മെഗാ സ്റ്റാർ മമ്മൂട്ടി നായകനായി എത്തുന്ന ചിത്രമാണ് പരോൾ. നവാഗതനായ ശരത് സന്ദിത് സംവിധാനം ചെയ്ത ചിത്രം ഈ മാസം മുപ്പത്തിയൊന്നാം തീയതി തീയേറ്ററുകളിൽ എത്തുമെന്നാണ് സൂചന. അതിനു മുന്നോടിയായി ഇന്ന് ഈ ചിത്രത്തിന്റെ ആദ്യ ടീസർ പുറത്തു വന്നു കഴിഞ്ഞു. ഗംഭീര സ്വീകരണമാണ് ഈ ടീസറിന് പ്രേക്ഷകർ നൽകിയത്. ക്ലാസും മാസ്സും നിറഞ്ഞ ഒരു കമ്പ്ലീറ്റ് ഫാമിലി എന്റെർറ്റൈനെർ ആയിരിക്കും എന്ന ഫീൽ ആണ് ടീസർ തരുന്നത്. ഒരു താരം എന്ന നിലയിലും നടൻ എന്ന നിലയിലും മമ്മൂട്ടിയുടെ തിരിച്ചു വരവിനു ഈ ചിത്രം കളമൊരുക്കും എന്നാണ് ആരാധകരുടെ പ്രതീക്ഷ. പരോൾ ടീസർ ത്രസിപ്പിച്ചത് ആരാധകരെ മാത്രമല്ല. മമ്മൂട്ടിയുടെ മകനും യുവ താരവുമായ ദുൽഖർ സൽമാനെയും ഈ ടീസർ ഞെട്ടിച് കളഞ്ഞു. പരോൾ ടീസർ കണ്ട ദുൽഖർ അത് സ്വന്തം ഫേസ്ബുക് പേജിൽ ഷെയർ ചെയ്തത് ഈ ചിത്രം കാണാൻ അക്ഷമയോടെ കാത്തിരിക്കുന്നു എന്ന് പറഞ്ഞാണ്.
സഖാവ് അലക്സ് എന്ന കഥാപാത്രത്തെയാണ് മമ്മൂട്ടി ഈ ചിത്രത്തിൽ അവതരിപ്പിക്കുന്നത്. അദ്ദേഹത്തിന്റെ ജീവിതത്തിലെ മൂന്നു കാലങ്ങൾ ഈ ചിത്രത്തിലൂടെ പ്രേക്ഷകരുടെ മുന്നിലെത്തിക്കുന്ന ചിത്രമാണ് പരോൾ എന്നാണ് റിപ്പോർട്ടുകൾ പറയുന്നത്. ആന്റണി ഡിക്രൂസ് നിർമ്മിച്ച ഈ ചിത്രം രചിച്ചിരിക്കുന്നത് അജിത് പൂജപ്പുരയാണ്. ഇനിയ , മിയ ജോർജ് എന്നിവർ പ്രധാന സ്ത്രീ കഥാപാത്രങ്ങൾ ആയി എത്തിയിരിക്കുന്ന ഈ ചിത്രത്തിൽ പ്രഭാകർ, സുരാജ് വെഞ്ഞാറമ്മൂട്, സിദ്ദിഖ്, മുത്തുമണി , ലാലു അലക്സ്, സുധീർ കരമന , അലെൻസിയർ, അനിൽ നെടുമങ്ങാട്, പദ്മരാജ് രതീഷ്, ശശി കലിംഗ എന്നിവരും പ്രധാന വേഷങ്ങൾ ചെയ്യുന്നു. എസ് ലോകനാഥൻ ദൃശ്യങ്ങൾ ഒരുക്കിയ ഈ ചിത്രം എഡിറ്റ് ചെയ്തത് സുരേഷും സംഗീതം പകർന്നിരിക്കുന്നത് ശരത്, എൽവിൻ ജോഷുവ എന്നിവരും ചേർന്നാണ്.
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ട്രെയ്ലർ പുറത്ത്.…
ഉണ്ണി ശിവലിംഗം സംവിധാനം ചെയ്ത, ഷെയിൻ നിഗത്തിൻ്റെ ഇരുപത്തിയഞ്ചാമത് ചിത്രമായ 'ബൾട്ടി' നിറഞ്ഞ സദ്ദസുകളിൽ പ്രദർശനം തുടരുകയാണ്. സൈലൻ്റായി വന്ന്…
മലയാളത്തിൻ്റെ മഹാനടന്മാരായ മമ്മൂട്ടി, മോഹൻലാൽ എന്നിവരെ കേന്ദ്ര കഥാപാത്രങ്ങളാക്കി മഹേഷ് നാരായണൻ ഒരുക്കുന്ന മൾട്ടിസ്റ്റാർ ചിത്രത്തിന്റെ ടൈറ്റിൽ ടീസർ പുറത്ത്.…
സെന്ന ഹെഗ്ഡെയുടെ സംവിധാനത്തിൽ ഒരുങ്ങുന്ന ‘അവിഹിതം’ ചിത്രത്തിന്റെ സെൻസറിങ് പൂർത്തിയായി. ഒക്ടോബർ പത്തിന് പ്രദർശനത്തിനൊരുങ്ങുന്നു സിനിമയ്ക്ക് U/A സർട്ടിഫിക്കറ്റ് ആണ്…
പ്രേക്ഷകരെ ആകാംഷയുടെ മുൾമുനയിൽ നിർത്തിയ ബ്ലോക്ക് ബസ്റ്റർ ചിത്രം കിഷ്കിന്ധ കാണ്ഡത്തിനു ശേഷം തിരക്കഥാകൃത്ത് ബാഹുൽ രമേശും സംവിധായകൻ ദിൻജിത്…
മാത്യു തോമസിനെ നായകനാക്കി, പ്രശസ്ത എഡിറ്റർ നൗഫൽ അബ്ദുള്ള ആദ്യമായി സംവിധാനം ചെയ്ത 'നെല്ലിക്കാംപൊയിൽ നൈറ്റ് റൈഡേഴ്സ്' എന്ന റൊമാൻ്റിക്…
This website uses cookies.