ദിലീപിന് ശ്രീനിവാസന്റെ പിന്തുണ; ഇങ്ങനെ ചെയ്യാൻ ദിലീപ് ഒരു മണ്ടൻ അല്ലെന്നു ശ്രീനിവാസൻ..!

പ്രമുഖ നടി ആക്രമിക്കപ്പെട്ട കേസിൽ കുറ്റാരോപിതനായ പോലീസ് കസ്റ്റഡിയിൽ കഴിയുകയാണ് ജനപ്രിയ നായകൻ ദിലീപ്. ഈ വിഷയമാണ് ഇപ്പോൾ കുറച്ചു നാളായിട്ടു കേരളത്തിലെ പ്രധാന ചർച്ചാ വിഷയം. ഈ വിഷയത്തിൽ ദിലീപിനെ അനുകൂലിച്ചും പ്രതികൂലിച്ചും രണ്ടും ഭാഗം തിരിഞ്ഞു ചർച്ചകൾ ചെയ്യുകയാണ് നമ്മുടെ വാർത്താ മാധ്യമങ്ങളുടെ ഇപ്പോഴത്തെ പ്രധാന വിനോദമെന്നും പറയാം. അനുകൂലിച്ചാലും പ്രതികൂലിച്ചാലും അതെല്ലാം ചർച്ചക്കുള്ള വിഷയമായി മാറുകയാണ് ഈ വിഷയത്തെ സംബന്ധിച്ച ഏറ്റവും വലിയ പ്രത്യേകത. ഇന്നിപ്പോൾ ദിലീപിന് പിന്തുണയുമായി നടനും എഴുത്തുകാരനും സംവിധായകനുമായ ശ്രീനിവാസൻ രംഗത്ത് വന്നിരിക്കുകയാണ്. ഇങ്ങനെയൊരു മണ്ടത്തരത്തിനു ദിലീപ് മുതിരുമെന്നു താൻ വിശ്വസിക്കുന്നില്ല എന്നാണ് ശ്രീനിവാസൻ ഈ വിഷയത്തിൽ പ്രതികരിച്ചത്. ശ്രീനിവാസൻ മാത്രമല്ല ഒട്ടനവധി സിനിമ പ്രവർത്തകർ ഇതേ കാര്യം മുൻപും പറഞ്ഞിട്ടുണ്ട് എന്നതും ശ്രദ്ധേയമാണ്.

ദിലീപ് സാമാന്യബുദ്ധിയുള്ള ആളാണെന്നാണ് തന്റെ വിശ്വാസം എന്നും പൊലീസ് അന്വേഷണത്തിലുള്ള, കോടതിയുടെ പരിഗണനയിലുള്ള വിഷയമാണ് ഇതെന്നതിനാൽ ഇപ്പോൾ കൂടുതൽ ഈ വിഷയത്തെ കുറിച്ച് പ്രതികരിക്കാൻ ഇല്ലെന്നും ശ്രീനിവാസൻ കൂട്ടി ചേർത്തു. കായംകുളം കറ്റാനത്ത് ഓണാട്ടുകര കോക്കനട്ട് ഓയില്‍ കമ്പനി സന്ദർശിക്കാൻ എത്തിയപ്പോഴാണ് ശ്രീനിവാസൻ ഈ പ്രതികരണം നടത്തിയത്.

അതുപോലെ അംഗങ്ങൾക്ക് കൈനീട്ടം കൊടുക്കുന്നതല്ലാതെ താര സംഘടനയായ അമ്മക്ക് ഇപ്പോൾ യാതൊരു പ്രസക്തിയും ഇല്ലെന്നും ശ്രീനിവാസൻ അവിടെ പറഞ്ഞു. അംഗങ്ങള്‍ക്ക് കാണിക്ക അര്‍പ്പിക്കാനുള്ള വേദിയാണ് ഇപ്പോൾ ‘അമ്മ എന്നാണ് ശ്രീനിവാസൻ പറഞ്ഞത്. അംഗങ്ങൾക്ക് പ്രതിഫലം കിട്ടാതെ വരുമ്പോൾ ആ പ്രശ്നങ്ങൾ പറഞ്ഞു തീർത്തു അത് വാങ്ങി കൊടുക്കൽ മാത്രമാണ് അമ്മ ഇപ്പോൾ ചെയ്യുന്ന ഒരേ ഒരു പണി എന്നും ശ്രീനിവാസൻ