മലയാളത്തിന്റെ യുവതാരം ദുൽഖർ സൽമാൻ ഇപ്പോൾ പാൻ ഇന്ത്യൻ തലത്തിൽ ശ്രദ്ധ നേടുന്ന ഒരു താരമാണ്. മലയാളം കൂടാതെ തമിഴ്, തെലുങ്ക്, ഹിന്ദി ഭാഷകളിലും അഭിനയിക്കുന്ന ദുൽഖർ, വൈകാതെ തന്നെ കന്നഡയിലും അരങ്ങേറ്റം കുറിക്കുമെന്ന് വാർത്തകളുണ്ട്. ദുൽഖർ ഇനി ചെയ്യാൻ പോകുന്നതും തമിഴ്, തെലുങ്ക് ചിത്രങ്ങളായ കാന്ത, ലക്കി ഭാസ്കർ എന്നിവയാണ്. ബിഗ് ബഡ്ജറ്റിൽ ഒരുക്കുന്ന പ്രഭാസ് ചിത്രം കൽക്കിയിലും ദുൽഖർ അതിഥി വേഷം ചെയ്യുന്നുണ്ടെന്നും വാർത്തകൾ വന്നിരുന്നു. ഇപ്പോഴിതാ, ദുൽഖർ ആരാധകരെ ആവേശം കൊള്ളിക്കുന്ന മറ്റൊരു വാർത്തയാണ് സോഷ്യൽ മീഡിയയിൽ പ്രചരിക്കുന്നത്. ഉലക നായകൻ കമൽ ഹാസൻ നായകനായ മണി രത്നം ചിത്രത്തിൽ ദുൽഖർ സൽമാനും ഒരു പ്രധാന വേഷം ചെയ്യുമെന്നാണ് സൂചന. അടുത്ത വർഷം ആരംഭിക്കാൻ പ്ലാൻ ചെയ്യുന്ന ഈ ചിത്രത്തിൽ ജയം രവി, തൃഷ എന്നിവരും നിർണായക വേഷങ്ങൾ ചെയ്യുമെന്ന് വാർത്തകളുണ്ട്.
ഇതിന് മുൻപ് ഓകെ കണ്മണി എന്ന മണി രത്നം ചിത്രത്തിൽ നായകനായി അഭിനയിച്ചിട്ടുള്ള ദുൽഖർ സൽമാൻ വീണ്ടും മണി രത്നത്തോടൊപ്പം കൈകോർക്കുമോ എന്നറിയാനുള്ള ആകാംഷയിലാണ് പ്രേക്ഷകർ. എച് വിനോദ് ഒരുക്കാൻ പോകുന്ന തന്റെ 233 ആം ചിത്രം പൂർത്തിയാക്കിയ ശേഷമായിരിക്കും ഈ ബിഗ് ബജറ്റ് പാൻ ഇന്ത്യൻ മണി രത്നം ചിത്രത്തിന്റെ ജോലികളിലേക്ക് കമൽ ഹാസൻ കടക്കുക. ശങ്കർ സംവിധാനം ചെയ്ത ഇന്ത്യൻ 2 ആയിരിക്കും കമൽ ഹാസന്റെ അടുത്ത റിലീസ്. അതേ സമയം, മേൽ പറഞ്ഞ ചിത്രങ്ങൾ കൂടാതെ, ഗോലി എന്ന് പേരുള്ള ഒരു തമിഴ് ചിത്രം കൂടി ദുൽഖർ സൽമാൻ കമ്മിറ്റ് ചെയ്തിട്ടുണ്ട്. സൗബിൻ ഷാഹിർ, അമൽ നീരദ്, ടിനു പാപ്പച്ചൻ എന്നിവരുടെ ചിത്രങ്ങളായിരിക്കും ദുൽഖർ ഇനി മലയാളത്തിൽ ചെയ്യുകയെന്നാണ് സൂചന.
സൂര്യയെ നായകനാക്കി എ ആർ മുരുഗദോസ് സംവിധാനം ചെയ്ത ബ്ലോക്ക്ബസ്റ്റർ തമിഴ് ചിത്രമാണ് 2005 ൽ പുറത്തു വന്ന ഗജിനി.…
തണ്ണീർ മത്തൻ ദിനങ്ങൾ, സൂപ്പർ ശരണ്യ എന്നീ സൂപ്പർ ഹിറ്റുകൾക്കും പ്രേമലു എന്ന ബ്ലോക്ക്ബസ്റ്റർ ചിത്രത്തിനും ശേഷം ഗിരീഷ് എ…
മലയാള സിനിമ കണ്ട ഏറ്റവും വലിയ ചിത്രങ്ങളിൽ ഒന്നായ കത്തനാറിന്റെ ചിത്രീകരണം പൂർത്തിയായി. രണ്ടു ഭാഗങ്ങളായി എത്തുന്ന ഈ ചിത്രത്തിന്റെ…
ഇന്ന് ജന്മദിനം ആഘോഷിക്കുന്ന യുവസൂപ്പർതാരം പൃഥ്വിരാജ് സുകുമാരന് ആശംസകൾ അർപ്പിച്ചു കൊണ്ട് മോഹൻലാൽ നായകനായ എമ്പുരാൻ എന്ന ചിത്രത്തിലെ പൃഥ്വിരാജ്…
നടൻ സൂര്യയുടെ കരിയറിലെ തന്നെ ഏറ്റവും വലിയ ചിത്രമായ കങ്കുവ റിലീസിന് ഒരുങ്ങുകയാണ്. സ്റ്റുഡിയോ ഗ്രീനിന്റെ ബാനറിൽ കെ ഇ…
ഗുരുവായൂരമ്പലനടയിലിന് ശേഷം വീണ്ടും പൃഥ്വിരാജ് - വിപിൻ ദാസ് കോംബോ..! ഇത്തവണ കൂടെ മാജിക് ഫ്രെയിംസും ലിസ്റ്റിൻ സ്റ്റീഫനും. പിറന്നാൾ…
This website uses cookies.