ഇൻസ്റ്റാഗ്രാമിൽ റെക്കോർഡ് ഇട്ടു ദുൽഖർ സൽമാൻ; മലയാളത്തിൽ നിന്ന് ഈ നേട്ടം കൈവരിക്കുന്ന ആദ്യ താരം..!!

മലയാളത്തിന്റെ യുവ താരമായ ദുൽഖർ സൽമാൻ ഇപ്പോൾ ഇന്ത്യ മുഴുവൻ പോപ്പുലർ ആണ്. മലയാളത്തിനൊപ്പം തമിഴ്, ഹിന്ദി, തെലുങ്കു ഭാഷകളിലും അഭിനയിച്ചതോടെ ആണ് ദുൽഖർ സൽമാന്റെ പോപ്പുലാരിറ്റി വളരെ വേഗം വർധിച്ചത്. ഫേസ്ബുക്, ട്വിറ്റെർ എന്നീ സോഷ്യൽ മീഡിയ പ്ലാറ്റുഫോമുകളിൽ ഒട്ടേറെ ആരാധകർ ഉള്ള ദുൽഖർ ഇപ്പോൾ ഇൻസ്റാഗ്രാമിലും ഏറ്റവും കൂടുതൽ ഫോള്ളോവെർസ് ഉള്ള മലയാള താരം ആയി കഴിഞ്ഞു. നാല് മില്യൺ ആണ് ദുൽഖറിന്റെ ഇൻസ്റ്റാഗ്രാം ഫോളോ ചെയ്യുന്നവരുടെ എണ്ണം. മൂന്നു മില്യണിൽ കൂടുതൽ ആളുകൾ പിന്തുടരുന്ന ടോവിനോ തോമസ് ഇക്കാര്യത്തിൽ ദുൽഖറിന് പിന്നിൽ രണ്ടാം സ്ഥാനത്തു നിൽക്കുമ്പോൾ മലയാളത്തിന്റെ സൂപ്പർ താരമായ മോഹൻലാൽ ആണ് ഏകദേശം രണ്ടു മില്യൺ പേരുടെ പിന്തുണയുമായി ഇൻസ്റ്റാഗ്രാമിൽ മൂന്നാമത് നിൽക്കുന്നത്.

ഇൻസ്റ്റഗ്രാമിൽ ദുൽഖർ മുന്നിൽ നിൽക്കുമ്പോൾ ട്വിറ്ററിൽ മോഹൻലാൽ ആണ് മുന്നിൽ നിൽക്കുന്നത്. ഏകദേശം ആറു മില്യന്റെ അടുത്ത് ആളുകൾ മോഹൻലാലിനെ ട്വിറ്ററിൽ ഫോളോ ചെയ്യുമ്പോൾ ദുൽഖറിന്റെ ട്വിറ്ററിൽ ഫോളോ ചെയ്യുന്നവർ 2 മില്യന്റെ അടുത്താണ്. ഫേസ്ബുക്കിൽ ഏകദേശം 51 ലക്ഷം പേർ ദുൽഖറിനെ ഫോളോ ചെയ്യുമ്പോൾ മോഹൻലാൽ ഏകദേശം അമ്പതു ലക്ഷം പേരുടെ പിന്തുണയുമായി തൊട്ടു പുറകിൽ തന്നേയുണ്ട്. സോഷ്യൽ മീഡിയയിൽ അങ്ങനെ ഏറ്റവും കൂടുതൽ പിന്തുണയുള്ള രണ്ടു മലയാള താരങ്ങൾ ആണ് ദുൽഖർ സൽമാനും മോഹൻലാലും. മണി രത്‌നം ഒരുക്കിയ ഒക്കെ കണ്മണി, ഹിന്ദി ചിത്രങ്ങൾ ആയ കാർവാൻ, സോയ ഫാക്ടർ, തെലുങ്കു ചിത്രമായ മഹാനടി എന്നിവയാണ് ദുൽഖറിന്റെ ആരാധകരുടെ എണ്ണം വർധിപ്പിച്ച അന്യ ഭാഷാ ചിത്രങ്ങൾ.