സൂപ്പർ ഹിറ്റ് ജോഡിയായ മോഹൻലാൽ- രഞ്ജിത് ടീം ഒന്നിച്ച ഡ്രാമാ എന്ന ചിത്രം നാളെ കേരളത്തിലെ തീയേറ്ററുകളിൽ എത്തുകയാണ്. കുറേ നാളുകൾക്കു ശേഷം മോഹൻലാൽ മുഴുനീള കോമഡി കൈകാര്യം ചെയ്യുന്ന ചിത്രമാണ് ഡ്രാമ. രഞ്ജിത് തന്നെ രചന നിർവഹിച്ചിരിക്കുന്ന ഈ ചിത്രം ഏകദേശം മുഴുവനായും ലണ്ടനിൽ ആണ് ചിത്രീകരിച്ചിരിക്കുന്നത്. രാജഗോപാൽ എന്ന് പേരുള്ള ഒരു ഫ്യൂണറൽ ഡയറക്ടർ ആയാണ് മോഹൻലാൽ ഈ ചിത്രത്തിൽ അഭിനയിച്ചിരിക്കുന്നത്. ഡ്രാമാ എന്ന ചിത്രം നിങ്ങളെ ഒരുപാട് ചിരിപ്പിക്കും എന്നും അതോടൊപ്പം തന്നെ ഒരു മികച്ച സന്ദേശവും നിങ്ങൾക്ക് നൽകുമെന്നും മോഹൻലാൽ പറയുന്നു. ഇന്ന് ഫേസ്ബുക് ലൈവിൽ വന്നു ഡ്രാമായെ കുറിച്ച് സംസാരിച്ചപ്പോൾ ആണ് മോഹൻലാൽ ഇത് പറഞ്ഞത്. ഇപ്പോൾ ഫാമിലി വെക്കേഷന്റെ ഭാഗമായി ഭാര്യയുമൊത്തു പോർച്ചുഗലിൽ ആണ് മോഹൻലാൽ.
ഡ്രാമായുടെ ഇത് വരെ പുറത്തു വന്ന രണ്ടു ടീസറുകളും ഒരു പ്രോമോ സോങ്ങും സൂപ്പർ ഹിറ്റാണ്. മോഹൻലാൽ തന്നെ ആലപിച്ച പ്രോമോ സോങ്ങിന് സംഗീതം നൽകിയിരിക്കുന്നത് വിനു തോമസ് ആണ്. ഈ ചിത്രത്തിന്റെ പോസ്റ്ററുകളും സോഷ്യൽ മീഡിയയിൽ ഏറെ വൈറൽ ആയിരുന്നു. ലോ ഹൈപ്പിൽ ആണ് വരുന്നത് എങ്കിലും ഒരു മോഹൻലാൽ ചിത്രമായതു കൊണ്ട് തന്നെ മികച്ച റിലീസ് ആണ് ഡ്രാമയ്ക്കു ലഭിക്കുക എന്നുറപ്പാണ്. പുത്തൻ പണം, ലീല എന്നീ പരാജയ ചിത്രങ്ങൾക്ക് ശേഷം രഞ്ജിത് ശക്തമായ ഒരു തിരിച്ചു വരവ് ലക്ഷ്യമിടുന്ന ചിത്രമാണ് ഡ്രാമാ. വർണ്ണചിത്ര ഗുഡ് ലൈൻ പ്രൊഡക്ഷൻസ്, ലിലിപാഡ് മോഷൻ പിക്ചർസ് എന്നിവയുടെ ബാനറിൽ എം കെ നാസ്സർ, മഹാ സുബൈർ എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രം മോഹൻലാലിന്റെ ഈ വർഷത്തെ മൂന്നാമത്തെ റിലീസ് ആണ്.
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്ത "മൂൺ വാക്" മെയ് 30 നു ആണ് റിലീസ്…
കൈതിയിലൂടെ സംവിധായകന് ലോകേഷ് കനകരാജ് തുടക്കം കുറിച്ച സിനിമാറ്റിക് യൂണിവേഴ്സായ എല് സി യുവിലെ അടുത്ത ചിത്രമായ ബെൻസിൽ മലയാളത്തിന്റെ…
നിരൂപക പ്രശംസകളും പ്രേക്ഷകപ്രീതിയും നേടിയ ചിത്രം മൂൺ വാക്ക് തിയേറ്ററിൽ വിജയകരമായി മുന്നേറുകയാണ്. ലിജോ ജോസ് പെല്ലിശ്ശേരിയും ലിസ്റ്റിൻ സ്റ്റീഫനും…
മലയാള സിനിമാ ലോകത്തു പ്രതിഭാധനന്മാരായ നൂറിൽപ്പരം കലാകാരന്മാരുടെ മികച്ച പ്രകടനങ്ങൾ ലിജോ ജോസ് പെല്ലിശ്ശേരി അവതരിപ്പിക്കുന്ന മൂൺ വാക്കിലൂടെ നാളെ…
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്യുന്ന "മൂൺ വാക്" മെയ് 30 നു പ്രേക്ഷകരുടെ മുന്നിലെത്തുകയാണ്.…
ലിജോ ജോസ് പെല്ലിശേരിയും ലിസ്റ്റിൻ സ്റ്റീഫനും പ്രേക്ഷകരിലേക്കെത്തിക്കുന്ന മൂൺ വാക്ക് എന്ന ചിത്രത്തിന്റെ വേവ് കോണ്ടെസ്റ്റിൽ പങ്കെടുത്ത് നാളത്തെ താരമാകാനും…
This website uses cookies.