഥാന പുരസ്കാരജേതാവായ സെന്ന ഹെഗ്ഡെയുടെ ഏറ്റവും പുതിയ ചിത്രത്തിന്റെ ട്രെയിലർ പുറത്തിറങ്ങി. ‘അവിഹിതം’ എന്ന പേരിൽ പുറത്തിറങ്ങുന്ന ചിത്രത്തിന്റെ…
ദേശീയ പുരസ്കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…
This website uses cookies.