മലയാളത്തിന്റെ യുവതാരം ദുൽഖർ സൽമാൻ നായകനായി ഒരു മലയാള ചിത്രം പ്രേക്ഷകരുടെ മുന്നിലെത്തിയത് കഴിഞ്ഞ വർഷം ഓണത്തിനാണ്. അഭിലാഷ് ജോഷിയുടെ അരങ്ങേറ്റ ചിത്രമായ കിംഗ് ഓഫ് കൊത്ത എന്ന മാസ്സ് ഓണ ചിത്രവുമായാണ് ദുൽഖർ സൽമാൻ എത്തിയത്. എന്നാൽ ചിത്രത്തിന് പ്രേക്ഷകരുടെ ഇടയിൽ സ്വീകാര്യത ലഭിക്കാതെ പോയി.
അതിന് ശേഷം അന്യ ഭാഷാ ചിത്രങ്ങളിൽ ശ്രദ്ധ കേന്ദ്രീകരിച്ച ദുൽഖർ തമിഴ്, തെലുങ്ക് ഭാഷകളിലാണ് വേഷമിട്ടത്. ഇപ്പോൾ ലഭിക്കുന്ന വിവരങ്ങൾ പ്രകാരം, ദുൽഖർ സൽമാൻ മറ്റൊരു മാസ്സ് ചിത്രവുമായി മലയാളത്തിലേക്ക് മടങ്ങി വരികയാണ്. കഴിഞ്ഞ വർഷം ഓണത്തിന് തന്നെ ആർഡിഎക്സ് എന്ന മാസ്സ് ചിത്രവുമായെത്തി ബ്ലോക്ക്ബസ്റ്റർ വിജയം സ്വന്തമാക്കികൊണ്ട് അരങ്ങേറ്റം കുറിച്ച സംവിധായകൻ നഹാസ് ഹിദായത്ത് ഒരുക്കുന്ന ചിത്രമാണ് ദുൽഖർ ഉടൻ മലയാളത്തിൽ ചെയ്യാൻ പോകുന്നത് എന്നുള്ള റിപ്പോർട്ടുകളാണ് വരുന്നത്.
ഈ ചിത്രത്തിന്റെ ലൊക്കേഷൻ കണ്ടെത്തുന്ന പ്രക്രിയ പൂർത്തിയായി എന്നും, ചിത്രത്തിന്റെ ഷൂട്ടിംഗ് നവംബറിൽ ആരംഭിക്കുമെന്നുമാണ് സൂചന. അധികം വൈകാതെ തന്നെ ചിത്രത്തിന്റെ ഔദ്യോഗിക പ്രഖ്യാപനവും ഉണ്ടാകും. ഇപ്പോൾ സെൽവമണി സെൽവരാജ് ഒരുക്കുന്ന കാന്ത എന്ന തമിഴ് ചിത്രത്തിലാണ് ദുൽഖർ അഭിനയിക്കുന്നത്. ദുൽഖറും റാണ ദഗ്ഗുബതിയും ചേർന്നാണ് ബഹുഭാഷാ ചിത്രമായി കാന്ത നിർമ്മിക്കുന്നത്.
വെങ്കി അറ്റ്ലൂരി സംവിധാനം ചെയ്ത ലക്കി ഭാസ്കർ എന്ന തെലുങ്ക് ചിത്രമാണ് ദുൽഖർ സൽമാന്റെ അടുത്ത റിലീസ്. ചിത്രം ഒക്ടോബർ അവസാനം പ്രേക്ഷകരുടെ മുന്നിലെത്തും.
സൈജു കുറുപ്പ്, വിൻസി അലോഷ്യസ് എന്നിവരെ പ്രധാന കഥാപാത്രങ്ങളാക്കി ഒരുക്കുന്ന 'ഓകെ ഡിയർ' എന്ന ചിത്രത്തിന്റെ മോഷൻ പോസ്റ്റർ പുറത്ത്.…
മലയാളത്തിന്റെ മഹാനടൻ മോഹൻലാലും, മലയാള സിനിമയിൽ വ്യത്യസ്ത ശൈലിയിലൂടെ കഥ പറഞ്ഞ് കൊണ്ട് ലോക ശ്രദ്ധയാകർഷിച്ച സംവിധായകൻ ലിജോ ജോസ്…
മലയാളത്തിന്റെ മെഗാസ്റ്റാർ മമ്മൂട്ടി വീണ്ടും വില്ലനായി എത്തുന്നു എന്ന് വാർത്തകൾ. ഈ വർഷം പുറത്ത് വന്ന ഭ്രമയുഗം എന്ന പീരീഡ്…
മലയാള സിനിമയുടെ 'അമ്മ മുഖം എന്നറിയപ്പെടുന്ന കവിയൂർ പൊന്നമ്മ കാലയവനികക്കുള്ളിൽ മറഞ്ഞു. മലയാളി പ്രേക്ഷകരുടെ മനസ്സിൽ ''അമ്മ" എന്ന് കേൾക്കുമ്പോൾ…
പായൽ കപാഡിയയുടെ 'ഓൾ വി ഇമാജിൻ ആസ് ലൈറ്റ്' (പ്രഭയായ് നിനച്ചതെല്ലാം) 2024 സെപ്റ്റംബർ 21 മുതൽ കേരളത്തിൽ പ്രദർശനം…
ഒരു വലിയ ഇടവേളക്ക് ശേഷം ആക്ഷൻ സൂപ്പർസ്റ്റാർ സുരേഷ് ഗോപി വക്കീൽ വേഷത്തിലെത്തുന്ന ചിത്രമാണ് 'ജെ.എസ്.കെ' (ജാനകി v\s സ്റ്റേറ്റ്…
This website uses cookies.