സന്തോഷ് ശിവന്റ്റെ സംവിധാനത്തിൽ മമ്മൂട്ടി സാറിനെ വെച്ച് ഒരു ചരിത്ര സിനിമ ആലോചിക്കാവുന്നതാണ്…!

മോഹൻലാൽ നായകനായ പ്രിയദർശൻ ചിത്രം മരക്കാർ അറബിക്കടലിന്റെ സിംഹം മികച്ച വിജയം നേടി ഇപ്പോൾ മുന്നേറുകയാണ്. മലയാള സിനിമയുടെ ചരിത്രത്തിലെ ഏറ്റവും വലിയ റിലീസ് ആയെത്തിയ ഈ ചിത്രം റെക്കോർഡ് ആഗോള ഗ്രോസ് നേടിയാണ് വമ്പൻ വിജയത്തിലേക്ക് കുതിക്കുന്നത്‌. മരക്കാർ നാലാമന്റെ ജീവ ചരിത്രമാണ് ഈ ചിത്രത്തിലൂടെ പ്രിയദർശൻ അവതരിപ്പിച്ചിരിക്കുന്നത്. ചരിത്ര രേഖങ്ങൾ ഒരുപാട് ലഭ്യമല്ല എന്നത് കൊണ്ട് തന്നെ ചരിത്രത്തോടൊപ്പം ഭാവനയും ഇടകലർത്തിയാണ് ഈ ചിത്രം അദ്ദേഹം അവതരിപ്പിച്ചിരിക്കുന്നത്. അതുകൊണ്ട് തന്നെ ഇതേ ചരിത്രം അടിസ്ഥാനമാക്കി ഇനിയും ചരിത്ര സിനിമകൾ ഉണ്ടാക്കാനുള്ള സ്കോപ് ഉണ്ടെന്നു പറയുകയാണ് സംവിധായകൻ എം എ നിഷാദ്. മരക്കാർ വളരെ മികച്ച ഒരു ചിത്രം ആണെന്നും അദ്ദേഹം പറയുന്നു. തന്റെ ഫേസ്ബുക് പേജിൽ ഇട്ട കുറിപ്പിലാണ് അദ്ദേഹം ഇനിയും ഈ ചരിത്രം അടിസ്ഥാനമാക്കി സിനിമ എടുക്കാമെന്നും, അതിൽ മമ്മൂട്ടിക്ക് അഭിനയിക്കാമെന്നും പറയുന്നത്.

എം എ നിഷാദിന്റെ വാക്കുകൾ ഇപ്രകാരം, മരക്കാർ കണ്ടു. മകനോടൊപ്പം. ഇതൊരു ചരിത്ര സിനിമയല്ല. ഇത് സംവിധായകന്റ്റെ, ചിന്തകളിൽ നിന്നും രൂപപ്പെട്ടതാണെന്ന് അദ്ദേഹം തന്നെ പറഞ്ഞിട്ടുണ്ട്. അപ്പോൾ വിമർശിക്കുന്നവർ അതും കൂടി കണക്കിലെടുക്കണം. കുഞ്ഞാലി മരക്കാറായി മോഹൻലാൽ, നല്ല പ്രകടനം തന്നെയാണ് കാഴ്ച്ചവെച്ചത്. അഭിനേതാക്കൾ എല്ലാവരും തന്നെ അവരവരുടെ ഭാഗം നന്നായി ചെയ്തിട്ടുണ്ട്. ഒരു വിഷ്വൽ ട്രീറ്റ് തന്നെയാണ് കുഞ്ഞാലി മരക്കാർ. സിദ്ധാർത്ഥ് പ്രിയദർശനും, ഛായാഗ്രഹകൻ, തിരുവും, സൗണ്ട് ഡിസൈനർ രാജാകൃഷ്ണനും, പ്രത്യേകം അഭിനന്ദനം അർഹിക്കുന്നു. ആൻറ്റണി പെരുമ്പാവൂർ എന്ന നിർമ്മാതാവിന്റ്റേത് കൂടിയാണ് ഈ ചിത്രം എന്ന് പറയാതെ വയ്യ. ചില അപാകതകൾ നമ്മൾ കണ്ടില്ല എന്ന് നടിക്കുകയും അതിന്റെ തെറ്റുകൾ ഉച്ചത്തിൽ വിളിച്ചുപറയാതിരിക്കലും ഒരുപാടുപേരുടെ പ്രയത്നഫലമായ, അന്നമായ. കലാസൃഷ്ടികളെ ഇകഴ്ത്താതിരിക്കലും, ഒരു വലിയ സമൂഹം ജീവിച്ചുപോകുന്ന ഈ മേഘലയുടെ ഉയിർത്തെഴുന്നേൽപ്പിനും കലയെയും കലാകാരന്മാരെയും സ്നേഹിക്കുന്ന ഓരോ വ്യക്തികളുടെയും പക്വമായി പെരുമാറലുകളും അത്യാവശ്യമാണ്. ഈ കാലഘട്ടത്ത്. കുഞ്ഞാലി മരക്കാർ എന്ന ആദ്യത്തെ സ്വാതന്ത്ര്യ സമര പോരാളിയുടെ ചരിത്രം സിനിമയാക്കാൻ ഇനിയും കഴിയും. സന്തോഷ് ശിവന്റ്റെ സംവിധാനത്തിൽ മമ്മൂട്ടി സാറിനെ വെച്ച് ഒരു ചരിത്ര സിനിമ ആലോചിക്കാവുന്നതാണ്. അതിന് നല്ലൊരു തിരക്കഥയാണ് ആവശ്യം. I repeat നല്ലൊരു തിരക്കഥയാണാവശ്യം. സന്തോഷ് ശിവൻ ആ കാര്യത്തിൽ രണ്ടാമത് ഒന്നാലോചിക്കുന്നതായിരിക്കും. നല്ലത്.