കഴിഞ്ഞ 7 വർഷങ്ങളായി മമ്മൂട്ടി ആരാധകർ അദ്ദേഹത്തോടും സംവിധായകൻ അമൽ നീരദിനോടും നിരന്തരമായി ചോദിക്കുന്ന ചോദ്യമാണ് ഈ കൂട്ട്കെട്ടിലെത്തിയ ബിഗ് ബി എന്ന ചിത്രത്തിന്റെ രണ്ടാം ഭാഗമായ ബിലാൽ എന്ന് വരുമെന്നത്. പ്രഖ്യാപിച്ചിട്ട് 7 വർഷം കഴിഞ്ഞെങ്കിലും ഇതുവരെ ഈ പ്രൊജക്റ്റ് യാഥാർഥ്യമായിട്ടില്ല. ഇപ്പോഴിതാ ആ ചോദ്യത്തിന് ഉത്തരം നൽകുന്നത് ദുൽഖർ സൽമാനാണ്.
തന്റെ ഏറ്റവും പുതിയ റിലീസായ ലക്കി ഭാസ്കറിന്റെ പ്രചാരണത്തിനായി കൊച്ചിയിലെ ലുലു മാളിൽ എത്തിയപ്പോഴാണ് ഈ ചോദ്യത്തിന് ദുൽഖർ ഉത്തരം നൽകിയത്. ബിലാൽ എപ്പോൾ വരുമെന്ന് ബിലാലിന് മാത്രമേ അറിയൂ എന്നും പക്ഷെ വരുമ്പോൾ അതൊരൊന്നൊന്നര വരവായിരിക്കുമെന്നാണ് ദുൽഖർ പറയുന്നത്. ചിത്രത്തിൽ താൻ അതിഥി വേഷം ചെയ്യുന്നുണ്ടോ എന്ന ചോദ്യത്തിനും അദ്ദേഹം മറുപടി നൽകി.
തന്റെ അതിഥി വേഷം അതിൽ ഉണ്ടോ ഇല്ലയോ എന്നൊന്നും ഇപ്പോൾ പറയാൻ സാധിക്കില്ല എന്നും എല്ലാം കാത്തിരുന്ന് കാണാം എന്നും ദുൽഖർ പറയുന്നു. ഫോർ ബ്രദേഴ്സ് എന്ന ഹോളിവുഡ് ചിത്രത്തിന്റെ മലയാളം വേർഷൻ ആയിരുന്ന ബിഗ് ബി 2007 ലാണ് റിലീസ് ചെയ്തത്. തീയേറ്ററിൽ അന്ന് പരാജയപ്പെട്ട ചിത്രം പിന്നീട് മിനി സ്ക്രീനിലൂടെ പ്രേക്ഷകരുടെ പ്രീയപ്പെട്ട ഒന്നായി മാറി. മമ്മൂട്ടിയോടൊപ്പം മനോജ് കെ ജയൻ, ബാല, മംമ്ത മോഹൻദാസ്, ഇന്നസെന്റ്, ജാഫർ ഇടുക്കി തുടങ്ങി ഒട്ടേറെ പ്രമുഖ താരങ്ങൾ അഭിനയിച്ച ചിത്രമാണ് ബിഗ് ബി.
എന്തായാലും ബിലാൽ സംഭവിക്കും എന്ന സൂചനയാണ് ദുൽഖർ സൽമാൻ നൽകിയത്. ബിലാൽ പ്രഖ്യാപിച്ചതിന് ശേഷം മമ്മൂട്ടി- അമൽ നീരദ് കൂട്ടുകെട്ടിൽ ഭീഷ്മ പർവ്വം എന്നൊരു ചിത്രം സംഭവിക്കുകയും അത് വമ്പൻ ഹിറ്റായി മാറുകയും ചെയ്തിരുന്നു.
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
മലയാള സിനിമയിലെ ഇതിഹാസ തുല്യനായ സംവിധായകൻ പ്രിയദർശന്റെ കരിയറിലെ നൂറാം ചിത്രം അടുത്ത വർഷം ആരംഭിക്കും. തന്റെ ആദ്യ ചിത്രത്തിലെ…
നടൻ കലാഭവൻ നവാസ് അന്തരിച്ചു. 51 വയസ്സായിരുന്നു. ഹൃദയാഘാതം മൂലമാണ് മരണമെന്നാണ് റിപ്പോർട്ട്. ചോറ്റാനിക്കരയിലെ ഹോട്ടൽ മുറിയിൽ അദ്ദേഹത്തെ മരിച്ച…
This website uses cookies.