ബ്രിട്ടനിലും വമ്പൻ അഡ്വാൻസ് ബുക്കിംഗ്; ജനപ്രിയന്റെ ബാന്ദ്ര തീയേറ്റർ ലിസ്റ്റ് കാണാം

ജനപ്രിയ നായകൻ ദിലീപിനെ നായകനാക്കി രാമലീല ഫെയിം അരുൺ ഗോപി സംവിധാനം ചെയ്ത ഏറ്റവും പുതിയ ചിത്രമായ ബാന്ദ്ര നാളെ ആഗോള റിലീസായി പ്രേക്ഷകരുടെ മുന്നിലെത്തുകയാണ്. മികച്ച അഡ്വാൻസ് ബുക്കിംഗ് ലഭിക്കുന്ന ഈ മാസ്സ് ചിത്രത്തിന് കേരളത്തിൽ കൂടാതെ വിദേശത്തും മികച്ച തുടക്കമാകും ലഭിക്കുക എന്നുറപ്പായിക്കഴിഞ്ഞു. ബ്രിട്ടനിൽ അഡ്വാൻസ് ബുക്കിംഗ് ആരംഭിച്ച ദിവസം തന്നെ ഏകദേശം 2300 ഇൽ കൂടുതൽ ടിക്കറ്റുകളാണ് ഈ ചിത്രത്തിന്റേതായി വിറ്റഴിഞ്ഞതെന്നാണ് സൂചന. കേരളത്തിലും വിദേശത്തുമായി വമ്പൻ ഓപ്പണിങ് ആയിരിക്കും ഈ ചിത്രം നേടിയയെടുക്കുക എന്നാണ് ആരാധകരുടെ പ്രതീക്ഷ. അജിത് വിനായക ഫിലിംസിന്റെ ബാനറിൽ അജിത് വിനായക നിർമ്മിച്ച ഈ ചിത്രം രചിച്ചിരിക്കുന്നത് സൂപ്പർ ഹിറ്റ് ചിത്രങ്ങളുടെ രചയിതാവായ ഉദയ കൃഷ്ണയാണ്. തമന്ന ഭാട്ടിയ നായികാ വേഷം ചെയുന്ന ബാന്ദ്രയുടെ ടീസറുകൾ, ഗാനങ്ങൾ എന്നിവയും സോഷ്യൽ മീഡിയയിൽ ഹിറ്റാണ്.

തമിഴ് സൂപ്പർ താരം ശരത് കുമാർ, മമത മോഹൻദാസ്, ബോളിവുഡ് താരം ഡിനോ മോറിയ, തെലുങ്ക്- കന്നഡ താരം ഈശ്വരി റാവു, മിസ്റ്റര്‍ ഇന്ത്യ ഇന്റര്‍നാഷണലും മോഡലുമായ ദാരാസിങ്‌ ഖുറാന, തമിഴിൽ നിന്ന് വിടിവി ഗണേഷ്, സിദ്ദിഖ്, കലാഭവൻ ഷാജോൺ. ലെന, തുടങ്ങി ഒരു വലിയ താരനിരതന്നെ ദിലീപിനും തമന്നക്കുമൊപ്പം അണിനിരക്കുന്ന ഈ ചിത്രം ദിലീപിന്റെ കരിയറിലെ തന്നെ ഏറ്റവും വലിയ ചിത്രം കൂടിയാണ്. ഷാജി കുമാർ കാമറ ചലിപ്പിച്ച ബാന്ദ്രക്ക് സംഗീതമൊരുക്കിയത് സാം സി എസും എഡിറ്റിംഗ് നിർവഹിച്ചത് വിവേക് ഹർഷനുമാണ്. ചിത്രത്തിന്റെ വിവിധ മാർക്കറ്റുകളിലെ തീയേറ്റർ ലിസ്റ്റുകൾ ഇവിടെ ചേർക്കുന്നു.