തന്റെ കരിയറിലെ ഏറ്റവും വലിയ ചിത്രമായ കുറുപ്പ് റിലീസ് ചെയ്യുന്നത് കാത്തിരിക്കുകയാണ് യുവ താരം ദുൽഖർ സൽമാൻ. ദുൽഖർ തന്നെ നിർമ്മാണവും നിർവഹിച്ച ഈ ചിത്രം ശ്രീനാഥ് രാജേന്ദ്രൻ ആണ് സംവിധാനം ചെയ്തത്. ഇതിന്റെ പ്രമോഷന്റെ ഭാഗമായി കൊടുത്ത ഒരു അഭിമുഖത്തിൽ, ദുൽഖർ നടത്തിയ ഒരു വെളിപ്പെടുത്തൽ ഇപ്പോൾ ഏറെ വൈറൽ ആവുകയാണ്. തന്റെ അടുത്ത് വന്നു തനിക്കു ചെയ്യാൻ പറ്റാതെ പോയ ചിത്രങ്ങളെ കുറിച്ചായിരുന്നു ദുൽകർ പറഞ്ഞത്. താൻ കഥ കേട്ട് ഒഴിവാക്കിയ ഒരു ചിത്രവും തനിക്കു ഒരു നഷ്ടബോധവും ഉണ്ടാക്കിയിട്ടില്ല എന്ന് ദുൽഖർ പറയുന്നു. എന്നാൽ തന്റെ അടുത്തേക്ക് വന്നു, തന്നിലേക്ക് എത്താതെ പോയ ഒരു ചിത്രം, സൂപ്പർ ഹിറ്റ് ബോളിവുഡ് സിനിമ ആയ അന്ധധുൻ ആണെന്നും ദുൽഖർ പറയുന്നു. ആ ചിത്രം എന്തോ കാരണം കൊണ്ട് തന്നിലേക്ക് എത്തിയില്ല എന്നും, പക്ഷെ തന്നെ അന്വേഷിച്ചു അവർ എത്തിയിരുന്നു എന്നുമാണ് ദുൽഖർ പറയുന്നത്. അങ്ങനെ ഒരു അന്വേഷണം അവരുടെ ഭാഗത്തു നിന്ന് വന്നു കേട്ടപ്പോൾ താൻ അതത്ര സീരിയസ് ആയി എടുത്തില്ല അന്ന് എന്നാണ് ദുൽഖർ വിശദീകരിക്കുന്നത്.
ആയുഷ്മാൻ ഖുറാന ആണ് ഈ ചിത്രത്തിലെ നായക വേഷം ചെയ്തത്. സൂപ്പർ ഹിറ്റായി മാറിയ ഈ ചിത്രത്തിലെ പ്രകടനം, മികച്ച നടനുള്ള ദേശീയ അവാർഡും ആയുഷ്മാനു നേടിക്കൊടുത്തു. ശ്രീറാം രാഘവന്റെ സംവിധാനത്തില് 2018 ല് പുറത്തിറങ്ങിയ അന്ധാദുനില് ആയുഷ്മാന് ഖുരാന, രാധിക ആപ്തെ, തബു എന്നിവരാണ് പ്രധാനകഥാപാത്രങ്ങളെ അവതരിപ്പിച്ചത്. ഈ ചിത്രം മലയാളത്തിലേക്ക് റീമേക് ചെയ്തിരുന്നു. പൃഥ്വിരാജ് നായകനായി എത്തിയ ഈ റീമേക് ഭ്രമം എന്ന പേരിൽ ആമസോൺ പ്രൈം റിലീസ് ആയി കഴിഞ്ഞ മാസമാണ് എത്തിയത്. രവി കെ ചന്ദ്രൻ ആയിരുന്നു അതിന്റെ സംവിധാനം നിർവഹിച്ചത്.
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്ത "മൂൺ വാക്" മെയ് 30 നു ആണ് റിലീസ്…
കൈതിയിലൂടെ സംവിധായകന് ലോകേഷ് കനകരാജ് തുടക്കം കുറിച്ച സിനിമാറ്റിക് യൂണിവേഴ്സായ എല് സി യുവിലെ അടുത്ത ചിത്രമായ ബെൻസിൽ മലയാളത്തിന്റെ…
നിരൂപക പ്രശംസകളും പ്രേക്ഷകപ്രീതിയും നേടിയ ചിത്രം മൂൺ വാക്ക് തിയേറ്ററിൽ വിജയകരമായി മുന്നേറുകയാണ്. ലിജോ ജോസ് പെല്ലിശ്ശേരിയും ലിസ്റ്റിൻ സ്റ്റീഫനും…
മലയാള സിനിമാ ലോകത്തു പ്രതിഭാധനന്മാരായ നൂറിൽപ്പരം കലാകാരന്മാരുടെ മികച്ച പ്രകടനങ്ങൾ ലിജോ ജോസ് പെല്ലിശ്ശേരി അവതരിപ്പിക്കുന്ന മൂൺ വാക്കിലൂടെ നാളെ…
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്യുന്ന "മൂൺ വാക്" മെയ് 30 നു പ്രേക്ഷകരുടെ മുന്നിലെത്തുകയാണ്.…
ലിജോ ജോസ് പെല്ലിശേരിയും ലിസ്റ്റിൻ സ്റ്റീഫനും പ്രേക്ഷകരിലേക്കെത്തിക്കുന്ന മൂൺ വാക്ക് എന്ന ചിത്രത്തിന്റെ വേവ് കോണ്ടെസ്റ്റിൽ പങ്കെടുത്ത് നാളത്തെ താരമാകാനും…
This website uses cookies.