കുഞ്ഞു മാലാഖയുടെ ചിത്രങ്ങൾ പങ്കു വെച്ചു ദിവ്യ ഉണ്ണി

മലയാളി പ്രേക്ഷകരുടെ ഇഷ്ട നായികമാരിൽ ഒരാളായിരുന്നു ദിവ്യ ഉണ്ണി. ഒട്ടേറെ സൂപ്പർ ഹിറ്റ് ചിത്രങ്ങളുടെ ഭാഗമായിട്ടുള്ള ഈ നടി മിനി സ്ക്രീനിലും പ്രത്യക്ഷപ്പെട്ടിട്ടുണ്ട്. ഇപ്പോഴിതാ തന്റെ കുഞ്ഞു മകളുടെ ചിത്രങ്ങൾ പങ്കു വെച്ചിരിക്കുകയാണ് ദിവ്യ ഉണ്ണി. ഐശ്വര്യ എന്നാണ് ദിവ്യ ഉണ്ണിയുടെ കുഞ്ഞിന്റെ പേര്. നേരത്തെ അമ്മയാകാൻ ഒരുങ്ങുന്നതിന്റെ സന്തോഷം പങ്കു വെച്ചുകൊണ്ട്, വളകാപ്പു ചടങ്ങിന്റെ ചിത്രങ്ങളുമായി ഈ നടി സോഷ്യൽ മീഡിയയിൽ ഇട്ട പോസ്റ്റ് വളരെ ശ്രദ്ധ നേടിയെടുത്തിരുന്നു. ഇപ്പോൾ തന്റെ മൂന്നാമത്തെ കുഞ്ഞിനൊപ്പമുള്ള ചിത്രങ്ങളാണ് ദിവ്യാ ഉണ്ണി പുറത്തു വിട്ടിരിക്കുന്നത്. രണ്ടു വർഷം മുൻപ്, 2018 ഫെബ്രുവരി മാസത്തിലായിരുന്നു ദിവ്യ ഉണ്ണി രണ്ടാമത് വിവാഹം കഴിച്ചത്. അമേരിക്കയിലെ ഹൂസ്റ്റണിൽ എൻജിനീയർ ആയ അരുൺ ആണ് ദിവ്യ ഉണ്ണിയുടെ ഭർത്താവ്.

2017 ഇൽ ആണ് തന്റെ ആദ്യ വിവാഹബന്ധം ദിവ്യ ഉണ്ണി വേർപ്പെടുത്തിയത്. ആദ്യ ബന്ധത്തിൽ രണ്ടു കുട്ടികളാണ് ഈ നടിക്കുള്ളത്. ആ കുട്ടികളും ഇപ്പോൾ ദിവ്യക്കൊപ്പമുണ്ട്. ബാലതാരം ആയി സിനിമയിൽ വന്ന ദിവ്യ ഉണ്ണി കല്യാണ സൗഗന്ധികം എന്ന ചിത്രത്തിലൂടെ നായികാ വേഷം ചെയ്തു കൊണ്ട് മലയാളത്തിൽ പ്രശസ്തയായി. മോഹൻലാൽ, മമ്മൂട്ടി, സുരേഷ് ഗോപി, ജയറാം, ദിലീപ് തുടങ്ങിയ മലയാളത്തിലെ ഒട്ടുമിക്ക സൂപ്പർ താരങ്ങളുടെ നായികയായും ഈ നടിയഭിനയിച്ചിട്ടുണ്ട്. മലയാളത്തിന് പുറമെ തമിഴ്, തെലുങ്കു, കന്നഡ ഭാഷകളിലും അഭിനയിച്ച നടിയാണ് ദിവ്യ. 2000 ത്തിനു ശേഷം എട്ടു വർഷത്തെ ഇടവേള കഴിഞ്ഞു ദിവ്യ അഭിനയ രംഗത്തേക്ക് മടങ്ങിയെത്തിയിരുന്നു എങ്കിലും ഒട്ടേറെ ചിത്രങ്ങളിൽ പിന്നീട് അഭിനയിച്ചിട്ടില്ല.