വടക്കുംനാഥന്റെ മണ്ണിൽ പൂരമൊരുക്കാൻ ജനപ്രിയനെത്തുന്നു; ബാന്ദ്രയുടെ വിജയമാഘോഷിക്കാൻ ദിലീപ് രാഗത്തിൽ
തന്റെ ഏറ്റവും പുതിയ ചിത്രമായ ബാന്ദ്രയുടെ വിജയം ആഘോഷിക്കാൻ ദിലീപ് ഇന്ന് രാത്രി തൃശൂർ രാഗത്തിലെത്തുന്നു. പ്രേക്ഷകർക്കൊപ്പം ചേരാൻ അദ്ദേഹം കേരളത്തിലെ ഏറ്റവും മികച്ച തീയേറ്ററുകളിലൊന്നായ രാഗത്തിൽ എത്തുന്നത് ഇന്ന് രാത്രി 9.30 നാണ്. ജനപ്രിയ നായകൻ ദിലീപ് നായകനായി എത്തിയ ബാന്ദ്ര ഇന്നലെയാണ് പ്രേക്ഷകരുടെ മുന്നിലെത്തിയത്. ആദ്യ ഷോ മുതൽ തന്നെ മികച്ച പ്രേക്ഷക പ്രതികരണമാണ് ഈ ചിത്രം നേടിയത്. ഒരേ സമയം ദിലീപ് ആരാധകരേയും കുടുംബ പ്രേക്ഷകരേയും തൃപ്തിപ്പെടുത്തുന്ന രീതിയിലൊരുക്കിയ ഈ ചിത്രം രചിച്ചിരിക്കുന്നത് ഉദയ കൃഷ്ണയും സംവിധാനം ചെയ്തിരിക്കുന്നത് അരുൺ ഗോപിയുമാണ്. ആല എന്നറിയപ്പെടുന്ന അലക്സാണ്ടർ ഡൊമിനിക് എന്ന കഥാപാത്രത്തിന്റെയും താര ജാനകി എന്ന ബോളിവുഡ് നടിയുടേയും പ്രണയ കഥ, വളരെ മാസ് ആയും വൈകാരികമായും അവതരിപ്പിച്ചിരിക്കുന്ന ചിത്രമാണ് ബാന്ദ്ര. പ്രണയവും ആക്ഷനും ചെറു നർമ്മ മുഹൂർത്തങ്ങളും വൈകാരിക നിമിഷങ്ങളുമെല്ലാം കോർത്തിണക്കിയ ഈ ചിത്രം ആദ്യാവസാനം പ്രേക്ഷകരെ രസിപ്പിക്കുന്നുണ്ട്.
തീയേറ്ററുകളിൽ കാണപ്പെടുന്ന കുടുംബ പ്രേക്ഷകരുടെ നീണ്ട നിര ഈ ദിലീപ് ചിത്രവും പ്രേക്ഷകർ ഇരു കയ്യും നീട്ടി സ്വീകരിച്ചു എന്നതിന് തെളിവാണ്. വോയ്സ് ഓഫ് സത്യനാഥൻ എന്ന ചിത്രത്തിന് ശേഷം വീണ്ടും ഈ വർഷം ഒരു ദിലീപ് ചിത്രം കൂടി മികച്ച വിജയം നേടുകയാണ്. അജിത്ത് വിനായക ഫിലിംസിന്റെ ബാനറില് വിനായക അജിത്ത് നിർമ്മിച്ചിരിക്കുന്ന ഈ ചിത്രത്തിൽ താര ജാനകിയെന്ന നായികാ കഥാപാത്രമായി അഭിനയിച്ചിരിക്കുന്നത് തെന്നിന്ത്യൻ താരസുന്ദരി തമന്ന ഭാട്ടിയയാണ്. തമിഴ് സൂപ്പർ താരം ശരത് കുമാർ, മമത മോഹൻദാസ്, ബോളിവുഡ് താരം ഡിനോ മോറിയ, തെലുങ്ക്- കന്നഡ താരം ഈശ്വരി റാവു, മിസ്റ്റര് ഇന്ത്യ ഇന്റര്നാഷണലും മോഡലുമായ ദാരാസിങ് ഖുറാന, തമിഴിൽ നിന്ന് വിടിവി ഗണേഷ്, സിദ്ദിഖ്, കലാഭവൻ ഷാജോൺ. ലെന, തുടങ്ങി ഒരു വലിയ താരനിരതന്നെ അണിനിരന്ന ബാന്ദ്രക്ക് സംഗീതമൊരുക്കിയത് സാം സി എസ്, കാമറ ചലിപ്പിച്ചത് ഷാജി കുമാർ, എഡിറ്റ് ചെയ്തത് വിവേക് ഹർഷൻ എന്നിവരാണ്
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ബുക്കിങ്ങ് ആരംഭിച്ചു. ലോകമെമ്പാടും ചിത്രത്തിന്റെ ബുക്കിങ്ങ് അതിവേഗത്തിലാണ് നടക്കുന്നത്. നിമിഷനേരം…
"മഞ്ഞുമ്മൽ ബോയ്സ്" നിർമ്മാതാക്കൾക്കെതിരായ ക്രിമിനൽ നടപടികൾക്ക് കോടതിയുടെ സ്റ്റേ. സൗബിൻ്റെ പിതാവ് സമർപ്പിച്ച ഹർജിയിലാണ് കോടതിയുടെ ഇടക്കാല ഉത്തരവ്. കേസിലെ…
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ട്രെയിലർ റിലീസായി. ദുബായിലെ സിലിക്കോൺ സെൻട്രൽ മാളിൽ വെച്ചാണ് ട്രെയിലർ…
പെരുമാനീലെ കവലയിൽ സ്ഥാപിച്ച നോട്ടീസ് ബോർഡിൽ അപ്രതീക്ഷിതമായ് ഒരു നോട്ടീസ് പ്രത്യക്ഷപ്പെടുന്നു. കലഹങ്ങൾ ഇല്ലാത്ത പെരുമാനി ഗ്രാമത്തിൽ പ്രത്യക്ഷപ്പെട്ട ആ…
വ്യത്യസ്ത ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ സംവിധായകൻ മജു ഒരുക്കിയ ഏറ്റവും പുതിയ ചിത്രമായ പെരുമാനി ഇപ്പോൾ…
ജനപ്രിയ നായകൻ ദിലീപ് കേന്ദ്ര കഥാപാത്രമായ പവി കെയർ ടേക്കർ തീയേറ്ററുകളിൽ വിജയകരമായി പ്രദശനം തുടരുന്നു. റിലീസായി രണ്ടാഴ്ച പിന്നിടുമ്പോഴും…
This website uses cookies.