മലയാളത്തിന്റെ സൂപ്പർ താരം മോഹൻലാൽ, ആന്റണി പെരുമ്പാവൂർ എന്നിവർ നേതൃത്വം നൽകുന്ന ആശീർവാദ് സിനിമാസ്, മലയാളത്തിലെ ഏറ്റവും വലിയ ചിത്രങ്ങൾ നിർമ്മിക്കുന്ന ബാനറാണ്. ഇതിനോടകം മുപ്പതിൽ കൂടുതൽ ചിത്രങ്ങൾ നിർമ്മിച്ച ഈ ബാനറിൽ ഇൻഡസ്ട്രി ഹിറ്റ് ചിത്രങ്ങളും ഓൾ ടൈം ബ്ലോക്ക്ബസ്റ്റർ ചിത്രങ്ങളുമാണ് കൂടുതലും ഒരുങ്ങിയിട്ടുള്ളത്. അതിലൊന്നായിരുന്നു ജീത്തു ജോസഫ് സംവിധാനം ചെയ്ത മോഹൻലാൽ ചിത്രമായ ദൃശ്യം. മലയാളത്തിലെ ആദ്യത്തെ അൻപത് കോടി ചിതമായിരുന്നു ദൃശ്യം. കഴിഞ്ഞ വർഷമാണ് ഇതിന്റെ രണ്ടാം ഭാഗവും ഇതേ കൂട്ടുകെട്ടിൽ ആശീർവാദ് സിനിമാസ് നിർമ്മിച്ചത്. എന്നാൽ കോവിഡ് പ്രതിസന്ധി നിലനിൽക്കുന്ന സമയമായതിനാലും തീയേറ്ററുകളിൽ 50 ശതമാനം മാത്രം ആളുകളെ അനുവദിച്ചിരുന്ന സമയമായതിനാലും അവർ ദൃശ്യം 2 നേരിട്ടുള്ള ഒടിടി റിലീസായാണ് എത്തിച്ചത്. മുപ്പത് കോടി രൂപയ്ക്കാണ് ഈ ചിത്രത്തിന്റെ ഒടിടി അവകാശം ആമസോൺ പ്രൈം സ്വന്തമാക്കിയത്.
എന്നാലിപ്പോൾ ഈ ചിത്രത്തിന്റെ ഹിന്ദി റീമേക് തീയേറ്ററിൽ റിലീസ് ചെയ്ത് മഹാവിജയം നേടുമ്പോൾ, മലയാള ചിത്രം ഒടിടി റിലീസായി ഇറക്കിയത് ആശീർവാദ് സിനിമാസ് ചെയ്ത് ഏറ്റവും വലിയ തെറ്റാണെന്ന് വിലയിരുത്തുകയാണ് ട്രേഡ് അനലിസ്റ്റുകൾ. ഇതിനോടകം 200 കോടിയോളം ആഗോള ഗ്രോസ് നേടിയ ദൃശ്യം 2 ഹിന്ദി പതിപ്പിന്റെ വിദേശ ഗ്രോസ് മാത്രം അൻപത് കോടിയോളം ആയി. വിദേശത്ത് അജയ് ദേവ്ഗണിനെക്കാൾ മാർക്കറ്റുള്ള മോഹൻലാലിൻറെ ദൃശ്യം 2 തീയേറ്ററിൽ വന്നിരുന്നെങ്കിൽ, മലയാള സിനിമയുടെ ചരിത്രത്തിലെ തന്നെ ബോക്സ് ഓഫിസ് നാഴികക്കല്ലായി മാറിയേനെ എന്നാണ് ട്രേഡ് അനലിസ്റ്റുകൾ പറയുന്നത്. നല്ലൊരവസരമാണ് ആശീർവാദ് സിനിമാസ് നഷ്ടമാക്കിയതെന്നും അവർ സൂചിപ്പിക്കുന്നു. എന്നാൽ ദൃശ്യം 2 ഹിന്ദി റീമേക്കിന്റെ സഹനിർമ്മാതാക്കൾ കൂടിയായ ആശീർവാദ് സിനിമാസ്, ഹിന്ദി പതിപ്പ് നേടിയ മഹാവിജയത്തോടെ സാമ്പത്തികമായി മികച്ച നേട്ടമാണ് ഉണ്ടാക്കിയത് എന്ന വസ്തുതയും നിലനിൽക്കുന്നു.
ദിൻജിത് അയ്യത്താൻ സംവിധാനം ചെയ്ത കിഷ്കിന്ധാ കാണ്ഡം എന്ന ചിത്രം ഗംഭീര വിജയം നേടി മുന്നേറുമ്പോൾ ഇതിലെ പ്രധാന കഥാപാത്രങ്ങളെ…
അജയന്റെ രണ്ടാം മോഷണം എന്ന ബ്ലോക്ക്ബസ്റ്റർ ചിത്രത്തിലൂടെ മലയാളത്തിന്റെ യുവതലമുറയിലെ സൂപ്പർതാര നിരയിലേക്ക് ഉയർന്നിരിക്കുകയാണ് ടോവിനോ തോമസ്. ജിതിൻ ലാൽ…
ഫഹദ് ഫാസിൽ, കുഞ്ചാക്കോ ബോബൻ എന്നിവരെ നായകന്മാരാക്കി അമൽ നീരദ് ഒരുക്കിയ ഏറ്റവും പുതിയ ചിത്രമാണ് ബൊഗൈൻവില്ല. ഒക്ടോബർ പത്തിന്…
യുവതാരം ആസിഫ് അലിയെ നായകനാക്കി രോഹിത് വി എസ് ഒരുക്കുന്ന ടിക്കി ടാക്ക എന്ന ചിത്രത്തിന്റെ ഷൂട്ടിംഗ് പുനരാരംഭിക്കുന്നു. കള,…
കഴിഞ്ഞ കുറച്ചു ദിവസങ്ങളായി സോഷ്യൽ മീഡിയയിൽ പ്രചരിക്കുന്ന ഒരു വാർത്തയാണ് മോഹൻലാലിനെ നായകനാക്കി പൃഥ്വിരാജ് സുകുമാരൻ ഒരുക്കുന്ന എമ്പുരാൻ എന്ന…
ഇത്തവണ ഓണം റിലീസായി 4 ചിത്രങ്ങളാണ് പ്രധാനമായും പ്രേക്ഷകരുടെ മുന്നിലെത്തിയത്. നവാഗതനായ ജിതിൻ ലാൽ ഒരുക്കിയ അജയന്റെ രണ്ടാം മോഷണം,…
This website uses cookies.