ഇതിനോടകം തന്നെ വലിയ വിവാദമായി മാറിയ ദേശീയ അവാർഡ് വിതരണം മറ്റ് തലങ്ങളിലേക്ക് കൂടി പോകുകയാണ്. രാഷ്ട്രപതി അവാർഡ് നൽകാത്തതിനെ തുടർന്ന് പരുപാടി ബഹിഷ്കരിച്ചവരെ എതിർത്തും അനുകൂലിച്ചും നിരവധി പോസ്റ്റുകളാണ് ഇപ്പോൾ വന്നുകൊണ്ടിരിക്കുന്നത്. ജോയ് മാത്യുവിന്റെയും സംവിധായകൻ ഡോക്ടർ ബിജുമായുള്ള ഈ വിഷയത്തിലുള്ള തർക്കമാണ് ഏറ്റവും അവസാനത്തേത്. ഭൂരിഭാഗവും വിട്ട് നിന്നപ്പോഴും യേശുദാസും സംവിധായകൻ ജയരാജുമെല്ലാം അവാർഡ് വാങ്ങിയത് ഇന്നലെ തന്നെ വലിയ വിമർശനം ഉയരാൻ കാരണമായി. ഇവരെയോർത്ത് ലജ്ജിക്കുന്നു എന്ന് സംവിധായകൻ സിബി മലയിൽ പറഞ്ഞതോടെയാണ് ആരംഭം. ഡബ്ബിങ് ആർട്ടിസ്റ് ഭാഗ്യലക്ഷ്മി സംവിധായകൻ മേജർ രവി തുടങ്ങിയവർ രൂക്ഷമായ വിമർശനങ്ങളുമായി എത്തിയിരുന്നു അതിനിടെയാണ് ജോയ് മാത്യ യേശുദാസിനേയും ജയരാജിനെയും അനുകൂലിച്ച് പോസ്റ്റ് ഇട്ടതും. അതിനെ എതിർത്ത് ഡോക്ടർ ബിജു രംഗത്ത് എത്തിയതും.
അച്ചാർ കച്ചവടക്കാരിൽ നിന്നും അടിവസ്ത്ര വ്യാപാരികളിൽ നിന്നും യാതൊരു ചമ്മലുമില്ലാതെ കുനിഞ്ഞുനിന്ന് പുരസ്കാരങ്ങൾ വങ്ങിക്കുന്നവർക്ക് കേന്ദ്രമന്ത്രി സ്മൃതി ഇറാനിയിൽ നിന്നും അവാർഡ് സ്വീകരിക്കാൻ കഴിയില്ല എന്ന് പറയുന്നതിന്റെ യുക്തി എനിക്ക് മനസ്സിലാകുന്നില്ല എന്നായിരുന്നു ജോയ് മാത്യു തന്റെ ഫേസ്ബുക്കിലൂടെ പറഞ്ഞത്. അവാർഡിന് വേണ്ടി ആവരുത് ചിത്രങ്ങൾ എടുക്കന്നത് എന്നും അദ്ദേഹം പോസ്റ്റിലൂടെ പറയുകയുണ്ടായി. എന്നാൽ ജോയ് മാത്യുവിനെതിരെ പോസ്റ്റുമായി സംവിധായകൻ ഡോക്ടർ ബിജുവും എത്തി. 2012ൽ താൻ ജൂറിയായിരിയ്ക്കേ അദ്ദേഹത്തിന്റെ ചിത്രത്തിന് അവാർഡ് ലഭിച്ചില്ല എന്ന കാരണത്താൽ തന്നെ വിളിച്ച് തെറി പറഞ്ഞ വ്യക്തിയാണ് ജോയ് മാത്യു എന്നും ബിജു പറയുകയുണ്ടായി. തെറിയോടൊപ്പം ജാതി അധിക്ഷേപവും നിറഞ്ഞ വാക്കുകൾ ആയിരുന്നു അന്ന് പ്രയോഗിച്ചത്. താൻ അന്ന് കൊടുത്ത കേസിൽ ജാമ്യം നേടിയ വ്യക്തിയാണ് ഇന്ന് ഇത്തരം പോസ്റ്റുകളുമായി എത്തുന്നത് എന്നാണ് ജോയ് മാത്യുവിന് മറുപടി നൽകി സംവിധായകൻ ബിജു പറയുന്നത്. ഇരുവരുടെയും തർക്കങ്ങളും മറുപടിയും ഇതിനോടകം തന്നെ വലിയ ചർച്ചയായി മാറിക്കഴിഞ്ഞു. ജോയ് മാത്യുവിന്റെ ഇതിനോടുള്ള മറുപടിക്ക് കൂടി കാത്തിരിക്കുകയാണ് പ്രേക്ഷക സമൂഹം
കൊച്ചി : 15 വർഷങ്ങൾ..നിർമ്മിച്ചത് 26 സിനിമകൾ. മലയാള സിനിമ മേഖലയിൽ മാറ്റത്തിന്റെ പാത തെളിച്ചാണ് ലിസ്റ്റിൻ സ്റ്റീഫനും മാജിക്…
കേരളത്തിന് പുറമെ അന്യസംസ്ഥാനങ്ങളും 3D A.R.M ന്റെ ബോക്സ് ഓഫീസ് തേരോട്ടം തുടരുകയാണ് .ഫേസ്ബുക്കിൽ അജിത് പുല്ലേരി പങ്ക് വച്ച…
കംപ്ലീറ്റ് ആക്ടർ മോഹൻലാലിനെ നായകനാക്കി പൃഥ്വിരാജ് സുകുമാരൻ ഒരുക്കുന്ന ചിത്രമാണ് എമ്പുരാൻ. നൂറു കോടി ക്ലബിൽ ഇടം പിടിച്ച തന്റെ…
തമിഴകത്തിന്റെ സൂപ്പർസ്റ്റാർ രജനികാന്ത് നായകനായ ഏറ്റവും പുതിയ ചിത്രമായ വേട്ടൈയാൻ ഒക്ടോബർ പത്തിന് പ്രേക്ഷകരുടെ മുന്നിലെത്തുകയാണ്. ടി ജെ ജ്ഞാനവേൽ…
ആസിഫ് അലി നായകനായ കിഷ്കിന്ധാ കാണ്ഡം 50 കോടി ക്ലബിൽ. 12 ദിവസം കൊണ്ടാണ് ഈ ചിത്രം ആഗോള തലത്തിൽ…
പാൻ ഇന്ത്യൻ ബ്ലോക്കബ്സ്റ്റർ ചിത്രമായ പുഷ്പയുടെ രണ്ടാം ഭാഗം ഇന്ന് ഇന്ത്യൻ സിനിമാ പ്രേക്ഷകർ ഏറ്റവും കൂടുതൽ കാത്തിരിക്കുന്ന ചിത്രമാണെന്ന്…
This website uses cookies.